Ubuvumbuli 18:11 - IBAYIBOLO 2024

¹¹ “Bope abaghulizi aba muchisu ichapasi bakumulilila nukufwifwitila, pachifukwa ichakuti nayumo umuntu yuyo akubaghulapo sona ukatundu wabo.

Ulufingo Ulupya

¹¹ Bope abaghulizi aba muchisu ichapasi bakumulilila nukufwifwitila, pachifukwa chakuti nayumo umuntu yuyo akubaghulapo sona ukatundu wabo.

Ubuvumbuli 18:11 Iomraidhean Croise

Ivyili 3:14

Pakuti amahala ghachilite usiliva, sona ghachilite nu golide.

Yesaya 13:19

Sona akaya akakulu nkani aka Babiloni, kako kaya aka buchindamu ubwa bumwene, abantu bakwituvya nu Babiloni. Loli ane ne Chala nkwiza pakumunangannya, ngati mumo nkamunanganizizya u Sodomu nu Gomola.

Yesaya 47:15

Momumo bakwiza pakukwavwilizizya abantu, babo wabombagha nabo, sona na bantu babo waghulizannyanga nabo, ukwanda bo bwana bwako bosi, bakwiza pakuzyebeluka bulo, patakwiza pakubapo nayumoyumo uwakubapoka.

Ezekiyeli 27:9

Abakuyannya amabwato aba mu Gebala, bakaba pakasi papinyu. Bakayannyanga amabwato, ukufuma kosi na kosi. Amabwato ghosi agha panyanja, nabendezya amabwato babo, bakiza nu katundu, ukuti baghulizannye nawe ukatundu.

Zefaniya 1:11

“Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Matayi 22:5

Loli abantu babo bakavisulannya bulo nukubuka ku mbombo zyabo; yumo akabuka ku mughunda wache, uyunji akabuka pakughulizya,

Yohani 2:16

Po akabalamula babo bakaghulizyanga inkunda ukuti, “Muzifumye kuzi. Mutakayipelaye Inyumba iya Tata pakuba munalo.”

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

Ubuvumbuli 18:15

Abaghulizi babo bakaba bakabi pachifukwa ichakughulizya ivintu vyabo mukaya kalakala, bakwiza pakwimilila pabutalipo pachifukwa ichabogha nintamyo zyache. Bakwiza pakulila nukufwifwitila,

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 18:23

Mutakwiza pakubonekapo nalumolumo ukulama ukwa nyale mumwako. Mumwako mutakwiza pakwivwikapo nalumo izyu ilya mwenesendwa nilya yuyo akusendwa. Abaghulizi bako bakaba bamaka nkani muchisu ichapasi. Ukabazimbula abantu bosi aba muchisu ichapasi na mayele ghako aghabumyasi.

Ubuvumbuli 18:3

Ivyisu vyosi vyang'wela uvinyo wache, uvinyo umukali uwa bwamalaya bwache. Abamwene aba muchisu ichapasi bakalowa nawe, sona abaghulizi aba muchisu ichapasi bakaba bakabi pachifukwa icha bumi bwache ubwamwalwemwalwe.”

Ubuvumbuli 18:9

“Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.