Ubuvumbuli 13:1 - IBAYIBOLO 2024

¹ Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ulufingo Ulupya

¹ Pisinda pache inkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pa mutu wache ghosi pakasimbiwapo itabwa ilyakumusamula u Chala.

Ubuvumbuli 13:1 Iomraidhean Croise

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 2:41

Ukuyana namumo ukazyenezya inyayo ni salala zyache vikaba vya chela ichakongannya ni tope, po bunubu bukwiza pakuba bumwene ubwakugabinkana. Loli bukwiza pakubanga na maka ghamo panandi pachifukwa icha chela chila.

Ubuvumbuli 11:7

Bo bamala pakusimikizya, ichinyamana ichakufuma muchibanka ichibizu nkani chikwiza pakulwana nabo. Chikwiza pakubapota nukubaghogha.

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 13:11

Po nkennya sona ichinyamana ichinji chicho chikafuma pasi pachisu. Chikaba ni mpembe zibili ngati zyo mpembe izya Mwana uwa ng'ozi, sona chikanenagha ngati yo nyivwila.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 13:15

Ichinyamana ichabubili chikitikiziwa pakuchifutila umuyi ichifwani icha chinyamana ichakwanda chila, umwakuti ichifwani chila chinene nukubaghogha abantu babo batakuchiputa.

Ubuvumbuli 15:2

Po nkennya chicho chikaboneka ngati yo nyanja iya galasi yonganikiye numoto. Nkennya sona abantu babo bakachipota ichinyamana ni chifwani chache, sona ni nambala iya litabwa lyache. Bakimagha papipi ni nyanja iya galasi, bo balemite munyobe amalonji ghagho u Chala akabapa.

Ubuvumbuli 16:13

Po nkennya imizimu imibibi mitatu, yiyo yikabonekagha ngati bo bachula yikufuma mumulomo uwa nyivwila ni chinyamana, sona na mumulomo uwa mulaghuzi umumyasi.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Ubuvumbuli 17:3

Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.

Ubuvumbuli 17:5

Pa cheni chache pakasimbiwapo itabwa lilyo lili ni ching'anamulo ichakubusyefu ukuti, “U Babiloni umukulu nkani, unyina uwa bamalaya bosi nuwa bantu abanyazu bosi muchisu ichapasi.”

Ubuvumbuli 19:19

Pisinda pache nkennya ichinyamana chila na bamwene aba muchisu ichapasi na basilikali babo bakubungana ukuti balwe ubwite na yuyo akwelite pafalasi, poka na basilikali bache.