Ubuvumbuli 11:3 - IBAYIBOLO 2024

³ Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ulufingo Ulupya

³ Inkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 11:3 Iomraidhean Croise

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

2 Samuweli 3:31

Po u Devedi akamubuzya u Yowabu poka na bantu bache akati, “Zepulannya amenda ghinyu, nukuvwala amasaka, sona mumulile u Abinala.” U mwene u Devedi akakonkagha kwisinda ukwa bantu babo bakanyamula umuvimba uwa Abinala.

1 Abamwene 21:27

Bo u Ahabu ivwa amazyu ghanagha akazepula amenda ghache, nukuvwala amasaka, sona akatuzya pakulya. Akalambalala bo avwalite amasaka nukwanda pakwenda bo asulumanizye ni chitima ichikulu nkani.

2 Abamwene 19:1

Bo u mwene u Hezekiya ivwa zinizi, akazepula amenda ghache nukuvwala amasaka pachifukwa icha chitima nukubuka mu Nyumba iya Mwene.

1 Imbili 21:16

U Devedi akatalankannya nukumwennya uwantumi uwa Mwene imiliye mumwanyamwanya, bo agholosezizye upanga wache pa Yelusalemu. Po u Devedi poka na balongozi bakafuma, bo bavwalite amasaka pachifukwa icha chitima.

Nehemiya 9:1

Pisiku ilya 24 ilya mwezi ghulaghula, aba Izilayeli bakabungana poka. Bakatuzya pakulya nukuvwala amasaka sona bakinyafila ulufumbi pamitu yabo pachifukwa icha chitima.

Yobu 16:15

Nasonela amasaka kumubili wane nukughasyila amaka ghane mulufumbi.

Masalimo 69:11

Bo nkuvwala amasaka pakulanjizya ichitima, pope bulo abantu bakunseka.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yelemiya 1:10

Ilelo nkukusala ukuti ubanje nu bulaghili panko izya bantu nu bumwene, pakunyunkula nukumongola, pakunangannya nukutagha sona nukuzenga nukubyala.”

Nkuto 2:10

Abasongosongo bosi aba mu Yelusalemu bikaye bulo pasi myee, sona bikupulila ulufumbi pamitu yabo Bavwalite amasaka pachifukwa icha chitima, sona abakolo aba mu Yelusalemu bakotamizye imitu yabo pasi.

Ezekiyeli 4:6

“Nanti wamala bulo izi, ulambalale sona, pakabalilo aka ulambalale kulubazu lwako ulwa ndilo, ukwiza pakunyamula imbibi izya ba Yuda. Nakupa amasiku 40, isiku lyoka ilyakuyana nu mwaka ghoka.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 8:14

Akanyamula akati, “Chinichi chikwiza pakumala 2,300 ichamabwila sona na pandabindabi. Po Ubuzilo Ubuzelu bula bukwiza pakupaghuliwa sona.”

Yoweli 1:13

Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Yona 3:5

Abantu aba mukaya aka Ninive bakaghasubila amazyu agha Chala. Po bakadumula ukuti umuntu wesi ukwandila usongo mupaka umwana umunandi atuzye pakulya nukuvwala amasaka pakulanjizya ukuti bapinduka.

Yona 3:8

Umuntu wesi avwale amasaka, vyope ivinyamana vivwale amasaka nukumwiputa nkani u Chala. Umuntu wesi ayileke inkalo yache imbibi sona ni mbombo zyabo imbibi.

Ukubelengiwa 11:26

Loli abalongozi babili, u Elidadi nu Medadi bakasyalikila muvisakasa mula. Bo bapokela u Muzimu bope bakanda pakulaghula muchisakasa mula.

Matayi 11:21

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Matayi 18:16

Loli nanti atakukwivwila, sendelapo umuntu yumo pamo babili, umwakuti inongwa yosi yisimikiziwe na bakaboni babili pamo batatu.

Luka 10:13

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Luka 24:48

Amwe mwe bakaboni aba vintu vyosi vinivi.

Yohani 15:27

Sona namwe bulo mukwiza pakusimikizya nizya ane pakuti mukabanga nane ukwandila ko kubwandilo.”

Yohani 3:27

U Yohani akamula akati, “Ataliko nayumo umuntu yuyo angaba nacho chimo, ukusita u Chala pakumupa.

Imbombo 1:8

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

Imbombo 13:31

po amasiku aminji akababonekela abantu babo bakendagha nawe ukufuma mu Galileya ukubuka mu Yelusalemu. Ilelo bo bakaboni bache pakasi paba Izilayeli.

Imbombo 2:32

“U Chala akamuzyusya u Yesu yunuyu kubufwe, twebosi twe bakaboni ba vintu vinivi.

Imbombo 3:15

Mukamughogha yuyo akupa ubumi, loli u Chala akamuzyusya kubufwe. Aswe twe bakaboni ba zinizi.

1 Aba Kolinti 12:28

Muchipanga ichakwanda u Chala akasala abatumiwa, ichabubili abalaghuzi, ichabutatu abamanyisi, pisinda pache babo bakupela ivyika, sona babo bali ni chabupi ichakupozezya ububine, pamo babo bali ni chabupi ichakubavwa abanji, pamo babo bali ni chabupi icha bulongozi, pamo babo bali ni chabupi ichakunenela mundimi injeni.

2 Aba Kolinti 13:1

Aka kabutatu pakubendela. Pakuti Amasimbo ghakuti, “Inongwa yosi yibaghiye yisimikiziwe na bakaboni babili pamo batatu.”

Aba Efeso 4:11

Akaba weyuyo akabapa abantu ivyabupi ivyakuti bamo babanje batumiwa, abanji babanje balaghuzi, abanji babanje balumbilili, abanji babanje baputi, sona abanji babanje bamanyisi.

Ukukumbusya Amalamulo 17:6

Loli umuntu yula aghoghiwanje nanti pali abakaboni babili pamo batatu, sona atakaghoghiwanje nanti pate abakaboni babili pamo batatu.

Ukukumbusya Amalamulo 19:15

Mutakadumulaye ukuti umuntu ananga nanti pali bulo ukaboni weka, loli nanti pali abakaboni babili pamo batatu.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 11:2

Loli utakapime intanda, pachifukwa ichakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

Ubuvumbuli 11:6

Abakaboni banaba bali nu bulaghili ubwa kuyilemela ivula ukuti yitakatime pakabalilo kako bakulumbilila Amazyu Amiza agha Chala. Bali nu bulaghili ubwakwandulila imbwibwi izya mizi pakuba libanda. Bali sona nu bulaghili ubwakuchiyivizya ichisu ichapasi ni viwaya ivyakulekanalekana ukuyana namumo bakulondela.

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Ubuvumbuli 13:5

Ichinyamana chila chikitikiziwa pakunena amazyu aghamituvyo, sona na ghakumusamula u Chala. Chikitikiziwa sona pakuba nu bulaghili amezi 42.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.