Ubuvumbuli 17:4 - IBAYIBOLO 2024

⁴ Umukolo yula akavwala umwenda ghugho ghukachesamila, sona nu muchesamu. Akavwala ivintu ivya golide na mabwe aghamutengo na mambo. Akalema ulubako ulwa golide munyobe zyache, lulo lukizula ni vinyazu ni vintu ivibibi nkani ivya bwamalaya bwache.

Ulufingo Ulupya

⁴ Umukolo yula akavwala umwenda ghugho ghukachesamila, sona nu muchesamu. Akavwala ivintu ivya golide na mabwe aghamutengo na mambo. Akalema ulubako ulwa golide munyobe zyache, lulo lukizula ni vinyazu ni vintu ivibibi nkani ivya bwamalaya bwache.

Ubuvumbuli 17:4 Iomraidhean Croise

1 Abamwene 14:24

Pakabapo sona abanavuli babo bakabombagha ubwamalaya pabuzilo ubwapamwanya ubwakwiputilapo ivifwani muchisu chilachila. Abantu bakabomba ivintu ivyamwiko ivya inko zizyo u Mwene akazichimbizya pamaso paba Izilayeli.

2 Abamwene 21:2

U Manase akamunangila u Mwene pakukonka inyiho imbibi izya inko izinji, zizyo u Mwene akazichimbizya pamaso paba Izilayeli.

Ezila 9:11

ghagho ukatupa ukwendela mu babombi bako abalaghuzi bo bakutubuzya ukuti, ‘Ichisu chicho mukubukako pakuchifyula ukuti chibanje chinyu, cho chisu chinyazu, pachifukwa ichakuti abantu babo bakwikala mulamula bachinyazizye ni mbombo zyabo inyazu, ukwandila kubumalilo ubwa chisu mpaka kubunji.

Yesaya 66:3

Loli abantu babo bakughogha ing'ombe pakuba chakwiyipa, bali ngati muntu yuyo aghogha umuntu, abantu babo bakughogha ing'ozi pakuba chakwiyipa, bali ngati muntu yuyo anyonga imbwa isingo, sona abantu babo bakubika amalezi pakuba chakwiyipa, bali ngati muntu yuyo akubika ibanda ilya ngulube, abantu babo bakubika ichikumbusyo icha ivyakununkila, bope bulo bali ngati muntu yuyo akuchiputa ichifwani. Basala izila zyabo, sona imizimu yabo yikuhoboka nivintu ivibibi,

Yelemiya 51:7

U Babiloni akaba ngati lo lubako ulwa golide munyobe izya Mwene, lulo lukapela ichisu chosi ichapasi ukuti chikolwe. Inko zyosi zikang'wela u vinyo wache, polelo, ilelo zyapena.

Nkuto 1:9

Ubunyazu bwache bukakatiye pamenda ghache, pakuti atakinong'onelaghako nizya lufundo lwache. Ukunanganika kwache kukaba kwakoghofya nkani, umwakuti patakabapo uwakumusangalusya. “Wee Mwene, ennya amayimba ghane, pakuti abalwani bane bampota.”

Ezekiyeli 20:30

“Polelo, ubabuzye aba Izilayeli ukuti, ‘U Mwene Uwamaka Ghosi akuti: Nkimba muchili mukwendelela pakubomba vivyo abanyenya binyu bakabomba pakwinyazya ni vifwani?

Ezekiyeli 24:11

Po piya isonta pamazimwa, yiyo yite nacho chimo, mupaka yipye nkani, ukuti ichela chache chichesame, umwakuti ivinyazu vyosi, vivyo vilimo visunguluke, sona uluzima lwache losi lumale.

Ezekiyeli 24:13

“ ‘Po ilelo ivinyonywa vyako ko kwinyazya kwako. Pachifukwa ichakuti nayezya nkani pakukuswefya loli utaswepite kubunyazu bwako, mupaka ubukali bwane bukuwile.

Ezekiyeli 28:13

Ukikalagha mu Edeni mumughunda uwa Chala, ichakuvwala chako chosi chikayaniziwa nibwe ilya mutengo, ilya lubi nilya topazi nilya emeladi nilya kilisolite nilya onikisi nilya yasipala nilya safile nilya tukoyizi sona nilya belili. Ivyakubikamo amabwe ghanagha vikaba vya golide. Pisiku lilyo ukapeliwanga ivintu vinivi vikayaniziwa.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Daniyeli 11:38

Akwiza pakumuchindika u chala yuyo akughavighilila amalinga, u chala yuyo abanyenya batakamumanya, akwiza pakumupa ivyabupi u chala yula, u golide nu siliva, na mabwe aghamutengo nkani.

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Ukukumbusya Amalamulo 29:17

Amwe mukennya ivifwani vyabo ivyakukozya isoni vivyo vipangiwe na makwi na mabwe nu siliva sona nu golide.

Ubuvumbuli 14:8

Po uwantumi uyunji uwabubili akakonkapo nukuti, “Kamala mwee! Kamala mwee! Kamala akaya akakulu nkani aka Babiloni, kako kakang'wesya abantu abaluko losi uvinyo uwa vinyonywa vyache ivya bulowe!”

Ubuvumbuli 18:12

Nayumo umuntu yuyo akughula ugolide nu siliva wabo nutumabwe utwamutengo na mambo na amenda amaswepu na machesamile na amenda amatonte na menda amachesamu namakwi aghamutengo ni vintu vyosi ivyakulekanalekana ivya mpembe izya zovu na amakwi aghamutengo ni vintu ivya mukuba ni chela na mabwe amiza,

Ubuvumbuli 18:16

bakanena bakati, ‘Intamyo mwee! Intamyo mwee! Intamyo wee akaya akakulu nkani. Ukavwala amenda amaswepu na machesamile sona na machesamu. Ukavwala ivintu ivya golide na mabwe aghamutengo, sona na mambo agha pamwanya.

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

Ubuvumbuli 21:21

Imilyango 12 yila yikaba ya mambo aghamutengo. Umulyango ghosi ghukapangiwa nu bwambo boka. Umusebo uwa mukaya akakulu nkani kala ghukaba wa golide umwenecho yuyo akanyezimilagha ngati lyo ligalasi.

Ubuvumbuli 9:21

Abantu bala batakaleka pakughogha kwabo pamo amayele ghabo, pamo ubwamalaya bwabo, pamo ubwiba bwabo.