Ubuvumbuli 15:4 - IBAYIBOLO 2024

⁴ Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ulufingo Ulupya

⁴ Wee Mwene, nkimba we wenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukuchindika awe, pachifukwa chakuti imbombo zyako ngolosu zikuboneka pabuzelu na bantu bosi.”

Ubuvumbuli 15:4 Iomraidhean Croise

Masalimo 105:7

We Mwene u Chala witu, sona akuchilaghila ichisu chosi ichapasi.

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 22:23

Amwe mwe mukumuchindika u Mwene, mupalaye, sona mwebosi mwe baluko ulwa Yakobo, mumuchindikaye! Mumuchindikaye amwe mwebosi mwe baluko ulwa Izilayeli.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 22:3

Loli pope bulo we Muzelu, yuyo ikaye pachitengo icha bumwene, po aba Izilayeli bakukupalagha.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Masalimo 97:8

Wee Mwene, abantu aba mu Ziyoni bakwivwa nukuhoboka, sona bope abantu aba mutwaya utwa mu Yuda basekelaye, pachifukwa icha bulongi bwako.

Masalimo 99:5

Mumukwezyanje u Mwene u Chala witu, sona mumwiputaye pantazi panyayo zyache, pakuti muzelu.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Yesaya 24:15

Polelo amwe mweba kubufumilo bwizuba mumupe ubuchindamu u Mwene, mulikwezyanje itabwa ilya Mwene, u Chala uwa Izilayeli musungo zyosi izya munyanja.

Yesaya 25:3

Polelo inko izya bantu abamaka zikwiza pakukuchindika, inko zizyo zite ni nkalo zikwiza pakukunyila.

Yesaya 26:9

Umoyo wane ghukukulondagha pabusiku, pandabindabi umuzimu wane ghukusamba nkani, Bo ubulongi bwako bukwiza pachisu ichapasi, Abantu aba muchisu ichapasi bakumanyila ubugholosu.

Yesaya 45:23

Ulufingo lwane lwanaloli, sona lutakwiza pakwanduliwamo. Umuntu wesi akwiza pakumfughamilila, nukufingila mwitabwa lyane.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Yesaya 60:5

Po ukwiza pakwennya nukusekela, umoyo wako ghukwiza pakunyelanyela nu lusekelo; ubukabi ubwa panyanja bukwiza pakwiza kukwako, sona nichuma icha inko chikwiza pakwiza kukwako.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Habakuku 1:12

Wee Mwene, Chala wane Nkimba te wewe we uliko bwila na bwila? Wee Chala wane, we Muzelu wane, tutakwiza pakufwa. Wee Mwene, we wabasala ukuti batulongaye inongwa, wee lyalabwe lyane, sona wewe wabimika ukuti batufundaye.

Zekaliya 14:16

Po abantu bosi abakusyala bumi pakasi pa inko, babo bakalwanga ubwite nu Yelusalemu, bakwiza pakubukagha pakumwiputa u Mwene, umwaka nu mwaka u Mwene Uwamaka Ghosi nukuba nu Lusekelo ulwa Visakasa.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Aba Loma 15:9

umwakuti na bantu babo bate ba Yuda bope bamuchindikaye u Chala pachifukwa icha chisa chache ukuyana na Masimbo aghakuti, “Pachifukwa chinichi nkwiza pakukuchindika pakasi pabantu babo bate ba Yuda. Nkwiza pakwimba inyimbo izyakulipala itabwa lyako.”

1 Pitala 1:16

Pakuti Amasimbo ghakuti, “Mubanje bantu abazelu, pachifukwa ichakuti ane ne muzelu.”

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 14:7

Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ubuvumbuli 16:5

Po nkivwa uwantumi yuyo akaba nu bulaghili pamizi akuti, “Awe we Mugholosu, sona we Muzelu awe uliko, sona ukabako pakuti wavilonga ivintu vinivi.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

Ubuvumbuli 19:8

Yuyo akusendwa apeghiwe amenda amaswepu, sona ghagho ghasoniwe akiza ukuti avwalaye.” (Amenda amaswepu ghakwimilila imbombo inyiza izya bantu abazelu aba Chala.)

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha:

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”

Ubuvumbuli 6:10

Bakakolomoka nkani bakati, “Mwene, Uwamaka Ghosi, umuzelu nu wanaloli, nkimba choni chicho ukukaba pakubalonga abantu aba muchisu ichapasi nukubafunda babo bakatughogha?”

1 Samuweli 2:2

“Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.