Ubuvumbuli 14:5 - IBAYIBOLO 2024

⁵ Abantu banaba batatamantitepo nalumolumo, sona bate ni chilema nachimochimo.

Ulufingo Ulupya

⁵ Abantu banaba batatamantitepo nalumolumo, sona bate ni chilema nachimochimo.

Ubuvumbuli 14:5 Iomraidhean Croise

Masalimo 32:2

Musayiwa umuntu yuyo u Mwene atakuzibelengela imbibi zyache, yuyo mumoyo wache ubuzimbuli butalimo.

Masalimo 34:13

Po utakanenaye ivintu ivibibi, sona umulomo wako ghutakatamantaye.

Masalimo 55:11

Ukunanganika kuli posi na posi mukaya akakulu nkani, sona ivyakoghofya nu bumyasi vitakwepamo mumisebo.

Ivyili 8:8

Amazyu ghosi agha mumulomu wane magholosu, sona intakunenapo lumo amazyu aghabumyasi pamo amanyonganu.

Inyimbo izya Solomoni 4:7

Wee wapamoyo wane, we wakuboneka akiza nkani, ute ni chilema nachimochimo.

Yesaya 53:9

Mubufwe bwache bakamuyanizizya ipumpa poka na babibi, sona na bantu abakabi, napo atakandizyapo ivyongo, pamo pakunena ubumyasi bumo.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Hoseya 10:2

Amoyo ghabo mazimbuli, po bafundiwanje pachifukwa icha mbibi zyabo. U Mwene akwiza pakuvimongolannya ivighemo vyabo, nukuvinangannya ivikumbusyo vyabo ivya mabwe amapaghuliwa.

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Malaki 2:6

Ichimanyisyo ichanaloli chikaba mumulomo wache, sona mumilomo yache mutakabamo ubumyasi nabumobumo. Akendagha nane mumutende na mubugholosu, nukubavwa abantu abinji ukuti bapinduke kumbibi zyabo.

Matayi 12:34

Amwe mwe bana aba njoka, munganena bulibuli ubwiza, bo mwe babibi? Pakuti umulomo ghukunena vivyo vyizuye mumoyo.

Luka 23:4

Po u Pilati akababuzya abaputi abasongo ni chilundilo icha bantu chila akati, “Intakumwaghapo ninongwa nayimoyimo umuntu uyu.”

Yohani 1:47

Bo u Yesu amwennya u Nataniyele akwiza akati, “Uyu we muntu uwa Izilayeli naloli. Mumwache butalimo nabumobumo ubumyasi!”

Aba Efeso 5:27

U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo.

Aba Kolosi 1:22

Loli ilelo, ukwendela mu bufwe ubwa Mwana wache, u Chala abasayannya nawe, umwakuti mubanje bantu abazelu, sona mubanje basita chilema nachimochimo, pamo abasita nayimoyimo inongwa pantazi papache.

Aba Hebeli 9:14

Po ibanda ilya Kilisitu, yuyo ukwendela mu Muzimu uwa bwila na bwila, akiyipa mwene ukuti chibanje chakwiyipa ichakufikapo kwa Chala likwiza pakuswefya umabyebye witu pambombo izyabulo, umwakuti tungamubombela u Chala umumi.

1 Pitala 1:19

Loli mukasatuliwa ni banda ilyamutengo ilya Kilisitu, yuyo mwana uwa ng'ozi umusita chilema nachimochimo pamo ububibi bumo.

1 Pitala 2:22

Umwene atakabombapo nayimoyimo imbibi, sona nayumo umuntu yuyo akamwivwapo akunena ubumyasi pamulomo wache.

1 Pitala 3:10

Amasimbo ghakuti, “Umuntu wesi yuyo akulonda pakwilagha nubumi sona nukuti ennyanje amasiku amiza, alukanizye ululimi lwache pakunena ububibi. Aleke pakunena ubumyasi.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.