Ubuvumbuli 16:16 - IBAYIBOLO 2024

¹⁶ Po imizimu yila yikababugannya poka abamwene pabuzilo bubo mu Chihebeli bukwitiziwa ukuti Alamagedoni.

Ulufingo Ulupya

¹⁶ Po imizimu yila yikababugannya poka abamwene pabuyo bubo mu Chihebeli bukwitiziwa ukuti we Alamagedoni.

Ubuvumbuli 16:16 Iomraidhean Croise

2 Imbili 35:22

Pope bulo u Yosiya atakaleka pakulwa nawe ubwite, po akiyandula mwene nukuba ngati muntu uyunji ukuti alwe nawe ubwite. Atakateghelezyanga zizyo u Chala akamulamula u Neko, loli akabuka pakulwa nawe ubwite mwikombe ilya Megido.

Zekaliya 12:11

Pisiku lilalila kukwiza pakuba ukulila ukukulu nkani mu Yelusalemu, ngati mumo bakamulilila u Hadadi Limoni mwikombe ilya Megido.

Yohani 19:13

Bo u Pilati ivwa amazyu ghanagha, akafuma kuzi nu Yesu, akikala pachitengo ichakulongelapo inongwa pabuzilo bubo bukwitiziwa ukuti, “Ulwalo ulwa mabwe.” (Mu Chihebeli kokuti, “Gabata.”)

Yohani 19:17

Bo anyamuye ichipinjika chache, bakafuma nawe kuzi ukwa kaya akakulu nkani kala nukufika pabuzilo bubo bukwitiziwa ukuti, “Ifupa ilya kumutu.” (Mu Chihebeli kokuti, “Gologota.”)

Yohani 5:2

Mu Yelusalemu mulamula papipi nu Mulyango uwa Ng'ozi mukaba ichiziba chicho chikazyunguliliwa ni ntanda fayivi, chicho mu Chihebeli bakatinji Betizada

Imbombo 26:14

Twebosi tukawa pasi nukwivwa izyu likunena nane mu Chihebeli likuti, ‘Wee Sabuli, wee Sabuli! Choni chicho ukunvwima? Ukwivulazya wemwene ngati nkambaku yiyo yikubaya indisa iya mwenecho.’

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 9:11

U mwene wabo akaba wantumi yuyo akaba mulaghili uwa chibanka ichibizu nkani chila. Itabwa lyache mu Chihebeli akaba we Abadoni; mu Chigiliki akaba we Apoliyoni chicho chikung'anamula ukuti, “Uwakunangannya.”

Abalongi 4:7

Ane nkwiza pakumuzimbula u Sisela usongo uwa basilikali aba Yabini ukuti akomane namwe palusoko ulwa Kishoni poka ni ngolo zyache izya bwite na basilikali bache, po ane nkwiza pakumubika munyobe zyinyu.’ ”

Abalongi 5:19

“Abamwene bakiza nukulwa ubwite. Abamwene aba ba Kenani bakalwa ubwite pa Tanaki mulubazu ulwa lusoko ulwa Megido. Loli batakasendapo nayumoyumo usiliva, sona batakafyulapo nachimochimo ichintu.