Ubuvumbuli 11:7 - IBAYIBOLO 2024

⁷ Bo bamala pakusimikizya, ichinyamana ichakufuma muchibanka ichibizu nkani chikwiza pakulwana nabo. Chikwiza pakubapota nukubaghogha.

Ulufingo Ulupya

⁷ Bo bamala pakusimikizya, ichinyamana ichakufuma mu chibanka ichibizu nkani chikwiza pakulwana nabo. Chikwiza pakubapota nukubaghogha.

Ubuvumbuli 11:7 Iomraidhean Croise

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Luka 13:32

U Yesu akabamula akati, “Kamubuzye ukambwe yula ukuti, ‘Nkwefya imizimu imibibi nukupozya ababine ilelo ni ndabi bulo, sona pisiku ilyabutatu nkwiza pakumalizya imbombo yane.’

Luka 8:31

Imizimu imibibi yikamulaba u Yesu ukuti atakayitume muchibanka ichibizu nkani chicho abantu ababibi bakufundiliwako.

Yohani 17:4

Ane nkakuchindika muchisu ichapasi pakumalizya imbombo yiyo ukampa ukuti injibombe.

Yohani 19:30

Bo u Yesu ang'wela uvinyo yula akati, “Kwamala.” Po akawisya icheni pasi nukufwa.

Imbombo 20:24

Loli intakupasyapo nizya bumi bwane ukuti bwapamwanya kukwane. Pakuti chicho nkulonda chakuti imalizye imbombo yane, sona nu butumiwa bubo u Mwene u Yesu akampa ubwakulumbilila Amazyu Amiza aghakunena nizya chisa icha Chala.

2 Timoti 4:7

Nalwa ubwite ubwiza, namalizya inyangalo iyakuchimbila, sona nasungilila ulwitiko.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 12:17

Inyivwila yikamukalalila umukolo yula, po yikabuka pakulwana na baluko lwache abanji bosi babo bakasyalako, babo bakukonka amalamulo agha Chala, sona basubiliwa aba bwanaloli bubo bukavumbuliwa nu Yesu.

Ubuvumbuli 13:11

Po nkennya sona ichinyamana ichinji chicho chikafuma pasi pachisu. Chikaba ni mpembe zibili ngati zyo mpembe izya Mwana uwa ng'ozi, sona chikanenagha ngati yo nyivwila.

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.