Ubuvumbuli 11:18 - IBAYIBOLO 2024

¹⁸ Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ulufingo Ulupya

¹⁸ Abantu abakuzi bala bakakalala pachifukwa chakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu chapasi.”

Ubuvumbuli 11:18 Iomraidhean Croise

Masalimo 103:11

Kumwanya kutali nkani na pachisu ichapasi, umwakuyana bulo ulughano lwache lukulu nkani, ku bantu babo bakumuchindika.

Masalimo 110:5

U Mwene imiliye kunyobe yako indilo, sona akwiza pakubanangannya abamwene, pisiku ilya kukalala kwache.

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 2:5

Po mubukalale bwache akubachemela, sona akuboghofya mubukali bwache.

Masalimo 85:9

Naloli ubupoki buli papipi na bantu babo bakumunyila, po ubuchindamu bwache bubanjeko pachisu chitu.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Daniyeli 11:44

Po ipangwi ilyakubufumilo bwizuba sona nilya kumitu likwiza pakumoghofya, sona akwiza pakulwanga ubwite bula nukubaghogha abantu abinji nkani, bo akalaye nkani.

Daniyeli 7:26

“ ‘Loli abalongi bakwiza pakulonga, bakwiza pakughefya amaka ghache, umwakuti ghananganike nukuzimila zila.

Daniyeli 8:25

Pachifukwa icha buzimbuli bwache akwiza pakupota. Akwiza pakwituvya nukubanangannya abantu abinji nkani, sona akwiza pakumusambukila u mwene uwa bamwene. Pope bulo akwiza pakunanganika loli te namaka agha bantu.

Matayi 5:12

Hobokagha nukusekela pakuti umuvwalo winyu mukulu nkani kumwanya. Umu momumo abalaghuzi babo bakabako kale bakavwimiliwanga.

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Aba Hebeli 9:27

Umuntu wesi akufwanga lyoka bulo, sona pisinda pache po pakwiza ubulongi.

Ubuvumbuli 10:7

Loli bo uwantumi waseveni alizya ipati lyache, izya kubusyefu zizyo u Chala akayanizya zila zikwiza pakubombiwa, ukuyana namumo akafumusikizya pakasi pa bambombo bache abalaghuzi!”

Ubuvumbuli 11:2

Loli utakapime intanda, pachifukwa ichakuti zipeghiwe ku bantu abakuzi babo bakwiza pakukakanyannya Akaya Akakulu nkani Akazelu amezi 42.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.

Ubuvumbuli 13:16

Ichinyamana ichi chikabafyenga abantu bosi, abanandi na bantu abasongo na bantu abakabi na bantu abapina na bazya na bantu ababuke ukuti badindiwe ichidindo panyobe indilo pamo pa vyeni vyabo.

Ubuvumbuli 14:10

wepe akwiza pakung'wela uvinyo uwabukali ubwa Chala. Uvinyo yuyo ate mongannye nachimochimo. Akwiza pakuyiviwa numoto, sona nu sulufule pamaso pa bantumi abazelu aba Chala, na pamaso pa Mwana uwa ng'ozi.

Ubuvumbuli 15:1

Pisinda pache nkennya ichiswigho ichikulu ichinji, kumwanya. Pakaba abantumi seveni babo bakaba ni viwaya seveni, vivyo vikaba vyabumalilo ivyakulanjizya ubukali ubwabumalilo ubwa Chala.

Ubuvumbuli 15:7

Po choka icha vipeliwa ivyabumi folo vila chikabapa abantumi seveni bala ulubako ulwa golide lulo lukizula nu bukali ubwa Chala, yuyo mumi bwila na bwila.

Ubuvumbuli 18:6

Umubombelaye bulo vivyo wepe akakubombela, umutanizikizyanje kabili pa zizyo abomba. Izuzya kabili ulubako lwache ulwa ntamyo zizyo wepe akwiza pakuyimba nazyo.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 19:18

Zagha, mulye amabili agha bamwene, nagha basongo ababwite nagha basilikali nagha falasi nagha bakukwelapo nagha bantu bosi abazya na bantu abasatuke abasongo na banandi bulo!”

Ubuvumbuli 19:5

Pisinda pache nkivwa izyu ku chitengo icha bumwene likuti, “Mumupalaye u Chala witu, amwe mwe babombi bache mwebosi, amwe mwe mukumuchindika, amwe mwe basongosongo namwe bana abanandi!”

Ubuvumbuli 20:12

Nkennya sona abantu abafwe, abasongo na banandi bulo pantazi pachitengo icha bumwene. Amabuku ghakighuliwa, po ibuku ilinji likighuliwa, ili lyo libuku ilya bumi. Abantu abafwe bakalongiwa ukuyana ni mbombo zyabo zizyo bakabombagha vivyo vikasimbiwa mumabuku ghalaghala.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.

Ubuvumbuli 22:12

U Yesu akati, “Ivwa kuno! Nkwiza lunulu! Nkwiza nu muvwalo wane pakumupa umuntu wesi ukuyana ni mbombo zyache.