Ubuvumbuli 12:9 - IBAYIBOLO 2024

⁹ Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ulufingo Ulupya

⁹ Inyivwila inkulu yikasumbiwa pachisu ichapasi—injoka inkali yila, yiyo yikitiziwanga ukuti we Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 12:9 Iomraidhean Croise

Ubwandilo 3:1

Injoka yikaba nchevu nkani ukuchila ivinyamana vyosi vivyo u Mwene u Chala akavipela. Injoka yikamulalusya umukolo yula yikati, “Nkimba momumo ukuti u Chala akati, ‘Mutakalyanje navimovimo ivikomwa ivya makwi agha mumughunda ughu’?”

Ubwandilo 3:13

U Mwene u Chala akamulalusya umukolo yula akati, “Nkimba choni chicho ukabomba bunubu?” Umukolo yula akamula akati, “Injoka yo yiyo yikanzimbula, po nkalya.”

1 Imbili 21:1

Pakabalilo kamo u Satana akalondagha pakubapelela intamyo aba Izilayeli nukumudeba u Devedi ukuti ababelenge aba Izilayeli.

2 Imbili 18:21

Nkwiza pakubuka nukubapela abalaghuzi bosi aba Ahabu ukuti batamantaye. Bukagha naloli ungamudeba.’

Masalimo 109:6

Sala umuntu uwakwiminkana nawe, Po uwakunsusya imililaye kunyobe yache indilo.

Yesaya 14:12

Wawa ukufuma kumwanya, wee lutondwa ulwa pandabindabi, we mwana uwa kubuche! Wasumbiwa pachisu ichapasi, wewe ukaziwisya pasi inko!

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Yesaya 65:25

Abakambwe nu mwana uwa ng'ozi vikwiza pakulyanga poka, sona inkalamu yikwiza pakulya isote, ngati ng'ombe, po ulufumbi lukwiza pakuba chakulya icha njoka. Kutakwiza pakuba ukuvulazannya, pamo ukughoghana mwi ghamba lyane izelu.” U Mwene anena.

Ezekiyeli 28:16

Pachifukwa icha bwinji ubwa ivyakughulizya vyako, ukizula ni vyongo sona ukananga. Po nkakusumbila pasi pighamba ilya Chala, pakuba ngati chintu ichinyazu, po nkakwefyapo, we kelubi umulindilili, pakasi pamabwe aghamoto.

Matayi 13:39

umulwani yuyo akapesa indezye we Satana. Inyinulo bo bumalilo ubwa chisu ichapasi, sona abinuli bala bo bantumi.

Matayi 24:24

Pakuti abantu abinji abamyasi bakwiza pakuboneka nukuti bo bapoki abasaliwa, pamo balaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 4:1

Po u Muzimu Umuzelu akamusendela u Yesu munkolongo ukuti ayeliwe nu Satana.

Matayi 4:10

Panapa u Yesu akamwamula akati, “Epapo Satana! Amasimbo ghakuti, ‘Umwiputaye u Mwene u Chala wako, sona umubombelaye yuyo mwene.’ ”

Matayi 4:5

Pisinda pache u Satana akamusendela u Yesu mu Yelusalemu, akaya akakulu nkani akazelu nukumukwezya pachisonje icha Nyumba iya Chala,

Matayi 4:8

Pabumalilo u Satana akamusendela u Yesu pighamba itali nkani nukumulanjizya ubumwene bosi ubwa muchisu ichapasi nu buchindamu bwache.

Luka 10:18

U Yesu akabamula akati, “Nkennya u Satana akuwa ngati ko kamesya ukufuma kumwanya.

Luka 13:16

Ilelo pano pali uwaluko ulwa Abulahamu, yuyo apinyiwe nu Satana amaka 18; po nkimba atangasatuliwa Pisiku Ilyakutuzya?”

Luka 22:3

Po u Satana akinjila mwa Yudasi Sikaliyoti, yumo uwa bamanyili 12 bala.

Luka 22:31

“Simoni, Simoni! Teghelezya, u Satana amulaba u Chala ukuti amwitikizye ukuti abayele pakubapeta ngati ngano.

Luka 8:12

Imbeyu zizyo zikawila muzila zikwimilila abantu babo bakwivwa amazyu agha Chala. Loli u Satana akwiza nukwefyamo amazyu ghala mumoyo ghabo ukuti baleke pakusubila nukupokiwa.

Yohani 12:31

Losi ulu ko kabalilo akakulongiwa ukwa chisu ichapasi. Losi ulu u Satana, umulaghili uwa chisu ichapasi akwiza pakusumbiwa kuzi.

Yohani 14:30

Ntakwiza pakunena namwe akabalilo akatali awe pakuti u Satana, umulaghili uwa chisu ichapasi akwiza. Ate na maka papane awe,

Yohani 16:11

akinong'onele kabo namumo u Chala akwiza pakulongela abantu kate kiza pakuti u Satana, umulaghili uwa chisu ichapasi alongiwe kale.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Imbombo 5:3

U Pitala akamubuzya akati, “Nkimba Ananiya choni chicho ukamwitikizya u Satana ukuti injile mumoyo wako nukumuzimbula u Muzimu Umuzelu pakusabulapo indalama zimo zizyo ukaghulizizya umughunda wako?

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Loma 16:20

Po u Chala umwenecho uwa mutende akwiza pakumusya u Satana ni nyayo zyinyu. Ichisa icha Mwene witu u Yesu Kilisitu chibanje namwe.

2 Aba Kolinti 11:14

Sona chite chakuswighisya nkani, awe, pakuti nu Satana bulo akwifwanikizya mwene ngati po wantumi uwa lukozyo.

2 Aba Kolinti 11:3

Indi nubogha ukuti inyinong'ono zyinyu zikwiza pakuzimbuliwa ukuyana namumo u Eva akazimbuliliwa nu buchevu ubwa njoka ukuti mutakabe bantu aba bwanaloli, sona nukwiyipa kwa Kilisitu.

2 Aba Kolinti 12:7

Loli pakunyila ukuti ningitutumula pachifukwa icha buvumbuli ubukulu ubu, u Chala akabika umwivwa mu mubili wane pakuba wantumi uwa Satana ukuti ghunjivye nkani ukuti intakitutumulaye.

2 Aba Kolinti 2:11

ukuti u Satana atakalwaghilepo ulusako papitu pakuti tubumenye ubuchevu bwache.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

2 Aba Tesalonika 2:3

Patakabepo nayumo umuntu uwakubazimbula napo panandi, pakuti isiku lila litakwiza mupaka papo ukumusambukila u Chala ukwabumalilo kwabombiwa, sona umuntu Umubibi yula aboneke, yuyo ubumalilo bwache ko kuzimila.

1 Timoti 2:14

Po atakaba we Adamu yuyo akazimbuliwa, loli akaba mukolo yuyo akazimbuliwa nukunanga indaghilo izya Chala.

2 Timoti 3:13

Loli abantu ababibi na bazimbuli bakwiza pakonjelelakonjela akuba babibi nukubazimbula abantu abanji, loli bope bakwiza pakuzimbuliwa.

Aba Hebeli 2:14

Pakuti abana banaba bantu bulo, babo bali nu mubili ni banda, u Yesu umwenecho akanduka ngati bo babo nukugabana nabo akabele kabo ukwendela mu bufwe bwache ukuti amunangannye u Satana, yuyo ali na maka agha bufwe.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

1 Yohani 5:19

Tuzimenye ukuti aswe twe bana aba Chala napapo abantu aba muchisu ichapasi bali pasi pa maka agha Mubibi yula.

Yuda 1:9

Nu Mikayeli bulo, usongo uwa bantumi aba kumwanya, atakabomba zinizi, bo akudalinkana nu Satana nizya muvimba uwa Mozesi. U Mikayeli atakajimba pakumulonga u Satana na mazyu aghantuko, loli akati, “U Mwene akuchemele.”

Ubuvumbuli 12:12

Polelo hobokagha, awe chisu icha kumwanya sona namwe mwe bantu mwebosi mwe mukwikalamo! Loli ntamyo kuchisu ichapasi ni nyanja, pakuti u Satana ikila papinyu. Izuye nu bukali nkani pachifukwa ichakuti azimenye ukuti asyala na kabalilo akanandi bulo.”

Ubuvumbuli 12:3

Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ubuvumbuli 12:7

Po ubwite bukanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,

Ubuvumbuli 12:8

loli bakayipota inyivwila yila. Po iyene na bantumi bache yitakitikiziwapo nalumolumo ukwikala kumwanya.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 18:2

Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buzilo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.

Ubuvumbuli 18:23

Mutakwiza pakubonekapo nalumolumo ukulama ukwa nyale mumwako. Mumwako mutakwiza pakwivwikapo nalumo izyu ilya mwenesendwa nilya yuyo akusendwa. Abaghulizi bako bakaba bamaka nkani muchisu ichapasi. Ukabazimbula abantu bosi aba muchisu ichapasi na mayele ghako aghabumyasi.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 2:13

“Inzimenye ukuti kuko ukwikala, ko kuko kuli ichitengo icha bumwene ubwa Satana. Awe we musubiliwa kukwane, sona utakalutaghe ulwitiko lwako mumwane, na pakabalilo bulo aka Antipasi, ukaboni wane umusubiliwa yula, yuyo akaghoghiwa, kuko u Satana akwikalako.

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.

Ubuvumbuli 2:9

“Intamyo zyako inzimenye nu bupina bwako bope imbumenye, loli we mukabi. Ingumenye umusamu uwa bantu babo bakwinena bene ukuti ba Yuda, po bate ba Yuda, loli ba chipanga icha Satana.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:8

sona akwiza pakuzizimbula inko izya bantu kunkuto zyosi folo izya chisu ichapasi, kokuti u Gogi nu Magogi. U Satana akwiza pakubabungannya bosi poka pakulwa ubwite. Ubwinji bwabo buli ngati gho musesenga uwa mulubazu ulwa nyanja.

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.

Ubuvumbuli 9:1

Palapala uwantumi uwafayivi akalizya ipati lyache. Po nkennya lutondwa ulwa kumwanya lulo lukawila pachisu ichapasi. Lukapeghiwa inyighulilo iyakwighulila muchibanka ichibizu nkani.

Ubuvumbuli 9:20

Abantu bosi abanji babo batakaghoghiwa ni viwaya vilavila, pope bulo batakapinduka nukuvileka vivyo bakabombagha ni nyobe zyabo. Batakaleka pakwiputa imizimu imibibi ni vifwani ivya golide nivya siliva nivya mabwe nivya ikwi vivyo vitangennya pamo ukwivwa pamo ukwenda, awe.