Ubuvumbuli 11:2 - IBAYIBOLO 2024

² Loli utakapime intanda, pachifukwa ichakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

Ulufingo Ulupya

² Loli utakapime intanda, pachifukwa chakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

Ubuvumbuli 11:2 Iomraidhean Croise

Masalimo 79:1

Wee Chala, abantu aba inko izinji binjiye muchisu icha bantu bako, bayinyazya inyumba yako izelu, sona bakapelite akaya akakulu nkani aka Yelusalemu pakuba chisami.

Yesaya 48:2

mukwiyitizya mwebene ukuti, mwebenecho abakaya akakulu nkani akazelu, nukumusubila u Chala uwa Izilayeli, yuyo itabwa lyache, we Mwene Uwamaka Ghosi.

Yesaya 5:5

Nkwiza pakubabuzya zizyo nkwiza pakubomba, nu mughunda wane uwa mampesya. Nkwiza pakwefyako ulubagha lulo lughuzyunguliye, nukulumongolannya ulubumba lulo lughuzighiliye, po ghukwiza pakukanyankiliwa

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Nkuto 1:10

Umulwani akamufyula ubukabi bwache bosi, sona akazyennya inko izinji zikwinjila mubuzilo bwache ubuzelu, bubo ukazikanizya ukuti batakinjilemo.

Ezekiyeli 4:6

“Nanti wamala bulo izi, ulambalale sona, pakabalilo aka ulambalale kulubazu lwako ulwa ndilo, ukwiza pakunyamula imbibi izya ba Yuda. Nakupa amasiku 40, isiku lyoka ilyakuyana nu mwaka ghoka.

Ezekiyeli 42:20

Umwakuti akapima inkuto zyosi folo zizyo zikazyunguliliwa nichibumba, amamita ghakaba 250 imbazu zyosi, ukulesannya Ubuzilo Ubuzelu ku bubo bunyazu.

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Daniyeli 7:19

“Polelo nkalondagha pakubumanya ubusanuzyi ubwanaloli ubwa chinyamana ichafolo, chicho chikalekana ni vinyamana ivinji vyosi, sona chikaba chakoghofya nkani. Ichinyamana chicho chikaba na mino agha chela, ni zula zyache zikaba zya mukuba. Ichinyamana chinichi chikavulazyanga nukulya sona nukukanyankila vyosi vivyo vikasyala.

Daniyeli 7:25

Akwiza pakumususya Uwakumwanya Nkani nukubayivya abantu abazelu. Akwiza pakwandula utubalilo utwa lusekelo ni ndaghilo. Abantu abazelu bakwiza pakubikiwa munyobe zyache amaka matatu nu hafu.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Daniyeli 8:13

Po nkivwa uwantumi akumulalusya uwantumi uyunji akuti, “Nkimba ichisetuka chako chikwiza pakukwanilisiwa liyi? Nkimba ichinyazu ichakunangannya chinichi chikwiza pakupyanilaghapo liyi pachakwiyipa icha isiku ni siku? Nkimba abasilikali sona naba Mubuzilo Ubuzelu bakwiza pakukanyankiliwa mupaka liyi?”

Daniyeli 8:14

Akanyamula akati, “Chinichi chikwiza pakumala 2,300 ichamabwila sona na pandabindabi. Po Ubuzilo Ubuzelu bula bukwiza pakupaghuliwa sona.”

Ukubelengiwa 14:34

Mukwiza pakufundiwa amaka 40 pachifukwa icha mbibi zyinyu, kokuti umwaka ghoka ghukwimilila isiku lyoka ilya masiku ghagho mukabuka pakutendela ichisu chila. Po mukwiza pakubumanya namumo bubeleye ububibi ubwakuti ane imbasambukile.

Matayi 27:53

Bakafuma mumapumpa, po bo u Yesu azyuka, bakabuka Mukaya Akakulu nkani Akazelu, kuko abantu abinji bakabennya.

Matayi 4:5

Pisinda pache u Satana akamusendela u Yesu mu Yelusalemu, akaya akakulu nkani akazelu nukumukwezya pachisonje icha Nyumba iya Chala,

Matayi 5:13

“Amwe mwe mbeya pakasi pabantu aba muchisu ichapasi. Loli nanti imbeya yasupa, nkimba mungayipela bulibuli pakuba sona mbeya? Yite sona ni mbombo napo panandi, loli yikusumbiwa kuzi, po abantu bakuyikanyannya.

Luka 21:24

Bamo bakwiza pakughoghiwa kubwite, abanji bakwiza pakusendiwa ngati bo bakayidi pakubuka nabo muvyisu ivinji. Po abantu babo bate ba Yuda bakwiza pakumukanyankila u Yelusalemu mupaka akabalilo akabumalilo bwabo kakwane.

Aba Hebeli 10:29

Po nkimba zingaba bulibuli nu muntu yuyo akumusamula u Mwana uwa Chala? Nkimba zingaba bulibuli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba bulibuli nu muntu yuyo akumusamula u Muzimu Umuzelu, yuyo akumulanjizya ichisa?

Ubuvumbuli 11:11

Loli bo ghachilapo amasiku matatu nu hafu umuyi uwakupa ubumi ubwa Chala ghukinjila mumwabo, po bakimilila, sona bosi babo bakabennya bakanyila nkani.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Ubuvumbuli 12:6

Umukolo yula akachimbilila munkolongo, kubuzilo bubo u Chala akamuyanizizya, ukuti angasungiwako amasiku 1,260.

Ubuvumbuli 21:10

Po u Muzimu Umuzelu akansendela pighamba ikulu, sona itali nkani. Akandanjizya u Yelusalemu, akaya akakulu nkani akazelu, kako kakwika ukufuma kumwanya kwa Chala.

Ubuvumbuli 21:2

Nkennya Akaya Akakulu nkani Akazelu, u Yelusalemu umupya kakwika kumwanya kwa Chala, bo kiyanizye ukuyana nu mukolo yuyo avwalite amenda amiza ukuti akomane nu mulume.

Ubuvumbuli 22:19

Sona nanti umuntu yumo akwefyapo chimo pa mazyu aghabulaghuzi mwibuku linili, u Chala wepe akwiza pakwefyapo ichigaba chache chimo pikwi ilya bumi, sona nilya Kaya Akakulu nkani Akazelu, chicho chisimbiwe mwibuku linili.