Ubuvumbuli 16:8 - IBAYIBOLO 2024

⁸ Uwantumi wafolo akakupulila vivyo vikaba mulubako lwache pizuba, po izuba likapeghiwa amaka aghakubochela abantu numoto.

Ulufingo Ulupya

⁸ Uwantumi wafolo akakupula vivyo vikaba mulubako lwache pizuba, po izuba likapeghiwa amaka aghakubochela abantu nu moto.

Ubuvumbuli 16:8 Iomraidhean Croise

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Yona 4:8

Bo izuba lyakwela u Chala akamutumila u Yona impepo iyakocha nkani iyakubufumilo bwizuba. Po izuba lila likamocha u Yona pamutu mupaka akazilika. Po akiputa akati, “Pakuti chizapo ukuti infwe bulo ukuchila ukuti imbanje ne bumi,”

Matayi 13:6

Loli bo izuba lyakwela, imbeyu zila zikababuka pakuti amagululuzi ghakaba ghachili ghatayiye nkani pasi, sona imbeyu zila zikuma.

Luka 21:25

“Kukwiza pakuboneka ivintu iviyeni kwizuba na kumwezi, sona na kuntondwa. Pachisu ichapasi, abantu aba inko zyosi bakwiza pakutetema nukuvulungana, bo bennya ukuyingana ukwa nyanja na mayigha.

Imbombo 2:20

izuba likwiza pakuba ni chisi, umwezi ghukwiza pakuba muchesamu ngati lyo libanda, bo isiku ikulu ilya buchindamu ubwa Mwene litafikite.

Ubuvumbuli 14:18

Uwantumi uwamwabo yuyo akaba we songo uwa moto akiza ukufuma ku chighemo. Akakolomoka nkani ku wantumi yuyo akaba ni sengo yiyo yikwete nkani akati, “Bombezya isengo yako pakuyaba amampesya mumughunda uwa mampesya muchisu ichapasi pakuti amampesya ghatona.”

Ubuvumbuli 6:12

Bo u Mwana uwa ng'ozi amamatula ichimatilo ichasikisi, pakaba akasenyenta akakulu. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ubuvumbuli 7:16

Batakwiza pakubapo nizala nalumo, pamo inyota. Batakwiza pakupya ni zuba pamo numoto napo panandi.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 9:2

Ulutondwa lula lukighula ichibanka, po ilyosi likasuka muchibanka ngati po likufuma mung'anjo iya moto. Izuba na mumwanya vikafita ni lyosi ilyakufuma muchibanka ichibizu nkani chila.