Ubuvumbuli 17:3 - IBAYIBOLO 2024

³ Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.

Ulufingo Ulupya

³ Po u Muzimu Umuzelu akansendela munkolongo. Kulakula inkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.

Ubuvumbuli 17:3 Iomraidhean Croise

1 Abamwene 18:12

Ntamenyeko kuko u Muzimu uwa Mwene akwiza pakubuka nawe, bo nepapo pano. Buli nanti nabuka pakumubuzya u Ahabu, po atakwaghapo, naloli atakwiza pakungogha? Ane ne mubombi wako namwiputagha u Mwene ukwanda ku bulumendo bwane.

2 Abamwene 2:16

Bakamubuzya bakati, “Aswe twe babombi bako tuli na bantu abamaka 50. Bitikizye ukuti babuke bamulonde u mwene wako. Lumo Umuzimu uwa Mwene amusendite nukumusumbila pamwanya pighamba, pamo mwikombe limo.” U Elisha akabamula akati, “Awe, mutakabatumaye.”

Inyimbo izya Solomoni 8:5

Nkimba wenu yunuyu yuyo akufumila munkolongo, bo amweghamiye umughaniwa wache? Muntende mwikwi ilya manyele po papo nkakunyamusya, palapala unyoko akamela ulwanda, sona po papo ukapapiliwanga.

Ezekiyeli 11:24

Umuzimu uwa Chala akanyamulila mumwanya nukunyosezya sona ku bantu babo bakaba mubuzya mu Babiloni muchisetuka chicho nkapeghiwa nu Muzimu uwa Chala. Po ichisetuka chicho nkachennya chila chikazyebeluka bulo pamaso papane,

Ezekiyeli 3:12

Po Umuzimu akankwezya pamwanya, kwisinda kwane nkivwa ichongo ichikulu nkani ngati kasenyenta akakulu nkani likunena ukuti, “Leka ubuchindamu ubwa Mwene bupaliwanje mumo akwikalamo!”

Ezekiyeli 8:3

Akagholosya chicho chikabonekagha ngati nyobe nukuzilema isisi zyane kumutu wane. Umuzimu uwa Chala ghukanyamulila mumwanya pakasi pachisu ichapasi nicha kumwanya, muchisetuka icha Chala umuzimu yula akabuka nane ku Yelusalemu, kumulyango uwa kumitu uwa lubinjilo, papo pakaba ichifwani icha kabini.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 7:8

“Bo nkwinong'ona nizya mpembe zila, nkennya sona akampembe akanji kako kakamela pakasi pa zinji zila. Kakazinyunkula impembe zitatu pakasi pampembe izyakwanda zila umwakuti paghiwepo ubuzilo. Akampembe kanaka kakaba na maso ngati gha muntu, sona nu mulomo ghugho ghukanenagha umwakwitutumula.

Matayi 27:28

Bakamuvula amenda ghache nukumuvwika inkazo inchesamu.

Imbombo 8:39

Bo bepamo mumizi mula, u Muzimu uwa Mwene akamwefyapo u Filipu. Ikambala lila litakamwennyapo sona u Filipu, loli akendelela nu bulendo bwache, izuye nu buhobosu.

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila ukwa lipati.

Ubuvumbuli 12:14

Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Ubuvumbuli 17:18

“Umukolo yuyo ukamwennya, ko kaya akakulu nkani kako kakulaghila abamwene aba muchisu ichapasi.”

Ubuvumbuli 17:4

Umukolo yula akavwala umwenda ghugho ghukachesamila, sona nu muchesamu. Akavwala ivintu ivya golide na mabwe aghamutengo na mambo. Akalema ulubako ulwa golide munyobe zyache, lulo lukizula ni vinyazu ni vintu ivibibi nkani ivya bwamalaya bwache.

Ubuvumbuli 18:12

Nayumo umuntu yuyo akughula ugolide nu siliva wabo nutumabwe utwamutengo na mambo na amenda amaswepu na machesamile na amenda amatonte na menda amachesamu namakwi aghamutengo ni vintu vyosi ivyakulekanalekana ivya mpembe izya zovu na amakwi aghamutengo ni vintu ivya mukuba ni chela na mabwe amiza,

Ubuvumbuli 18:16

bakanena bakati, ‘Intamyo mwee! Intamyo mwee! Intamyo wee akaya akakulu nkani. Ukavwala amenda amaswepu na machesamile sona na machesamu. Ukavwala ivintu ivya golide na mabwe aghamutengo, sona na mambo agha pamwanya.

Ubuvumbuli 21:10

Po u Muzimu Umuzelu akansendela pighamba ikulu, sona itali nkani. Akandanjizya u Yelusalemu, akaya akakulu nkani akazelu, kako kakwika ukufuma kumwanya kwa Chala.

Ubuvumbuli 4:2

Panapo na panapo u Muzimu Umuzelu akanyizila. Nkennya ichitengo icha bumwene kumwanya, chicho akikalaghapo yumo.