Ubuvumbuli 13:13 - IBAYIBOLO 2024

¹³ Ichinyamana ichabubili chila chikapela iviswigho ivikulu nkani. Chikapela umoto ukuti wike pachisu ichapasi, bo abantu bosi bakwennya.

Ulufingo Ulupya

¹³ Ichinyamana ichabubili chila chikapela iviswigho ivikulu nkani. Chikapela umoto ukuti wike pachisu ichapasi, bo abantu bosi bakwennya.

Ubuvumbuli 13:13 Iomraidhean Croise

1 Abamwene 18:38

Po u Mwene akawisizya umoto pa chakwiyipa ichakocha na pankwi sona napa mabwe na pachisu, umoto ghula ghukakamula amizi muchiliba mula.

Ukufuma 7:22

Loli abamayele aba mu Ijiputi bakabomba bunubu pakubombezya amayele ghabo. Pope bulo umoyo uwa Falabo ghukaba mukafu nkani, ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 8:7

Loli abamayele bala bakabomba bunubu, bope bakabapela abachula ukuti bepemo mumizi nukuchizuzya ichisu icha Ijiputi.

Ukufuma 9:11

Abamayele bala bakapotwa pakwimilila pamaso pa Mozesi pachifukwa ichakuti bope bakaba na mapumba ngati ba Ijiputi abanji bosi.

Ukubelengiwa 16:35

Po u Mwene akabawisizya umoto uwakwaka nukubalungulizya abantu 250 bala, babo bakafukizya utwakununkila.

Matayi 16:1

Aba Falisayi naba Sadukayi bamo bakiza kwa Yesu pakumutegha mukanenele, po bakamulaba ukuti ababombele ichiswigho ichakulanjizya ukuti akaba na maka agha Chala.

Matayi 24:24

Pakuti abantu abinji abamyasi bakwiza pakuboneka nukuti bo bapoki abasaliwa, pamo balaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo.

Maliko 13:22

Pakuti abantu abinji abamyasi bakwiza pakuboneka nukuti bo abapoki abasaliwa, pamo abalaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo

2 Timoti 3:8

Ngati mumo u Yanesi nu Yambule bakamusambukila u Mozesi, umwakuyana bulo, abantu banaba bakabusambukila ubwanaloli. Abantu babo inyinong'ono zyabo zibumpite, sona babo bapotwe mulwitiko.

Ubuvumbuli 11:5

Nanti umuntu yumo akuyezya pakubavulazya, umoto uwakufuma mumulomo wabo ghukwiza pakubanangannya abalwani babo. Sona umuntu wesi yuyo akulonda pakubavulazya, akwiza pakughoghiwa bunubu.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 20:9

Po bakasata pachisu chosi ichapasi nukuvizyungulila ivisakasa ivya bantu aba Chala nakaya akakulu nkani kako akaghanite. Loli umoto ghukika kumwanya nukubanangannya.