Ubuvumbuli 17:8 - IBAYIBOLO 2024

⁸ Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ulufingo Ulupya

⁸ Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma mu chibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 17:8 Iomraidhean Croise

Masalimo 69:28

Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 7:11

“Po nkendelela pakwenelezya pachifukwa icha mazyu ghagho ulupembe lukanenagha umwakwitutumula. Nkennyanga bulo mupaka ichinyamana chila chikaghoghiwa, umuvimba wache bakaghunangannya nukughusumba mumoto, uwakwaka nkani.

Daniyeli 7:26

“ ‘Loli abalongi bakwiza pakulonga, bakwiza pakughefya amaka ghache, umwakuti ghananganike nukuzimila zila.

Daniyeli 7:3

Munyanja mula mukazubuka ivinyamana folo ivikulukulu, ichinyamana choka chikaba chakulekana ni chamwabo.

Daniyeli 7:7

“Po nkachennya ichinyamana ichafolo, chicho chikabonekagha chakoghofya sona ni chamaka. Chikaba na mino amakulu nkani agha chela. Chikalyanga nukukavulannya, sona nukukanyankila vyosi vivyo vikasyala. Ichinyamana chinichi chikaba chakulekana nkani ni vinyamana ivyakwanda vila, sona chikaba ni mpembe teni.

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Luka 8:31

Imizimu imibibi yikamulaba u Yesu ukuti atakayitume muchibanka ichibizu nkani chicho abantu ababibi bakufundiliwako.

Yohani 17:24

“Wee Tata, nkulonda ukuti abantu babo umpiye babanje nane kuko indi, umwakuti bangennya ubuchindamu bwane, bubo ukampa pakuti ukangana bo ni chisu chichili pakupeliwa.

Imbombo 15:18

Po u Mwene akunena bunubu, yuyo akavumbula ivintu vinivi kale.’

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

1 Pitala 1:20

Umwene akasaliwa nu Chala, bo ni chisu ichapasi chitapeliwe, loli avumbuliwa mumasiku aghabumalilo agha pachifukwa icha mwemwe.

Ubuvumbuli 11:7

Bo bamala pakusimikizya, ichinyamana ichakufuma muchibanka ichibizu nkani chikwiza pakulwana nabo. Chikwiza pakubapota nukubaghogha.

Ubuvumbuli 17:11

Ichinyamana chila chicho kale chikaba nubumi, loli ilelo chite sona nubumi, akaba we mwene uwa eyiti, yuyo akaba ngati bo bamwene abanji seveni bala, sona wepe akubuka pakunanganika.

Ubuvumbuli 17:2

Abamwene aba muchisu ichapasi bakalowa nawe, sona abantu aba muchisu ichapasi bakalowa pakung'wela uvinyo uwa bulowe bwache.”

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.