Ubuvumbuli 13:15 - IBAYIBOLO 2024

¹⁵ Ichinyamana ichabubili chikitikiziwa pakuchifutila umuyi ichifwani icha chinyamana ichakwanda chila, umwakuti ichifwani chila chinene nukubaghogha abantu babo batakuchiputa.

Ulufingo Ulupya

¹⁵ Ichinyamana ichabubili chikitikiziwa pakuchifutila umuyi ichifwani icha chinyamana ichakwanda chila, umwakuti ichifwani chila chinene nukubaghogha abantu babo batakuchichindika.

Ubuvumbuli 13:15 Iomraidhean Croise

Ubwandilo 2:7

Po u Mwene u Chala akasenda itope nukumata umuntu. Akamufutila umuyi uwakupa ubumi mumpuno zyache, po umuntu yula akaba nubumi.

Masalimo 115:5

Vili ni milomo, loli vitanganena, amaso vili nagho, loli vitangennya.

Yelemiya 10:14

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Yelemiya 10:5

Ivifwani vyabo viyanite bulo ni vyakoghofekezya ivinyamana mumughunda uwa ving'wela amizi, ivifwani vyabo vitanganena, vikunyamuliwa bulo pakuti vitangenda. Mutakavinyilaye, pakuti vitangabavulazya. Vite namaka naghamoghamo aghakubombela inyiza.”

Yelemiya 51:17

Umuntu wesi mupunganu, sona ate na mahala naghamoghamo, umusyani wesi uwa golide akukoziwa isoni ni vifwani vyache vivyo apanga. Ivifwani vyache vyabumyasi, vite nubumi nabumobumo.

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Habakuku 2:19

Aghuniwanje umuntu yuyo akuchibuzya ichifwani ichakubiza akuti, nyamuka! Pamo akulibuzya ibwe lilyo lite nubumi akuti, ‘Lamusya!’ Nkimba chingalongozya? Chipakiwe nu golide nu siliva loli chite nu muyi.”

Yakobo 2:26

Polelo ukuyana namumo zibeyele ukuti umubili umusita umuzimu, ghufuye, lope nu lwitiko ulusita imbombo lufuye.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 13:12

Chikabombezya ubulaghili bosi ubwa chinyamana ichakwanda chila, sona abantu bosi babo bakikalagha muchisu ichapasi bakafyengiwa bulo pakuchiputa ichinyamana ichakwanda chila chicho inkonko yache yikapola.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 14:11

Ilyosi ilya moto ghugho ghukubayivya likukwela kumwanya bwila na bwila. Abantu babo bakachiputagha ichinyamana ni chifwani chache, sona nukwitika ukuti badindiwe ichidindo icha itabwa lyache batakubwaghapo nalumolumo ubutuzyo umusanya pamo ubusiku.

Ubuvumbuli 14:9

Po uwantumi uwabutatu akakonkapo nukunena nizyu ilya pamwanya ukuti, “Umuntu wesi yuyo akuchiputa ichinyamana ni chifwani chache nukwitika ukuti adindiwe ichidindo chache pacheni pamo panyobe,

Ubuvumbuli 16:2

Uwantumi uwakwanda akabuka nukukupulila vivyo vikaba mulubako lwache pachisu ichapasi, po ivilonda ivibibi ni vibozu vikaboneka pabantu babo bakaba ni chidindo icha chinyamana, sona na pabantu babo bakachiputagha ichifwani chache.

Ubuvumbuli 16:5

Po nkivwa uwantumi yuyo akaba nu bulaghili pamizi akuti, “Awe we Mugholosu, sona we Muzelu awe uliko, sona ukabako pakuti wavilonga ivintu vinivi.

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 17:17

Pakuti u Chala avipiye umoyo uwakuti abombe vivyo akabatikila zila pakwitikizya ukuchipa ichinyamana chila amaka ghabo aghakulaghilila mupaka amazyu agha Chala ghakwanilisiwe.

Ubuvumbuli 17:6

Po nkennya ukuti umukolo yula akolizwe ni banda ilya bantu abazelu aba Chala, sona ni banda ilya babo bakaghoghiwa pachifukwa ichakuba bakaboni aba Yesu. Bo namwennya umukolo yula, nkaswigha nkani.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 18:24

Akaya aka Babiloni kakufundiwa pachifukwa icha libanda ilya balaghuzi, nilya bantu abazelu aba Chala sona nilya bantu bosi babo bakaboliwa muchisu ichapasi.”

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.