Ubuvumbuli 11:15 - IBAYIBOLO 2024

¹⁵ Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ulufingo Ulupya

¹⁵ Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu chapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 11:15 Iomraidhean Croise

Masalimo 110:4

U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

Masalimo 146:10

U Mwene akulaghila bwila na bwila, wee Ziyoni, u Chala wako akulaghila kunkulilo zyosi. U Mwene apaliwanje.

Masalimo 2:2

Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 82:8

Wee Chala, vundumuka, chilongaye ichisu ichapasi, pakuti abantu aba inko zyosi yo mpyana yako.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Ukufuma 15:18

U Mwene akwiza pakulaghilagha bwila na bwila.”

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 55:5

Naloli ukwiza pakuzyitizya inko zizyo utazimenye, sona inko zizyo zitakakumanya, zikwiza pakuchimbilila kukwako, pachifukwa icha Mwene u Chala winyu, Umuzelu uwa Izilayeli, pakuti weyuyo abapa ubuchindamu.”

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Ezekiyeli 47:5

Akapima sona amamita 500, loli pakabalilo aka lukaba lusoko, lulo intangaloboka, pachifukwa ichakuti amizi ghakizula nkani sona ghakaba mibizu nkani.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Hoseya 2:23

Nkwiza pakubikazikizya aba Izilayeli muchisu chane, nkwiza pakuba nichililizi na bantu babo kale intakabaghana.” Abantu babo batakitiziwa ukuti, “Mute mwe bantu bane.” Nkwiza pakubitizya ukuti, “Amwe mwe bantu abane.” Bakwiza pakunena ukuti, “Awe we Chala witu.”

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Matayi 24:31

Ipati likwiza pakwivwika, po akwiza pakubatuma abantumi bache kunkuto zyosi folo izya chisu ichapasi nukubungannya abantu bache abasaliwa ukwandila ko kubumalilo ubwa chisu ichapasi mupaka kubumalilo ubunji.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Luka 1:33

sona akwiza pakuba we Mwene uwaluko ulwa Yakobo bwila na bwila, sona ubumwene bwache bute bukamale nalumo!”

Luka 15:10

Umwakuyana bulo, nkubabuzya nkuti, “Abantumi aba Chala bakuhoboka pa muntu weka uwambibi yuyo akupinduka nukuzileka imbibi.”

Luka 15:6

nukubuka nayo kunyumba. Akubitizya abamanyani na bapalamani poka nukubabuzya ukuti, ‘Nahoboka nkani pakuti nayagha ing'ozi yiyo yikasobela. Zagha tusekelele poka.’ ”

Imbombo 4:26

Abamwene aba muchisu ichapasi bakiyannya bene sona abalaghili bakabungana poka pakumusambukila u Mwene nu Mupakiwa wache?’

Aba Hebeli 1:8

Loli bo u Chala anena nizya Mwana wache, akati, “Wee Chala, ichitengo chako icha bumwene chikwiza pakubangako bwila na bwila. Ubugholosu yo ndisa iya bumwene bwako.

Ubuvumbuli 10:7

Loli bo uwantumi waseveni alizya ipati lyache, izya kubusyefu zizyo u Chala akayanizya zila zikwiza pakubombiwa, ukuyana namumo akafumusikizya pakasi pa bambombo bache abalaghuzi!”

Ubuvumbuli 12:10

Po nkivwa izyu ilya pamwanya kumwanya likuti, “Losi ulu u Chala alanjizya ubupoki, amaka nu bumwene bwache nu bulaghili ubwa Mesiya wache yula. Pakuti yuyo akimilila pamaso pa Chala witu nukubasusya abakamu bitu umusanya nu busiku bamusumbila pasi.

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 16:17

Uwantumi uwaseveni akakupulila vivyo vikaba mulubako lwache mumwanya. Izyu ilya pamwanya likivwika ukufuma muchitengo icha bumwene mu Nyumba iya Chala likati, “Kwamala!”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

Ubuvumbuli 19:1

Pisinda pazinizi nkivwa ukubuluma ngati chilundilo icha bantu kumwanya kukuti, “U Chala apaliwanje! Ubupoki nu buchindamu na maka vya Chala witu!

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 9:1

Palapala uwantumi uwafayivi akalizya ipati lyache. Po nkennya lutondwa ulwa kumwanya lulo lukawila pachisu ichapasi. Lukapeghiwa inyighulilo iyakwighulila muchibanka ichibizu nkani.

Ubuvumbuli 9:13

Po uwantumi wasikisi akalizya ipati lyache. Po nkivwa izyu kunkuto folo izya chighemo icha golide, chicho chikaba pamaso pa Chala.