Ubuvumbuli 11:6 - IBAYIBOLO 2024

⁶ Abakaboni banaba bali nu bulaghili ubwa kuyilemela ivula ukuti yitakatime pakabalilo kako bakulumbilila Amazyu Amiza agha Chala. Bali nu bulaghili ubwakwandulila imbwibwi izya mizi pakuba libanda. Bali sona nu bulaghili ubwakuchiyivizya ichisu ichapasi ni viwaya ivyakulekanalekana ukuyana namumo bakulondela.

Ulufingo Ulupya

⁶ Abakaboni banaba bali nu bulaghili ubwa kuyilemela ivula ukuti yitakatime pakabalilo kako bakulumbilila Amazyu Amiza agha Chala. Bali nu bulaghili ubwakwandulila imbwibwi izya mizi pakuba libanda. Bali sona nu bulaghili ubwakuchiyivizya ichisu chapasi ni viwaya ivyakulekanalekana ukuyana na mumo bakulondela.

Ubuvumbuli 11:6 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Luka 4:25

“Naloli nkubabuzya ukuti bakabamo abakolo abafwilwe abinji nkani mu Izilayeli pakabalilo aka mulaghuzi u Eliya, ivula yitakatima amaka matatu na mezi sikisi, umwakuti izala inkulu nkani yikawa pachisu chosi.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 16:3

Po uwantumi uwabubili akakupulila vivyo vikaba mulubako lwache panyanja. Amizi ghakanduka libanda, ghagho ghakaba ngati lyo libanda ilya muntu umufwe, sona ivipeliwa ivyabumi vyosi munyanja mula vikafwa.

Ubuvumbuli 16:4

Uwantumi uwabutatu akakupulila vivyo vikaba mulubako lwache musoko na mu mbwibwi izya mizi. Po amizi ghala ghakanduka libanda.

Ubuvumbuli 8:8

Po uwantumi uwabubili wepe akalizya ipati lyache. Ichintu chimo chicho chikabonekagha ngati lyo lighamba ikulu nkani lilyo lili pamoto chikasumbiwa panyanja. Ichigaba choka pa vigaba vitatu ivya nyanja chikanduka libanda,

1 Samuweli 4:8

Twaghuniwa! Nkimba wewenu yuyo angatupoka munyobe izya bachala abamaka banaba? Banaba bo bachala babo bakabaghogha aba Ijiputi ni viwaya ivyakulekanalekana munkolongo mula!