Ubuvumbuli 11:12 - IBAYIBOLO 2024

¹² Po abalaghuzi babili bala bakivwa izyu kumwanya likuti, “Zagha kuno!” Abene bakakwela kumwanya mwibingu, bo abalwani babo bakubennya.

Ulufingo Ulupya

¹² Po abalaghuzi babili bala bakivwa izyu kumwanya likuti, “Zagha kuno!” Abene bakakwela kumwanya mwibingu, bo abalwani babo bakubennya.

Ubuvumbuli 11:12 Iomraidhean Croise

2 Abamwene 2:1

Akabalilo kakakwana akakuti u Mwene amusende u Eliya mukankungu ukubuka kumwanya. Isiku lilalila u Eliya nu Elisha bakaba pabulendo ubwakufuma ku Giligali.

2 Abamwene 2:11

Bo bachili bakwenda bakanenezyannyanga, panapo na panapo ingolo iya moto iyakuwesiwa ni falasi izya moto yikiza nukubalesannya. U Eliya akasendiwa ukubuka kumwanya mukankungu.

2 Abamwene 2:5

Po akabukatila aka balaghuzi aba mu Yeliko kakabuka kwa Elisha nukumulalusya ukuti, “Nkimba uzimenye ukuti u Mwene akwiza pakumwefyako u mwene wako pamaso papako ilelo?” U Elisha akamula akati, “Eee inzimenye, loli mutakazinenaye.”

2 Abamwene 2:7

Abalaghuzi 50 bala bakabakonka kulusoko ulwa Yolodani. U Eliya nu Elisha bakimilila mulubazu mulusoko ulwa Yolodani, sona abalaghuzi 50 bala bakimilila pabutalipo.

Masalimo 112:10

Umuntu umubibi akwiza pakuzyennya zinizi, po bakwiza pakukalala nkani. Akwiza pakusyeketula amino nukuzimila, sona ivintu vivyo akuvinyonywa vitakwiza pakubombiwa.

Masalimo 15:1

Wee Mwene, nkimba wewenu yuyo angikala mubuzilo bwako ubuzelu? Sona nkimba wewenu yuyo angikala pighamba lyako izelu?

Masalimo 24:3

Nkimba wewenu yuyo angakwela pighamba ilya Mwene? Nkimba wewenu yuyo angimilila pabuzilo bwache ubuzelu?

Masalimo 86:17

Undanjizye ichimanyilo icha bwiza bwako, umwakuti abantu babo bambengite bennye, nukukoziwa isoni, pachifukwa ichakuti awe we Mwene wanyavwa, nukunsangalusya.

Ukufuma 14:25

U Mwene akazibadizya ingolo zyabo izya bwite zila, umwakuti bakatamiwa nkani pakuzyendezya. Aba Ijiputi bakati, “Zagha tubaleke bulo aba Izilayeli! U Mwene akubalwila ubwite.”

Yesaya 14:13

Ukanenagha mumoyo wako ukuti, ‘Nkwiza pakukwela kumwanya, nukukwezya ichitengo icha bumwene, pamwamya pantondwa izya Chala, nkwiza pakwikala pachitengo pighamba ilya kumitu, kuko abachala bakubunganaghako.

Yesaya 40:31

Loli abantu babo bakumusubila u Mwene, amaka ghabo ghakwiza pakunyokela kubupya. Bakwiza pakubuluka ngati mazwanga, bakwiza pakuchimbila loli batakwiza pakulita, bakwiza pakwenda loli batakwiza pakudedebala.

Yesaya 60:8

Nkimba bo bawenu babo bakubuluka ngati mabingu, sona ngati nkunda muvivumbo vyache?

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

Luka 16:23

Bo akuyimba nkani muchisu icha bantu abafwe, akamwennya u Abulahamu pabutalipo poka nu Lazalo kulubazu lwache.

Imbombo 1:9

Bo anena zinizi, akasendiwa pakubuka kumwanya bo bakumwenelezya, po akafisiwa ni bingu.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.

Ubuvumbuli 12:5

Po akapapa umwana umulumendo, yuyo akwiza pakulaghila abantu abaluko losi ni ndisa iya chela. Loli umwana yula akazompoliwa nukubuka nawe kwa Chala, sona na ku chitengo chache icha bumwene.

Ubuvumbuli 3:21

Umuntu yuyo akupota, nkwiza pakumwitikizya ukwikala nane pachitengo icha bumwene, ukuyana namumo nane nkapotela nukwikala nu Tata pachitengo chache icha ubumwene.

Ubuvumbuli 4:1

Pisinda pache nkennya ichisetuka nukulwennya ulwiyi lwighuke kumwanya. Sona izyu itazi lila lilyo nkivwa likaba ngati lyo lipati likati, “Zagha kumwanya kuno, nkwiza pakukulanjizya ivintu vivyo vikwiza pakubombiwa pisinda pavinivi.”