Ubuvumbuli 14:7 - IBAYIBOLO 2024

⁷ Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu ichapasi ni nyanja sona ni mbwibwi izya mizi!”

Ulufingo Ulupya

⁷ Akanena nizyu ilya pamwanya nkani akati, “Mumwiputaye, mumuchindikaye u Chala! Pakuti akabalilo kakwana akakuti abalonge abantu. Mumuchindikaye yuyo akapela kumwanya ni chisu chapasi, ni nyanja, sona ni mbwibwi izya mizi!”

Ubuvumbuli 14:7 Iomraidhean Croise

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Nehemiya 9:6

Awe we Mwene mpela. Ukapela kumwanya sona na kumwanya nkani ni ntondwa zyosi ni chisu ichapasi poka na vyosi vivyo vili mulamula ni nyanja poka na vyosi vivyo vili mulamula. Awe ukavipa ubumi ivintu vyosi, sona vyosi ivya kumwanya vikukwiputa.

Masalimo 115:15

U Mwene abasaye, yuyo we Mupeli uwakumwanya ni chisu ichapasi.

Masalimo 124:8

Ubwavwilizi bwitu bukufuma kwa Mwene, yuyo we mupeli uwakumwanya ni chisu ichapasi.

Masalimo 33:6

U Mwene akanena bulo amazyu, po ivyakumwanya vikapeliwa. Intondwa, umwezi ni zuba bo afuta bulo umuyi.

Masalimo 36:1

Imbibi yikunena mumoyo uwa muntu umubibi, Kutaliko ukumwiputa u Chala pamaso papache.

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Masalimo 95:5

Inyanja yache, pakuti weyuyo akayipela, sona inyobe zyache zyo zizyo zikachimata ichisu ichapasi.

Ukufuma 20:11

“Pakuti mumasiku sikisi u Mwene akapela kumwanya ni chisu ichapasi, poka ni nyanja, sona na vyosi vivyo vili mulamula, loli nkatuzya pisiku ilyaseveni. Ichi cho chifukwa ane ne Mwene nkalisaya Isiku Ilyakutuzya pakuba lizelu.

Yesaya 40:3

Izyu ilya muntu yumo likukolomoka munkolongo likuti, “Yannya izila iya Mwene, gholosya umusebo uwa Chala witu munkolongo!

Yesaya 40:6

Izyu likukolomoka likuti, “Fumusya!” Po nkati, “Nkimba nkwiza pakufumusya ichoni?” “Abantu bosi bali ngati lisote, sona ubuchindamu bwabo buli ngati bwezya ubwa muzi.

Yesaya 40:9

Awe we ukwiza na mazyu amiza ku Ziyoni, kwela pamwanya pighamba. Awe we ukwiza na mazyu amiza ku Yelusalemu, ukolomokaye, utakanyilaye, tubuzye utwaya utwa Yuda ukuti, “U Chala winyu uyu!”

Yesaya 42:12

Mumupanje u Mwene ubuchindamu, nukufumusya amapalo ghache, amwe mwe mukwikala mutusungo.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Ezekiyeli 7:2

“Wee mwana uwa muntu, izi zyo zizyo u Mwene Uwamaka Ghosi akuchibuzya ichisu icha Izilayeli ubumalilo: Ubumalilo bwafika, pankuto folo izya chisu.

Ezekiyeli 7:6

Ubumalilo bwafika! Ubumalilo bwafika! Ennya bwabawila, wee Izilayeli, bwafika!

Daniyeli 8:19

Akati, “Nkwiza pakukubuzya zizyo zikwiza pakubombiwa bo ubukali bwamala, pakuti ichisetuka chikunena nizya masiku aghabumalilo.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Malaki 2:2

Nanti mutakunyivwila, sona nanti mutakulichindika itabwa lyane, nkwiza pakubaghuna, nkwiza pakulughuna ulusayo lwinyu. Naloli invighunite kale pachifukwa ichakuti mutaghateghelezya amazyu ghane.

Matayi 25:13

Pabumalilo u Yesu akati, “Mubanje maso pakuti mutalimenye isiku pamo akabalilo.”

Luka 17:18

Nkimba choni chicho umuyeni mwene bulo, weyuyo anyokela pakumupalizya u Chala?”

Imbombo 14:15

“Mwebaya mwee, choni chicho mukubomba zinizi? Aswe twe bantu bulo ngati mwemwe! Tuli pano pakulumbilila kukwinyu Amazyu Amiza, ukuti muvileke ivintu ivibibi nukumukonka u Chala umumi, yuyo akapela kumwanya, ni chisu ichapasi, ni nyanja, sona na vyosi vivyo vili mulamula.

Yoshwa 7:19

Po u Yoshwa akamubuzya u Akani akati, “Wee mwana wane, umuchindike u Mwene u Chala uwa Izilayeli, sona umupale. Losi ulu umbuzye zizyo wabomba. Utakanvinde.”

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 16:9

Po ichitukivu ichikali chikabocha abantu bala, po abantu bala bakalighuna itabwa ilya Chala, yuyo ali nu bulaghili pa viwaya. Loli batakapinduka nukuzileka imbibi zyabo pamo pakumupala u Chala.

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Ubuvumbuli 18:17

Mwa awala weka bulo ubukabi bosi bwananganika!’ “Abenecho bosi aba bwato ubukulu nkani na bendazila na bakapitawa aba bwato ubukulu nkani na bantu abanji bosi abaghulizi panyanja bakimilila pabutalipo.

Ubuvumbuli 18:19

Bakikupulila ulufumbi pamitu yabo pachifukwa icha chitima ichikulu nkani, bakalila nukufwifwitila nukuti, ‘Intamyo mwee! Intamyo mwee! Intamyo wee akaya akakulu nkani, akaya kako abenecho aba mabwato amakulu nkani panyanja bakaba bakabi ukwendela mu bukabi bwache. Loli vyosi vikananganika mwa awala bulo weka.’

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 4:9

Ivipeliwa ivyabumi folo vila vikwimbagha inyimbo izya buchindamu nu muchizi nukumupalizya yuyo ikaye pachitengo icha bumwene, sona yuyo mumi bwila na bwila. Bo vikwimba bunubu,

Ubuvumbuli 8:10

Po uwantumi uwabutatu akalizya ipati lyache. Ulutondwa ulukulu, lulo lukakagha ngati cho chikoka lukawila pachigaba choka icha vigaba vitatu ivya soko napa mbwibwi izya mizi.

1 Samuweli 6:5

Po mupange ivifwani fayivi ivya vitufya ivya golide, nivya mbeba, vivyo vikuchinangannya ichisu chinyu, sona mumuchindikaye u Chala uwa ba Izilayeli. Lumo angaleka pakubafunda amwe, poka na bachala binyu, sona ni chisu chinyu.