Ubuvumbuli 12:3 - IBAYIBOLO 2024

³ Po ichimanyilo ichinji ichakuswighisya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pamutu ghosi yikavwala impumpu iya bumwene.

Ulufingo Ulupya

³ Po ichimanyilo ichinji ichakuswighizya nkani chikaboneka kumwanya: Kukaba inyivwila inchesamu inkulu yiyo yikaba ni mitu seveni ni mpembe teni. Pa mutu ghosi yikavwala impumpu iya bumwene.

Ubuvumbuli 12:3 Iomraidhean Croise

Yesaya 27:1

Pisiku lilalila, u Mwene akwiza pakubombezya upanga wache, yuyo wakoghofya nu mukulu nkani sona wamaka, pakuyifunda inyivwila sona yikwinnyenga po akwiza pakuchighogha ichinyamana chila icha munyanja.

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Yesaya 9:15

Abasongo na bantu abachindikiwa gho mutu, abalaghuzi babo bakumanyisya ubumyasi gho misinda.

Daniyeli 2:41

Ukuyana namumo ukazyenezya inyayo ni salala zyache vikaba vya chela ichakongannya ni tope, po bunubu bukwiza pakuba bumwene ubwakugabinkana. Loli bukwiza pakubanga na maka ghamo panandi pachifukwa icha chela chila.

Daniyeli 2:42

Ukuyana namumo ukazyenezya isalala zila, ichigaba chimo zikaba zya chela, sona ichigaba ichinji zikaba zya litope. Po ubumwene bunubu ichigaba choka bukwiza pakuba bwamaka, sona chigaba ichinji chikwiza pakuba chidedebazu.

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Daniyeli 7:24

Impembe teni bo bamwene teni, babo bakufuma mubumwene bunubu. Pisinda pabanaba, u mwene uyunji akwiza pakuboneka, yuyo akwiza pakulekana na bakwanda bala sona nukubapota abamwene batatu bala.

Ubuvumbuli 12:1

Pisinda pache ichimanyilo ichikulu ichakuswighisya nkani chikaboneka kumwanya. Kukaba umukolo yuyo akavwala izuba ni nyayo zyache zikanyite pamwezi. Kumutu wache akavwala impumpu iya bumwene yiyo yikaba ni ntondwa 12.

Ubuvumbuli 12:13

Bo inyivwila yila yazyaghannya ukuti yisumbiwe pachisu ichapasi, yikanda pakumuchimbizya umukolo yuyo akapapa umwana umulumendo.

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

Ubuvumbuli 12:4

Nu musinda wache, inyivwila yila yikawesa ichigaba choka pa vigaba vitatu ivya ntondwa nukuzisumbila pachisu ichapasi. Inyivwila yila yikima pamaso pa mukolo yuyo akaba papipi pakusayiwa, umwakuti yilye umwana uwa mukolo yula, bo apapiwa bulo.

Ubuvumbuli 12:7

Po ubwite bukanda kumwanya, u Mikayeli na bantumi bache pakulwana ni nyivwila yila. Yope inyivwila yila na bantumi bache pakulwana nu Mikayeli,

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:1

Pisinda pache nkennya ichinyamana chikuzubuka munyanja. Chikaba ni mpembe 10 sona ni mitu seveni. Pa lupembe loka pakaba impumpu iya bumwene, sona pamutu wache ghosi pakasimbiwapo itabwa ilyakumusamula u Chala.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 13:4

Abantu bosi bakayiputa inyivwila yila, pachifukwa ichakuti yikachipa ubulaghili bwache ichinyamana chila. Bakachiputa sona ichinyamana chila ukuti, “Wewenu yuyo ayanite ni chinyamana chinichi? Wewenu yuyo angalwana nacho?”

Ubuvumbuli 15:1

Pisinda pache nkennya ichiswigho ichikulu ichinji, kumwanya. Pakaba abantumi seveni babo bakaba ni viwaya seveni, vivyo vikaba vyabumalilo ivyakulanjizya ubukali ubwabumalilo ubwa Chala.

Ubuvumbuli 16:13

Po nkennya imizimu imibibi mitatu, yiyo yikabonekagha ngati bo bachula yikufuma mumulomo uwa nyivwila ni chinyamana, sona na mumulomo uwa mulaghuzi umumyasi.

Ubuvumbuli 17:12

“Impembe 10 zizyo ukazyennya bo bamwene 10 babo bachili pakulaghila, loli bope bulo bakwiza pakupeghiwa ubulaghili ubwakulaghila poka ni chinyamana. Bakwiza pakulaghila pa awala weka bulo.

Ubuvumbuli 17:16

Impembe 10 zizyo ukazyennya ni chinyamana chila vikwiza pakumubenga umukolo umalaya yula. Bakwiza pakumufyula vyosi vivyo ali navyo nukumuleka bwazi. Bakwiza pakughunangannya umubili wache nukumulungulizya numoto.

Ubuvumbuli 17:7

Po uwantumi akandalusya akati, “Nkimba choni chicho ukuswigha? Ane nkwiza pakukulingannya iching'anamulo ichakubusyefu nizya mukolo yunuyu, sona nizya chinyamana chicho chili ni mitu seveni, poka ni mpembe teni.

Ubuvumbuli 19:12

Amaso ghache ghakaba chee ngati zyo ndimi izya moto, sona akavwala impumpu inyinji nkani kumutu wache. Akasimbiwa itabwa papache, lilyo nayumo umuntu yuyo akalimanyagha, loli mwene bulo.

Ubuvumbuli 20:2

Akayilema inyivwila yila, injoka iyakale yuyo we Mubibi pamo we Satana nukumupinya amaka 1,000.