Ubuvumbuli 15:3 - IBAYIBOLO 2024

³ Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ulufingo Ulupya

³ Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighizya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 15:3 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

1 Imbili 6:49

Loli u Aloni poka na baluko lwache bo babo bakabika ivyakwiyipa ivyakocha nukufukizya utwakununkila pachighemo ukuyana ni mbombo yosi yiyo yikabombiwa mu Chipinda Ichizelu nkani. Bakabika ivyakwiyipa ivyakupepesezya imbibi izya ba Izilayeli ukuyana namumo u Mozesi umubombi uwa Chala akalamulila.

2 Imbili 24:6

Polelo u mwene akamwitizya umuputi usongo u Yehoyada nukumulalusya ukuti, “Nkimba choni chicho utababuzizye aba Levi ukuti basonkezyanje umusonko mu Yuda, na mu Yelusalemu, ghugho u Mozesi umubombi uwa Mwene, ni chilundilo icha ba Izilayeli bakalamula ukuti ghubanje wamu Chisakasa ichakukomanilamo?”

Nehemiya 9:14

Ukabamanyisyanga pakusungilila Isiku izelu Ilyakutuzya sona ukabapa amalamulo, ni vimanyisyo, sona ni ndaghilo ukwendela mu mubombi wako u Mozesi.

Yobu 36:24

Ukumbukaye pakuzipala imbombo zyache, zizyo abantu bakuzipala pakumwimbila inyimbo.

Yobu 5:9

Akubomba iviswigho, vivyo umuntu atangavyaghannya, sona ni vyika vivyo vitangabelengiwa.

Masalimo 100:5

Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.

Masalimo 105:5

Kumbuka iviswigho vivyo abomba, ni vyika sona nu bulongi bubo akafumusya,

Masalimo 111:2

Imbombo izya mwene zyakuswighisya, abantu bosi bakuhoboka nazyo nkani pakuzilonda.

Masalimo 111:7

Imbombo izya nyobe zyache nsubiliwa sona ngolosu, amalamulo ghache ghope masubiliwa.

Masalimo 139:14

Nkukupalizya pachifukwa ichakuti ukampela umwakuswighisya. Imbombo zyako zyakuswighisya sona zinizi inzimenye akiza nkani.

Masalimo 145:17

U Mwene mugholosu mumbombo zyache zyosi, po avighanite ivintu vyosi vivyo akavipela.

Masalimo 145:6

Bakwiza pakulingannya nizyamaka ghako aghakuswighisya, po nkwiza pakufumusya nizya mbombo zyako izyamaka.

Masalimo 18:30

Izila izya Chala witu zyakufikapo, sona amazyu agha Mwene ghanaloli. We ngulu iya bosi babo bakuchimbilila kukwache.

Masalimo 78:12

Akabomba ivyika pamaso pa banyenya babo muchisu icha Ijiputi, muchigaba icha Zowani.

Masalimo 92:5

Imbombo zyako nkulu nkani, we Mwene Zyope inyinong'ono zyako nyibizu nkani.

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Daniyeli 6:20

Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Daniyeli 9:11

Aba Izilayeli bananga Indaghilo zyako, bazipa inkonto sona bakana pakukwivwila. “Polelo inguno ni chilapo ni Ndaghilo visimbiwe mu Lulaghilo ulwa Mozesi umubombi uwa Chala vyapunguliliwa papitu, pachifukwa ichakuti twakunangila.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Yohani 1:17

U Chala akatupa Indaghilo ukwendela mwa Mozesi, loli akatupa ichisa nu bwanaloli ukwendela mwa Yesu Kilisitu.

Ukukumbusya Amalamulo 31:30

Po u Mozesi akimba ulwimbo losi lunulu, bo ichilundilo chosi icha ba Izilayeli chikumuteghelezya:

Ukukumbusya Amalamulo 32:3

Itabwa ilya Mwene nkwiza pakulifumusya, sona mubupalaye ubukulu ubwa Chala witu.

Ukukumbusya Amalamulo 34:5

Po u Mozesi umubombi uwa Mwene, akafwila kulakula muchisu icha Mowabu, ukuyana namumo u Mwene akanenela.

1 Timoti 1:17

Ubuchindamu nu muchizi vipeghiwanje kwa Chala bwila na bwila. We Mwene uwa bwila na bwila, umusita kufwa, sona nu musita kuboneka, yuyo mwene we Chala. Ameni.

Aba Hebeli 3:5

U Mozesi akaba mubombi umusubiliwa munyumba yosi iya Chala, pakusimikizya zyosi zizyo u Chala akalondagha pakunena muntazi.

Yoshwa 22:5

Loli mwenelezye ukuti mukughakonka amalamulo ni ndaghilo zizyo u Mozesi umubombi uwa Mwene akabapa izyakuti: Mumughanaye u Mwene u Chala winyu, pakubomba zizyo akulonda, nukughakonka amalamulo ghache ghosi, nukumwivwila yuyo mwene, pakumubombela na moyo ghinyu ghosi, sona nu muzimu winyu ghosi.”

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 14:3

Abantu 144,000 bala bakimbagha ulwimbo ulupya pantazi pachitengo icha bumwene, na pantazi pa vipeliwa ivyabumi folo, sona na pamaso pa basongo. Atakabapo nayumo umuntu, yuyo akamanyilapo ulwimbo lula, loli abantu 144,000 bene, babo bakapokiwa pakasi pabantu aba muchisu ichapasi.

Ubuvumbuli 14:8

Po uwantumi uyunji uwabubili akakonkapo nukuti, “Kamala mwee! Kamala mwee! Kamala akaya akakulu nkani aka Babiloni, kako kakang'wesya abantu abaluko losi uvinyo uwa vinyonywa vyache ivya bulowe!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 19:2

Ubulongi bwache bugholosu sona bwanaloli! U Chala amulonga umukolo umalaya yuyo akachinangannya ichisu ichapasi nu bwamalaya bwache. Amufunda pachifukwa ichakuti akaghogha ababombi bache.”

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”