Ubuvumbuli 12:14 - IBAYIBOLO 2024

¹⁴ Loli umukolo yula akapeghiwa ivipapande vibili ivya lizwanga, umwakuti abulukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ulufingo Ulupya

¹⁴ Loli umukolo yula akapeghiwa ivipapande vibili ivya lizwanga, umwakuti apululukile munkolongo, kubuzilo bubo akwiza pakusungiwako akiza amaka matatu nu hafu ukuti inyivwila yila yitakamuleme.

Ubuvumbuli 12:14 Iomraidhean Croise

Masalimo 55:6

Po nkati, “Mwee nalondagha nkani ngali indi ni vipapande ngati vya nkunda, po ngali nabulukila kubutali nkani ukuti intuzye.

Ukufuma 19:4

Amwe mwebene muvyenizye vivyo nkababombela aba Ijiputi, sona namumo nkabanyamulila nukwiza namwe kukwane ngati mumo izwanga likunyamulila abana bache pavipapande.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 8:14

Akanyamula akati, “Chinichi chikwiza pakumala 2,300 ichamabwila sona na pandabindabi. Po Ubuzilo Ubuzelu bula bukwiza pakupaghuliwa sona.”

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Ubuvumbuli 17:3

Po u Muzimu Umuzelu akansendela munkolongo. Kulakula nkamwennya umukolo ikaye pachinyamana ichichesamu, chicho chikaba ni mitu seveni, sona ni mpembe teni, zizyo zikaba na matabwa posi na posi aghakumusamula u Chala.