Ubuvumbuli 11:8 - IBAYIBOLO 2024

⁸ Imivimba yabo yikwiza pakulambalala mumisebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Ulufingo Ulupya

⁸ Imivimba yabo yikwiza pakulambalala mu misebo iya kaya akakulu nkani kako u Mwene wabo akakomeliwamo pachipinjika. Akaya akakulu nkani kala itabwa lyache umwachili bulo we Sodomu, pamo mu Ijiputi.

Ubuvumbuli 11:8 Iomraidhean Croise

Ubwandilo 13:13

Abantu aba mu Sodomu bakaba babibi nkani, sona bakamunangila nkani u Mwene.

Ubwandilo 19:24

Po u Mwene akalaghazya amabwe agha moto uwa sulufule mu Sodomu nu Gomola.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Ukufuma 3:7

Po u Mwene akati, “Naghennya amayimba agha bantu bane babo bali mu Ijiputi. Nivwa amilumbusyo ghabo nizya bantu babo bakubayivya. Napalamasiwa nkani mumoyo namumo bakuyimbila.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Yelemiya 23:14

Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Yelemiya 26:23

Bakamulema u Uliya mu Ijiputi nukubuka nawe kwa mwene u Yehoyakimu, yuyo akamughogha nupanga, bakaghusyila umubili wache ku mapumpa agha kusyililako abantu bulo.

Ezekiyeli 16:46

“ ‘Umukulu wako umulindu akaba mu Samaliya, yuyo akikalagha kumitu kukwako na bana bache abalindu. Yuyo akikalagha kuntende na bana bache abalindu, akaba we Sodomu.

Ezekiyeli 16:49

Iyi yikaba mbibi iya muyemba wako u Sodomu, umwene na bana bache bakwituvya pachifukwa icha vyakulya ivyinji, bo abapina na bakusobelwa bakuyimba.

Ezekiyeli 23:19

Pope bulo akendelela pakubomba ubwamalaya, akazikumbuka imbombo zyache izya kubulindu, pakabalilo kako akabombagha izya bwamalaya muchisu icha Ijiputi.

Ezekiyeli 23:27

Po nkwiza pakuyimala inyota yako iya bwamalaya bwako, bubo ukanda muchisu icha Ijiputi. Umwakuti uleke pakuvisamba ivintu vivyo ukabombagha mu Ijiputi pamo pakukumbuka sona vivyo ukabomba.

Ezekiyeli 23:3

Bakabombagha ubwamalaya muchisu icha Ijiputi, ukufuma kubulindu bwabo. Kulakula abantu bakalemagha amabele ghabo nukwinyazya.

Ezekiyeli 23:8

Atakabuleka ubwamalaya bwache bubo akanda pakubomba mu Ijiputi, ukwandila pakabalilo aka bulindu bwache, abanavuli bakaghonana nawe nukulema amabele ghache aghakubulindu, po ichinyonywa chabo chosi chikamalilagha papache.

Ezekiyeli 37:11

Po u Mwene akambuzya akati, “Wee mwana uwa muntu, amafupa ghosi agha ba Izilayeli. Bakuti, ‘Amafupa ghitu ghumiye sona nulusubilo lwitu lope lwamala; tuyanite bulo nababo bakafwa.’

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Matayi 10:15

Naloli nkubabuzya ukuti pisiku lilyo u Chala akwiza pakubalonga abantu, u Chala akwiza pakubapelela ichisa nkani abantu aba mu Sodomu nu Gomola ukuchila abantu aba mukaya kala.

Imbombo 9:4

Po akawa pasi nukwivwa izyu likunena likuti, “Sabuli, Sabuli! Choni chicho ukunvwima?”

Aba Hebeli 13:12

Ichi cho chifukwa u Yesu wepe akafwila kuzi ukwa kaya akakulu nkani, umwakuti aswefye imbibi izya bantu ni banda ilyache ni lyache.

Aba Hebeli 6:6

po chipala nkani ukuti bapinduke sona nanti bawa, pachifukwa chakumukomela sona u Mwana uwa Chala pachipinjika nukumukozya isoni pabuzelu.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.

Ubuvumbuli 11:9

Abantu aba inko zyosi na bavikolo vyosi, sona na baneno izyakulekanalekana bakwiza pakwennya imivimba yabo amasiku matatu nu hafu po bakwiza pakubakanila pakusyila.

Ubuvumbuli 14:20

Amampesya ghala ghakakanyiwa muchiliba ichakukanyilamo amampesya kuzi ukwa kaya akakulu, sona muchiliba ichakukanyilamo amampesya chila mukafuma ibanda, lilyo likafuluka ngati lusoko mupaka amamita 3,000, sona ubwibizu bwache mupaka amamita mabili.

Ubuvumbuli 14:8

Po uwantumi uyunji uwabubili akakonkapo nukuti, “Kamala mwee! Kamala mwee! Kamala akaya akakulu nkani aka Babiloni, kako kakang'wesya abantu abaluko losi uvinyo uwa vinyonywa vyache ivya bulowe!”

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

Ubuvumbuli 17:1

Po weka uwa bantumi seveni, babo bakakupula vivyo vikaba mumbako seveni bala bakiza nukunena nane ukuti, “Zagha, nkwiza pakukulanjizya namumo umalaya umumanyikwe, yuyo ikaye pamizi aminji nkani, akwiza pakufundiliwa.

Ubuvumbuli 17:18

“Umukolo yuyo ukamwennya, ko kaya akakulu nkani kako kakulaghila abamwene aba muchisu ichapasi.”

Ubuvumbuli 17:5

Pa cheni chache pakasimbiwapo itabwa lilyo lili ni ching'anamulo ichakubusyefu ukuti, “U Babiloni umukulu nkani, unyina uwa bamalaya bosi nuwa bantu abanyazu bosi muchisu ichapasi.”

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Ubuvumbuli 18:18

Bo balyennya ilyosi ilya moto ghugho ghukumulungulizya, bakakolomoka nkani bakati, ‘Kataliko sona akaya akanji kako kayanite nakaya akakulu nkani aka!’

Ubuvumbuli 18:2

Akakolomoka nizyu ilya pamwanya nkani akati, “Kamala mwee! Kamala mwee! Kamala akaya akakulu nkani aka Babiloni! Ipelite mwene pakuba buzilo ubwa mizimu imibibi. Ipelite pakuba chivulumbo icha viyuni vyosi ivinyazu pakuba buzilo ubwa vinyamana ivilwani.

Ubuvumbuli 18:21

Po uwantumi uwamaka akanyamula ibwe lilyo ubukulu bwache likayana nu lwala ulukulu nkani, akalisumbila munyanja nukuti, “Umu momumo akaya akakulu nkani aka Babiloni kakwiza pakusumbiliwa. Katakwiza pakubonekapo nalumo.

Ubuvumbuli 18:24

Akaya aka Babiloni kakufundiwa pachifukwa icha libanda ilya balaghuzi, nilya bantu abazelu aba Chala sona nilya bantu bosi babo bakaboliwa muchisu ichapasi.”