Ubuvumbuli 14:6 - IBAYIBOLO 2024

⁶ Pisinda pache nkennya uwantumi uyunji akubuluka mumwanyamwanya nkani, bo anyamuye Amazyu Amiza agha bwila na bwila aghakuti alumbilile pakasi pabantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ulufingo Ulupya

⁶ Pisinda pache inkennya uwantumi uyunji akupululuka mumwanya-mwanya nkani, bo anyamuye Amazyu Amiza agha bwila na bwila aghakuti alumbilile pakasi pa bantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.

Ubuvumbuli 14:6 Iomraidhean Croise

Ubwandilo 1:6

Panapo na panapo u Chala akati, “Pabepo ichakulesannya amizi, kokuti amizi ghabanje pabuzilo bubili ubwakulekana.” Po naloli ichi chikabombiwa.

2 Samuweli 23:5

“U Chala akwiza pakubasaya abaluko lwane, pachifukwa ichakuti afingana nane ulufingo ulwa bwila na bwila, ulufingo lulo lubatikiwe akiza nkani, sona lutakwanduka. Ivi vyo vivyo nkunyonywa vyosi, ukuti vikwiza pakuba bupoti bwane, sona naloliloli u Chala akwiza pakuzibomba.

Masalimo 119:142

Ubugholosu bwako bwa bwila na bwila, sona ululaghilo lwako lwanaloli.

Masalimo 139:24

Ennya nanti muli ububibi bumo mumwane, po undongozyezye muzila iya bwila na bwila.

Masalimo 145:13

Ubumwene bwako bo bumwene ubwa bwila na bwila, sona ubulaghili bwako bukubangako inkulilo zyosi. U Mwene akukwanilisya vyosi vivyo akulayizya sona avighanite nkani vyosi vivyo akavipela.

Yesaya 40:8

Isote likufoka sona ubwezya bukulaghala, loli amazyu agha Chala witu, ghakwiza pakubangako bwila na bwila.”

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 51:6

Ennya kumwanya, Ennya pachisu ichapasi kumwanya kukwiza pakuzyebeluka ngati lyosi, chope ichisu ichapasi chikwiza pakumala ngati mwenda, abantu babo bakwikalamo bakwiza pakufwa ngati mbwele. Loli ubupoki bwane bukwiza pakubangako bwila na bwila, ubugholosu bwane butakwiza pakupotwa.

Yesaya 51:8

Pakuti impezu zikwiza pakubadobolannya ngati po menda, uluswa lukwiza pakubanangannya ngati po meya. Loli ubugholosu bwane bukwiza pakubangako bwila na bwila, ubupoki bwane bukwiza pakwendelela inkulilo ni nkulilo.

Yesaya 6:2

Pamwanya papache pakimilila abaselafi, babo wesi akaba ni vipapande sikisi. Wesi akivwinka ni vipapande vibili kumaso, vibili bakavwinka kunyayo, sona vibili vikaba vya kubulukila.

Ezekiyeli 1:14

Po ivipeliwa ivyabumi vila vikachimbilagha uku na uku ngati kumesya ukwa kamesya.

Daniyeli 4:1

Ane ne mwene u Nebukadineza. Nkubasimbila abantu bosi naba inko zyosi nuluko losi sona na baneno zyosi, babo bakwikala muchisu ichapasi. Mwaghona!

Daniyeli 9:21

Bo nkwiputa, u Gabiliyeli yuyo nkamwennya muchisetuka ichakwanda akabulukila papo nkaba. Kanaka kakaba kabalilo aka chamabwila akakubikila ichakwiyipa.

Matayi 10:27

Zyosi zizyo nkubabuzya kubusyefu mukwiza pakuzinena pabuzelu, sona zyosi zizyo mwivwa pakuteketa mukwiza pakufumusya pachisonje.

Maliko 16:15

Akababuzya akati, “Bukagha muchisu chosi ichapasi nukulumbilila Amazyu Amiza pakasi pabantu bosi.

Aba Loma 16:25

U Chala achindikiwanje. Ali na maka pakubakazya mulwitiko lwinyu, ukuyana na Mazyu Amiza agha Yesu Kilisitu ghagho nalumbilila, sona ukuyana nu buvumbuli ubwa vintu izyakubusyefu vivyo vikafisiwa ukwanda kale.

Aba Kolosi 1:23

Loli mubaghiye mwendelele pakwikalana nkani palwalo ulwa lwitiko lwinyu, ukusita ukuyingana mulusubilo lwinyu, lulo lukufuma ku Mazyu Amiza, ghagho mukivwa. Amazyu Amiza agha ghakalumbililiwa pakasi pabantu bosi aba muchisu ichapasi. Po u Chala weyuyo akampa ane ne Pabuli, imbombo iyakuti ingalumbilile.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

Aba Hebeli 13:20

U Chala wemwenecho uwa mutende yuyo akamuzyusya kubufwe u Mwene witu u Yesu ukwendela mwibanda ilya lufingo ilya bwila na bwila, sona yuyo we Mudimi usongo nkani uwa ng'ozi.

1 Pitala 1:25

Loli amazyu agha Mwene gho gha bwila na bwila.” Agha gho Mazyu Amiza ghagho ghakalumbililiwa kukwinyu.

Ubuvumbuli 10:11

Po nkabuziwa ukuti, “Ubaghiye ufumusye sona amazyu agha Chala ghagho ghakunena nizya bantu abinji ninko izyakulekanalekana ni neno inyinji sona na bamwene.”

Ubuvumbuli 10:7

Loli bo uwantumi waseveni alizya ipati lyache, izya kubusyefu zizyo u Chala akayanizya zila zikwiza pakubombiwa, ukuyana namumo akafumusikizya pakasi pa bambombo bache abalaghuzi!”

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.

Ubuvumbuli 8:13

Bo nkwenelezya, nkalyennya izwanga likubuluka mumwanya nukukolomoka nizyu ilya pamwanya ukuti, “Chighune mwee! Chighune mwee! Ichighune ichikulu nkani chikwiza pakubawila abantu babo bakwikala pachisu ichapasi, bo abantumi aba bumalilo batatu bakulizya amapati ghabo!”