Ubuvumbuli 11:17 - IBAYIBOLO 2024

¹⁷ Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ulufingo Ulupya

¹⁷ Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 11:17 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Masalimo 21:13

Wee Mwene upaliwanje pachifukwa icha maka ghako, sona tukwiza pakukwimbilagha inyimbo izyakughapalizikizya amaka ghako.

Masalimo 57:11

Wee Chala, lanjizya ubukulu bwako ukuchila mumwanya nkani, sona ubuchindamu bwako bwizulaye pachisu chosi icha ichapasi.

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Daniyeli 2:23

Wee Chala uwa banyenya bane, nkukupalizya, sona nkukukwezya. Wampa amahala na maka, wanvumbulila zizyo tukakulaba, sona watuvumbulila ichilota icha mwene.”

Daniyeli 6:10

Bo u Daniyeli azyaghannya ukuti ululaghilo lula lwabikiwa, akabwela nukwinjila muchipinda chache icha pamwanya, chicho amabwindo ghache ghakighuliwa umwakwenannya nakaya akakulu nkani aka Yelusalemu. Akafughamagha katatu pisiku pakwiputa, nukumupalizya u Chala ukuyana namumo akabombelagha pakwanda.

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Luka 10:21

Pakabalilo kalakala u Yesu akizula nu buhobosu nu Muzimu Umuzelu nukuti, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi. Eee, Tata, umu momumo ukalondela ukuti chibombiwanje.

Yohani 11:41

Bakefyapo ibwe lila. Po u Yesu akennya kumwanya nukuti, “Tata, nkukupalizya pakuti wivwa inyiputo zyane.

2 Aba Kolinti 2:14

Loli u Chala apaliwanje, yuyo mwa Kilisitu akabalilo kosi akutulongolela palusekelo ulwa bupoti, sona ukwendela mumwitu pakufumusya nizya Kilisitu posi na posi ngati gho munusi umwiza.

2 Aba Kolinti 9:15

Amapalo ghabanje kwa Chala pachifukwa icha chabupi chache chicho chitakuneniwa.

1 Timoti 1:12

Nkumupalizya u Kilisitu u Yesu u Mwene witu, yuyo ampiye amaka pambombo iyi. Nkumupalizya pakumpima pakuba ne musubiliwa nukunsala ukuti imbombe imbombo yache,

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 16:5

Po nkivwa uwantumi yuyo akaba nu bulaghili pamizi akuti, “Awe we Mugholosu, sona we Muzelu awe uliko, sona ukabako pakuti wavilonga ivintu vinivi.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 18:8

Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine nukulila, sona nizala. Akwiza pakulunguliziwa numoto pakuti u Mwene u Chala, yuyo akumulonga wamaka.

Ubuvumbuli 19:11

Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!