Ubuvumbuli 14:13 - IBAYIBOLO 2024

¹³ Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ulufingo Ulupya

¹³ Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Ee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 14:13 Iomraidhean Croise

Ubuvumbuli 20:6

Basayiwa sona bazelu abantu babo bakwiza pakuzyuka poka nabo ukuzyuka kubufwe ukwakwanda kunuku. Ubufwe ubwabubili bute na maka papabo, loli bakwiza pakuba baputi aba Chala naba Kilisitu, sona bakwiza pakulaghila poka nawe amaka 1,000.

1 Aba Tesalonika 5:10

Umwene akatufwila aswe umwakuti tubanje nubumi poka nawe, manyi twe bafwe, manyi twe bumi.

1 Aba Tesalonika 4:16

Pakuti u Mwene umwenecho akwiza pakwika kumwanya nukukolomoka ukukulu nkani, nizyu ilya wantumi usongo, sona nukulila ukwa ipati ilya Chala. Po abantu babo bakafwila mwa Kilisitu bakwiza pakuba bakwanda pakuzyuka.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”

Ubuvumbuli 21:5

Panapo uwakwikala pachitengo icha bumwene yula akati, “Losi ulu nkwandula ivintu vyosi pakuba vipya!” Akanena sona kukwane akati, “Simba ivi, pakuti amazyu ghanagha ghanaloli, sona masubiliwa.”

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.

2 Aba Kolinti 5:8

Aswe twizuye nu bujivu nkani, sona tungighana nkani ukuti ngali twepamo mumubili witu ughu nukwikala nu Mwene kukaya kache.

Ubuvumbuli 16:17

Uwantumi uwaseveni akakupulila vivyo vikaba mulubako lwache mumwanya. Izyu ilya pamwanya likivwika ukufuma muchitengo icha bumwene mu Nyumba iya Chala likati, “Kwamala!”

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Masalimo 19:11

Umubombi wako akusokiwanga ni ndaghilo zinizi, sona muli umuvwalo umukulu nkani pakughasungilila.

Masalimo 85:13

Ubugholosu bo bwendaye pamaso papache. Eee ubugholosu bunubu bukwiza pakwipela pakuba zila yache iyakwendamo umwene.

1 Aba Tesalonika 4:14

Tukusubila ukuti u Yesu akafwa nukuzyuka sona kubufwe, tukusubila sona ukuti u Chala akwiza pakubazyusya poka nu Yesu, abantu babo bakafwila mumwache.

1 Aba Kolinti 15:18

Po kokuti babo bakafwila mwa Kilisitu, naloli bope basobelite bulo.

Aba Loma 14:8

Nanti tukwiza pakuba nubumi, tukwiza pakuba nubumi pachifukwa icha Mwene, sona nanti tukwiza pakufwa, tukwiza pakufwa pachifukwa icha Mwene. Napapo tubanje nubumi pamo tufwe, twe bantu ba Mwene.

Luka 16:9

Po u Yesu akendelela pakunena ukuti, “Nkubabuzya ukuti mwiyaghile mwebene abamanyani pakubombezya ivintu ivya muchisu ichapasi, umwakuti bo chamala, mukwiza pakupokeliwa munyumba iya bwila na bwila.

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Ubuvumbuli 11:19

Inyumba iya Chala kumwanya yikighuka, sona Ibokosi ilya Lufingo likaboneka mulamula. Po kukabako ukumesya ukwa kamesya, ichongo nukupaya, akasenyenta ni vula iya mabwe aghamaka.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha:

Aba Filipi 2:17

Loli napapo ibanda lyane likwiza pakukupuliwa pachakwiyipa chicho ulwitiko lwinyu lukupa kwa Chala. Polelo nkuhoboka nkani, sona nkusekela poka namwe.

Luka 16:25

Loli u Abulahamu akati, ‘Mwana wane, kumbuka ukuti pakabalilo aka bumi bwako ukapeghiwa ivintu ivyiza vyosi, bo u Lazalo akutamiwa. Loli ilelo akusekela mwene, po awe uli pakutamiwa nkani.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Daniyeli 12:13

“Loli awe Daniyeli, bukagha bulo mupaka pabumalilo. Ukwiza pakufwa, sona pabumalilo ukwiza pakuzyuka ukuti upeghiwe umuvwalo wako.”

1 Aba Kolinti 15:20

Loli ubwanaloli bwakuti u Kilisitu azyukite kubufwe, ukusimikizya ukuti bosi babo bafuye, bope bakwiza pakuzyuka kubufwe.

1 Timoti 5:24

Imbibi izya bantu bamo zikubonekela pabuzelu bulo, sona ni mbibi zyabo zilongoleye kuntazi kukwabo pakubuka pabulongi. Loli imbibi izya bantu abanji zikumanyikwa pisinda pache.

1 Timoti 5:25

Umwakuyana bulo, imbombo inyiza zikubonekela pabuzelu bulo, loli nayimoyimo yiyo yitangafisiwa.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.