Ubuvumbuli 13:3 - IBAYIBOLO 2024

³ Umutu ghoka mu mitu iya chinyamana chila ghukabonekagha ngati ghuli ni nkonko. Loli inkonko yila yikaba ukuti yapola, sona abantu bosi bakaswigha nkani nukuchikonka ichinyamana chila.

Ulufingo Ulupya

³ Umutu ghoka mu mitu iya chinyamana chila ghukabonekagha ngati ghuli ni nkonko. Loli inkonko yila yikaba ukuti yapola, sona abantu bosi bakaswigha nkani nukuchikonka ichinyamana chila.

Ubuvumbuli 13:3 Iomraidhean Croise

Ezekiyeli 30:24

Nkwiza pakuzikazya inyobe izya mwene uwa muchisu icha Babiloni nukubika u panga munyobe zyache, loli nkwiza pakupyola inyobe izya Falabo sona akwiza pakukoloma pamaso papache ngati muntu yuyo avulaziwe nkani.

Luka 2:1

Mumasiku ghalaghala u Kesale u Ogasitini akalamula ukuti abantu bosi babelengiwe muvyisu vyache vyosi.

Yohani 12:19

Po aba Falisayi bakanenezannya benebene bakati, “Mukwennya, panapa tutakukabapo nachimo chimo. Ennya, ichisu chosi ichapasi chikumukonka.”

Imbombo 8:13

U Simoni wepe akasubila. Bo oziwa, akikalagha poka nu Filipu, po chikamumala nkani amahala, bo ennya ivimanyilo ni vyika ivikulu vivyo vikabombiwanga.

Ubuvumbuli 13:12

Chikabombezya ubulaghili bosi ubwa chinyamana ichakwanda chila, sona abantu bosi babo bakikalagha muchisu ichapasi bakafyengiwa bulo pakuchiputa ichinyamana ichakwanda chila chicho inkonko yache yikapola.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 17:10

Abamwene fayivi bawiye kale, loli uwasikisi achili akulaghila. Uyunji uwaseveni achili atizite, loli bo akwiza, akwiza pakubako akabalilo akapimpa bulo.

Ubuvumbuli 17:11

Ichinyamana chila chicho kale chikaba nubumi, loli ilelo chite sona nubumi, akaba we mwene uwa eyiti, yuyo akaba ngati bo bamwene abanji seveni bala, sona wepe akubuka pakunanganika.

Ubuvumbuli 17:13

Abamwene bosi 10 aba bali ni fundo yoka, sona bakwiza pakuchipa ichinyamana amaka nu bulaghili bwabo.

Ubuvumbuli 17:17

Pakuti u Chala avipiye umoyo uwakuti abombe vivyo akabatikila zila pakwitikizya ukuchipa ichinyamana chila amaka ghabo aghakulaghilila mupaka amazyu agha Chala ghakwanilisiwe.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.