Ubuvumbuli 12:7 - IBAYIBOLO 2024

⁷ Po ubwite bukanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,

Ulufingo Ulupya

⁷ Po inkondo yikanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,

Ubuvumbuli 12:7 Iomraidhean Croise

Masalimo 78:49

Akabawisizya umoto uwa bukali bwache, umoyo wache ghukababa nkani, po akabakalalila nukubawisizya intamyo, akatuma abantumi abakunangannya.

Yesaya 34:5

U Mwene akuti, “Upanga wane ang'wela ivyakung'wela vyache kumwanya, ennya, akwika nu bulongi pachisu icha Edomu, pabantu babo nabanangannya.”

Yesaya 55:4

Ennya, namupela pakuba we kaboni uwa bantu, ukuti abanje mulongozi, nusongo uwa basilikali aba inko.

Daniyeli 10:13

Loli u mwene uwa muchisu icha Peleziya akalwana nane amasiku 21. Po u Mikayeli weka uwa bantumi aba kumwanya usongo nkani, akiza pakunyavwa, pachifukwa ichakuti nkasyala bulo nemwene mubumwene ubwa mu Peliziya.

Daniyeli 10:21

Ichakwanda nkulonda nkubuzye zizyo zisimbiwe mwi Buku ilya Bwanaloli. Atalilpo nayumoyumo uwakunyavwa, loli mwene u Mikayeli uwantumi wako uwakumwanya usongo nkani.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Matayi 13:41

U Mwana uwa Muntu akwiza pakutuma abantumi bache ukwefya abantu bosi mu Bumwene bwache, babo bakupuvya abantu na babo bakubomba ivibibi.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 24:31

Ipati likwiza pakwivwika, po akwiza pakubatuma abantumi bache kunkuto zyosi folo izya chisu ichapasi nukubungannya abantu bache abasaliwa ukwandila ko kubumalilo ubwa chisu ichapasi mupaka kubumalilo ubunji.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 26:53

Nkimba mutazimenye ukuti ningalaba kwa Tata ukuti anyavwe, po umwalubilolubilo ngali antumila utubukatila utwa abantumi ukuchila 12?

2 Aba Kolinti 12:7

Loli pakunyila ukuti ningitutumula pachifukwa icha buvumbuli ubukulu ubu, u Chala akabika umwivwa mu mubili wane pakuba wantumi uwa Satana ukuti ghunjivye nkani ukuti intakitutumulaye.

Aba Efeso 6:12

Pakuti tutakulwa na bantu, awe. Tukulwa na bamwene na balaghili, na maka agha muchisu icha chisi ichi, sona ni mizimu imibibi iya mumwanya.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

Aba Hebeli 2:10

Pakuti chikamubaghila u Chala yuyo mupeli, sona musungilili uwa vintu vyosi, ukuti amupele u Yesu pakuba wakufikapo ukwendela mu mayimba ghache, umwakuti abasendele abana bache abinji pakwinjila mu buchindamu bwache. Pakuti u Yesu weyuyo akubalongozezya ku bupoki.

2 Pitala 2:4

Pakuti u Chala atakabaleka bulo abantumi bala babo bakananga, loli akabasumbila mu Gehena, mumo basungiwe bo bapinyilile ukulindilila isiku, lilyo u Chala akwiza pakubalonga abantu.

Yuda 1:9

Nu Mikayeli bulo, usongo uwa bantumi aba kumwanya, atakabomba zinizi, bo akudalinkana nu Satana nizya muvimba uwa Mozesi. U Mikayeli atakajimba pakumulonga u Satana na mazyu aghantuko, loli akati, “U Mwene akuchemele.”

Ubuvumbuli 12:8

loli bakayipota inyivwila yila. Po iyene na bantumi bache yitakitikiziwapo nalumolumo ukwikala kumwanya.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.

Ubuvumbuli 20:2

Akayilema inyivwila yila, injoka iyakale yuyo we Mubibi pamo we Satana nukumupinya amaka 1,000.