Ubuvumbuli 13:16 - IBAYIBOLO 2024

¹⁶ Ichinyamana ichi chikabafyenga abantu bosi, abanandi na bantu abasongo na bantu abakabi na bantu abapina na bazya na bantu ababuke ukuti badindiwe ichidindo panyobe indilo pamo pa vyeni vyabo.

Ulufingo Ulupya

¹⁶ Ichinyamana ichi chikabafyenga abantu bosi, abanandi na bantu abasongo, na bantu abakabi na bantu abapina, na bazya na bantu ababuke ukuti badindiwe ichidindo panyobe indilo pamo pa vyeni vyabo.

Ubuvumbuli 13:16 Iomraidhean Croise

2 Imbili 15:13

Umuntu wesi yuyo atakalondagha pakumulondelezya u Mwene, u Chala uwa Izilayeli akaghoghiwanga manyi munandi pamo usongo manyi umwanavuli pamo umukolo.

Yobu 34:19

Atakwennya icheni nanti akubalonga abana aba bamwene sona atakulanjizya ulusalo pakasi pa bakabi na bapina, pakuti bosi akabapela ni nyobe zyache?

Masalimo 115:13

U Mwene akwiza pakubasaya babo bakumuchindika, abanandi na basongo umwakuyana bulo.

Masalimo 49:2

Ivwa kuno mwe bantu mwebosi abapasi na bapamwanya, sona mwe bakabi na bapina bulo.

Ukufuma 13:9

Ulusekelo ulu lukwiza pakuba chimanyilo ichakupinyiwa panyobe zyinyu, sona na pacheni chinyu. Chikwiza pakubakumbusya ukuti indaghilo izya Mwene zibaghiye pakuba pamilomo yinyu. Pakuti u Mwene akabefyamo muchisu icha Ijiputi na maka ghache amakulu nkani.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Zekaliya 13:6

Nanti umuntu yumo akumulalusya akuti, ‘Nkimba choni chicho uli ni vilonda vinivi mumubili wako?’ Akwiza pakwamula ukuti, ‘Nkavulala munyumba iya mumanyani wane.’ ”

Imbombo 26:22

Loli mupaka ni siku ili u Chala anyavwanga. Po nimiliye pano pakubikila ubwakaboni pamaso pa mwebosi, na bana na pamaso pa basongo. Zizyo nkunena ziyanite bulo na zizyo abalaghuzi nu Mozesi bakanena ukuti zikwiza pakubombiwa,

1 Aba Kolinti 12:13

Pakuti aswe twebosi, manyi mu Yuda, pamo umuntu yuyo ate mu Yuda, manyi muzya, manyi musatuke, tukoziwa mu Muzimu Umuzelu weka ukuti tubanje mubili ghoka, sona twebosi tupeghiwe u Muzimu weka ukuti tung'wele.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Aba Galatiya 6:17

Pabumalilo: Atakabepo nayumo umuntu uwakunjivya, pakuti indi na mabala agha Yesu pamubili wane.

Aba Efeso 6:8

Pakuti muzimenye ukuti u Mwene akwiza pakumupa umuntu wesi umuvwalo wache ukuyana ni mbombo inyiza zizyo abomba, manyi muzya, manyi musatuke.

Ukukumbusya Amalamulo 11:18

Mughakumbukaye amalamulo ghanagha mumoyo ghinyu. Mughapinyililaye panyobe zyinyu, sona mughavwalaye pavyeni vyinyu pakuba chimanyilo.

Ukukumbusya Amalamulo 6:8

Mughapinyililaye panyobe zyinyu, sona mughavwalaye pavyeni vyinyu pakuba chimanyilo.

Aba Kolosi 3:11

Mubumi ubupya ubu, patalipo sona ukulekana pakasi pa mu Yuda nu muntu yuyo ate mu Yuda, pakasi pa musilimuliwa pamo umusita ukusilimuliwa, umuntu muyeni pamo umuntu yuyo ate mumanyi, umuzya pamo umuntu umusatuke, loli u Kilisitu we vyosi, sona akwikala mu bosi.

2 Timoti 3:8

Ngati mumo u Yanesi nu Yambule bakamusambukila u Mozesi, umwakuyana bulo, abantu banaba bakabusambukila ubwanaloli. Abantu babo inyinong'ono zyabo zibumpite, sona babo bapotwe mulwitiko.

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 19:18

Zagha, mulye amabili agha bamwene, nagha basongo ababwite nagha basilikali nagha falasi nagha bakukwelapo nagha bantu bosi abazya na bantu abasatuke abasongo na banandi bulo!”

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 6:15

Po abamwene aba muchisu ichapasi na balaghili na basongo ababwite, na bantu abakabi, na bantu abamaka, na bantu abanji bosi, na bazya poka na bantu ababuke bakavwama bene mumpako na kusi ukwa mabwe agha mumaghamba.

Ubuvumbuli 7:3

Uwantumi yula akati, “Utakanangaye ichisu ichapasi, pamo inyanja, pamo amakwi mupaka papo twabadinda ni chidindo pa vyeni ababombi aba Chala witu.”