Ubuvumbuli 13:4 - IBAYIBOLO 2024

⁴ Abantu bosi bakayiputa inyivwila yila, pachifukwa ichakuti yikachipa ubulaghili bwache ichinyamana chila. Bakachiputa sona ichinyamana chila ukuti, “Wewenu yuyo ayanite ni chinyamana chinichi? Wewenu yuyo angalwana nacho?”

Ulufingo Ulupya

⁴ Abantu bosi bakayichindika inyivwila yila, pachifukwa chakuti yikachipa ubulaghili bwache ichinyamana chila. Bakachichindika sona ichinyamana chila ukuti, “We wenu yuyo ayanite ni chinyamana chinichi? We wenu yuyo angalwana nacho?”

Ubuvumbuli 13:4 Iomraidhean Croise

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Yesaya 46:5

Nkimba mungamfwanikizya nuwenu, pamo ukunkolannya? Nkimba alipo yumo yuyo nkolanite nawe, uwakuti ningayana nawe?

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

Ukukumbusya Amalamulo 9:2

Abantu aba mulamula bo baluko ulwa Anaki, babo bantu bamaka, sona batalibatali bene. Amwe mubamenye sona mwivuyepo nizya babo, “Nkimba wewenu yuyo angalwana na baluko ulwa Anaki?”

2 Aba Tesalonika 2:4

Akwiza pakususya nukwikwezya mwene pamwanya pa bachala bosi sona na pamwanya pa vintu vyosi vivyo abantu bakuvyiputa. Akwiza pakwinjila nukwikala mu Nyumba iya Chala nukwiyitizya mwene ukuti we Chala.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 13:11

Po nkennya sona ichinyamana ichinji chicho chikafuma pasi pachisu. Chikaba ni mpembe zibili ngati zyo mpembe izya Mwana uwa ng'ozi, sona chikanenagha ngati yo nyivwila.

Ubuvumbuli 13:15

Ichinyamana ichabubili chikitikiziwa pakuchifutila umuyi ichifwani icha chinyamana ichakwanda chila, umwakuti ichifwani chila chinene nukubaghogha abantu babo batakuchiputa.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 18:18

Bo balyennya ilyosi ilya moto ghugho ghukumulungulizya, bakakolomoka nkani bakati, ‘Kataliko sona akaya akanji kako kayanite nakaya akakulu nkani aka!’

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.

1 Samuweli 17:24

Nanti aba Izilayeli bamwennya bulo umuntu yula, bakamuchimbilagha pachifukwa ichakuti bakamunyilagha nkani.