Ubuvumbuli 13:8 - IBAYIBOLO 2024

⁸ Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ulufingo Ulupya

⁸ Abantu abakwikala muchisu ichapasi bakwiza pakuchichindika ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 13:8 Iomraidhean Croise

Ubwandilo 22:7

u Yisaki akamwitizya uwise akati, “Wee tata!” U Abulahamu akamula akati, “Choni, mwana wane.” U Yisaki akamulalusya akati, “Umoto ninkwi vilipo, nkimba umwana uwa ng'ozi yuyo akwiza pakuba chakwiyipa ichakocha ali ko kwiyi?”

Masalimo 69:28

Ughazimye amatabwa ghabo mwibuku ilya bumi, sona batakasimbiwanje poka na bantu abagholosu.

Ukufuma 32:32

Nalamba ubahobokele imbibi zyabo. Loli nanti utakubahokela chizapo pakuzimya itabwa lyane mwibuku mumo usimbitemo amatabwa agha bantu bako.”

Yesaya 4:3

Abantu babo bakalekiwa mu Ziyoni, na babo bakwiza pakupona mu Yelusalemu bakwiza pakwitiziwa bazelu, bosi babo basimbiwe poka na bantu abumi aba mu Yelusalemu.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Luka 10:20

Loli mutakahobokaye pachifukwa ichakuti imizimu imibibi yikabivwila, loli muhobokaye nkani ukuti amatabwa ghinyu ghasimbiwe kumwanya.”

Yohani 1:29

Ilyandabi, u Yohani akamwennya u Yesu akwiza kukwache, po akati, “Ennya, u Mwana uwa ng'ozi uwa Chala, yuyo akwefya imbibi izya bantu aba muchisu ichapasi.

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.

Aba Filipi 4:3

Eee, nkukulaba nawe bulo, we mubombi wamwitu umusubiliwa, ukuti ubavwe abakolo aba, pakuti bakabomba nkani poka nane pakufumusya Amazyu Amiza, poka nu Kelementi, sona na babombi abamwitu bosi, babo amatabwa ghabo ghasimbiwe mwibuku ilya bumi.

Titi 1:2

lulo lwimite palusubilo ulwa bwila na bwila. U Chala, yuyo atakutamanta, akalayizya pakutupa ubumi bunubu, bo ni chisu ichapasi chitapeliwe.

Ubuvumbuli 12:15

Po inyivwila yikamufwinila umukolo yula amizi ghagho ubwinji bwache bukaba ngati lusoko bulo, umwakuti ghamubukizye.

Ubuvumbuli 13:12

Chikabombezya ubulaghili bosi ubwa chinyamana ichakwanda chila, sona abantu bosi babo bakikalagha muchisu ichapasi bakafyengiwa bulo pakuchiputa ichinyamana ichakwanda chila chicho inkonko yache yikapola.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.

Ubuvumbuli 3:20

Ennya, nimiliye pamulyango nkukong'osya, nanti umuntu ivwa izyu lyane nukwighula umulyango, ane nkwiza pakwinjila nukulya poka nawe, sona wepe akwiza pakulya poka nane.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.

Ubuvumbuli 5:12

Bakimba umwakukolomoka bakati, “U Mwana uwa ng'ozi yuyo akaboliwa apokelaye ubulaghili nu bukabi, na mahala, na maka nu muchizi, nu buchindamu, sona na mapalo!”

Ubuvumbuli 5:13

Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”

Ubuvumbuli 6:1

Po nkennya u Mwana uwa ng'ozi akumamatula ichimatilo choka muvimatilo seveni vila nukwivwa ichipeliwa ichabumi choka muvipeliwa ivyabumi folo chikunena nizyu lilyo likivwika ngati kupaya ukwa vula ukuti, “Zagha.”