Ubuvumbuli 16:14 - IBAYIBOLO 2024

¹⁴ Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ulufingo Ulupya

¹⁴ Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe inkondo pisiku ikulu ilya Chala Uwamaka Ghosi.

Ubuvumbuli 16:14 Iomraidhean Croise

1 Abamwene 22:6

Po u mwene uwa Izilayeli yula akabitizya abalaghuzi pipipipi 400 nukubalalusya ukuti, “Nkimba imbukaye ku Lamoti Giliyadi pakulwa ubwite, pamo awe?” Abalaghuzi bala bakamwamula bakati, “Bukagha, pakuti u Mwene akwiza pakukabika munyobe zyako.”

Ezekiyeli 14:9

“ ‘Sona nanti umulaghuzi azimbuliwa ukuti alaghule zimo, ane ne Mwene nene namuzimbula umulaghuzi yulayula, po nkwiza pakulwana nawe nukumughoghela pakasi pabantu bane aba Izilayeli.

Matayi 24:14

Po Amazyu Amiza agha Bumwene ghakwiza pakulumbililiwa pachisu chosi ichapasi pakubikila ubwakaboni pakasi pabantu aba inko zyosi, po ubumalilo bukwiza.

Matayi 24:24

Pakuti abantu abinji abamyasi bakwiza pakuboneka nukuti bo bapoki abasaliwa, pamo balaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo.

Maliko 13:22

Pakuti abantu abinji abamyasi bakwiza pakuboneka nukuti bo abapoki abasaliwa, pamo abalaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo

Luka 2:1

Mumasiku ghalaghala u Kesale u Ogasitini akalamula ukuti abantu bosi babelengiwe muvyisu vyache vyosi.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Aba Loma 1:8

Ichakwanda, nkumupalizya u Chala wane ukwendela mwa Yesu Kilisitu pachifukwa icha mwemwe mwebosi pakuti ichisu chosi ichapasi chikwivwa nizya lwitiko lwinyu.

2 Aba Tesalonika 2:9

Umuntu umubibi yula akwiza na maka agha Satana nukubomba ivyika ivyabumyasi ni viswigho ivyakulekanalekana.

1 Timoti 4:1

U Muzimu Umuzelu akunena umwakwivwika nkani ukuti mumasiku aghabumalilo abantu bamo bakwiza pakutagha ulwitiko lwabo. Abene bakwiza pakwivwila imizimu iya bumyasi nukukonka ivimanyisyo ivya imizimu imibibi.

Yakobo 3:15

Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.

Yoshwa 11:5

Abamwene bosi banaba bakapanga akabukatila koka aka basilikali nukuzenga ivisakasa vyabo pamizi agha Melomu ukuti balwe ubwite naba Izilayeli.

1 Yohani 5:19

Tuzimenye ukuti aswe twe bana aba Chala napapo abantu aba muchisu ichapasi bali pasi pa maka agha Mubibi yula.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:3

Umutu ghoka mu mitu iya chinyamana chila ghukabonekagha ngati ghuli ni nkonko. Loli inkonko yila yikaba ukuti yapola, sona abantu bosi bakaswigha nkani nukuchikonka ichinyamana chila.

Ubuvumbuli 16:16

Po imizimu yila yikababugannya poka abamwene pabuzilo bubo mu Chihebeli bukwitiziwa ukuti Alamagedoni.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 20:8

sona akwiza pakuzizimbula inko izya bantu kunkuto zyosi folo izya chisu ichapasi, kokuti u Gogi nu Magogi. U Satana akwiza pakubabungannya bosi poka pakulwa ubwite. Ubwinji bwabo buli ngati gho musesenga uwa mulubazu ulwa nyanja.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”