Ubuvumbuli 14:2 - IBAYIBOLO 2024

² Po nkivwa izyu kumwanya lilyo likivwika ngati kupoma ukwa amizi aminji mulusoko, sona ngati kupaya ukwa vula. Izyu lila likivwika ngati bo bantu bakulizya amalonji.

Ulufingo Ulupya

² Po nkivwa izyu kumwanya lilyo likivwika ngati kupoma kwa amizi aminji mulusoko, sona ngati kupaya kwa vula. Izyu lila likivwika ngati bo bantu bakulizya amalonji.

Ubuvumbuli 14:2 Iomraidhean Croise

2 Samuweli 6:5

U Devedi poka naba Izilayeli bosi bakasekelagha na maka ghabo ghosi pamaso pa Mwene, bo bakwimba inyimbo nukulizya ivinanda ni vivisekeseke na malongi ni ngwaya sona na mapango.

2 Imbili 20:28

Bakafika mu Yelusalemu nukubuka ku Nyumba iya Mwene, bo bakulizya amapango ni vinanda na mapati.

Masalimo 147:7

Mumwimbilaye u Mwene ninyimbo izyakupalizikizya, sona lizya ichinanda pakumwimbila u Chala witu.

Masalimo 149:3

Balipalaye itabwa lyache bo bakujina, sona bimbaye inyimbo pakulilizizya ivisekeseke, ni vinanda.

Masalimo 33:2

Mumupalaye u Mwene ni chinanda, mumwimbilaye na mapango agha mpote izya chela 10.

Masalimo 43:4

Po nkwiza pakubuka pachighemo icha Chala, yuyo akumpanga ubuhobosu nukusekela. Po nkwiza pakulizya ichinanda pakukupala we Chala wane.

Masalimo 57:8

Wee moyo wane, nyamuka! Wee chinanda ni pango lyane lilagha, nkwiza pakulinyamusya izuba ni nyimbo zyane.

Masalimo 92:3

pakwimba inyimbo na mapango sona ni vinanda.

Masalimo 93:4

Ukupoma ukwa mizi aminji nkani kwa maka. Amayigha agha nyanja gha maka nkani, loli u Mwene uwapamwanya wamaka nkani.

Masalimo 98:5

Mwimbilaye u Mwene ni chinanda, lizya ichinanda bo mukwimba inyimbo.

Ukufuma 19:16

Pandabindabi pisiku ilyabutatu kukaba ukupaya na kamesya. Ibingu ifitu likaboneka pighamba, sona kukivwika ukulila ukukulu ukwa lipati. Abantu bosi muvisakasa mula bakatetemagha pachifukwa icha bogha.

Ukufuma 20:18

Bo abantu bennya ukupaya na kamesya nukwivwa ipati, sona nukwennya ilyosi likusuka pighamba pala, bakaba nubogha nkani, po bakimilila pabutalipo.

Yesaya 17:13

Napapo inko zikuzuma ngati kupoma ukwa mayigha, bo aghachemela ghakuchimbilila kubutali, ghakuchimbila pantazi pa mpepo ngati lyelelo pighamba, sona ngati lufumbi ulwa kankungu.

Ezekiyeli 43:2

sona nkennya ubuchindamu ubwa Chala uwa Izilayeli bukufumila kubufumilo bwizuba. Izyu lyache likaba ngati kupoma ukwa mizi ghagho ghakwenda, ichisu chikizula nulukozyo ulwa buchindamu bwache.

Zekaliya 9:14

Po u Mwene akwiza pakubabonekela, akwiza pakusumba utulasilo ngati kamesya. U Mwene Uwamaka Ghosi akwiza pakulizya ipati, akwiza pakulefuka mukankungu uwakuntende,

1 Aba Kolinti 13:1

Napapo ninganenela mundimi izya bantu nizya bantumi, loli nanti inte nu lughano, injanite bulo ni chela chicho chikulila, pamo ibangala lilyo likuzuma bulo ichongo.

Ubuvumbuli 1:10

Pisiku ilya Mwene u Muzimu Umuzelu akanyizila, po nkivwa izyu ilyamaka kwisinda kukwane, lilyo likaba ngati kulila ukwa lipati.

Ubuvumbuli 1:15

Inyayo zyache zikamekukagha ngati cho chela chicho chasungulusiwa numoto, sona izyu lyache likaba ngati kupoma ukwa mizi aminji mulusoko.

Ubuvumbuli 11:12

Po abalaghuzi babili bala bakivwa izyu kumwanya likuti, “Zagha kuno!” Abene bakakwela kumwanya mwibingu, bo abalwani babo bakubennya.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 18:22

Mumwako mutakwiza pakwivwikapo nalumo ukulila ukwa chinanda ni nyimbo izya bantu, na malongi na mapati. Mumwako mutakwiza pakwaghiwamo sona abafundi abambombo zyosi. Ichongo icha lwala lula chitakwiza pakwivwikapo nalumolumo mumwako.

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.

Ubuvumbuli 6:1

Po nkennya u Mwana uwa ng'ozi akumamatula ichimatilo choka muvimatilo seveni vila nukwivwa ichipeliwa ichabumi choka muvipeliwa ivyabumi folo chikunena nizyu lilyo likivwika ngati kupaya ukwa vula ukuti, “Zagha.”

Ubuvumbuli 8:7

Uwantumi uwakwanda akalizya ipati lyache, po kukiza amabwe agha vula numoto uwakonganikilana poka ni banda nukuvisumbila pachisu ichapasi. Ichigaba choka pa vigaba vitatu ivya chisu ichapasi chikapya, sona isote lyosi iteta likapya.