Ubuvumbuli 11:10 - IBAYIBOLO 2024

¹⁰ Abantu aba muchisu ichapasi bakwiza pakuhoboka nkani pachifukwa icha bufwe ubwa bantu babili banaba. Bakwiza pakusekela nukutumilana ivyabupi pachifukwa ichakuti abalaghuzi babili banaba bakabayivya nkani abantu aba muchisu ichapasi.

Ulufingo Ulupya

¹⁰ Abantu aba muchisu ichapasi bakwiza pakuhoboka nkani pachifukwa icha bufwe ubwa bantu babili banaba. Bakwiza pakusekela nukutumilana ivyabupi pachifukwa chakuti abalaghuzi babili banaba bakabayivya nkani abantu aba muchisu ichapasi.

Ubuvumbuli 11:10 Iomraidhean Croise

1 Abamwene 18:17

Bo u Ahabu amwennya u Eliya, akamubuzya akati, “Nkimba naloli wewe ukupela intamyo mu Izilayeli?”

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:18

U mwene uwa Izilayeli akamulalusya u Yehoshafati akati, “Nkimba intakakubuzyapo ukuti atandaghuliyepo nalumo ivintu ivyiza, loli akabalilo kosi ivintu ivibibi vyene?”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

Masalimo 13:4

Po abalwani bane bakwiza ukunena ukuti, “Twamupota,” sona abakumbenga bakwiza pakunsekela nanti nawa.

Masalimo 35:19

Batakasekelelaye papane pamo abantu babo bambengite, batakanyennyanje ni lyiso ichesamu.

Masalimo 89:42

Waghabika amaka agha balwani bache pamwanya papache, po wabapela abalwani bache ukuti basekelaye.

Ivyili 24:17

Utakasekelaye nanti umulwani wako awa, sona utakahobokaye nanti ipunula.

Yelemiya 38:4

Po amakambala ghakamubuzya u mwene ghakati, “Umuntu yunuyu aghoghiwanje. Muntu yumo yuyo akubamala amaka abasilikali ababwite babo balekiwe mukaya akakulu nkani aka poka na bantu bosi, pa vintu vivyo akubabuzya. Umuntu yunuyu atakubalondela abantu ubwiza loli ko kubavulazya.”

Yelemiya 50:11

U Mwene akuti, “Mwee ba Babiloni, mukusekela sona muhobokite. Amwe mwe mukusendelapo ulusako pachilingo chane, munganyelanyela umwakuhoboka, ngati mpampali yiyo yikukoma ingano, napapo mungalila ngati yo falasi inyanavuli,

Obadiya 1:12

Loli amwe mutakituvyanje pisiku ilya ntamyo izya bamwinyu, pamo ukusekela pisiku ilya kughoghiwa ukwa ba Yuda, pamo ukwituvya pisiku ilya ntamyo zyabo.

Mika 7:8

We mulwani wane utakansekaye, awe! Napapo ingwiye, nkwiza pakunyamuka. Napapo nkwikala muchisi, u Mwene akwiza pakuba lukozyo lwane.

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Yohani 16:20

Naloli nkubabuzya ukuti mukwiza pakulila nukufwifwitila, loli abantu aba muchisu ichapasi bakwiza pakuhoboka nkani. Amwe mukwiza pakuba ni chitima, loli ichitima chinyu chikwiza pakuba buhobosu.

Yohani 7:7

Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi.

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

1 Aba Kolinti 13:6

Ulughano lutakuhoboka nu bubibi, loli lukuhoboka nu bwanaloli.

Ubuvumbuli 12:13

Bo inyivwila yila yazyaghannya ukuti yisumbiwe pachisu ichapasi, yikanda pakumuchimbizya umukolo yuyo akapapa umwana umulumendo.

Ubuvumbuli 13:14

Chikabazimbula abantu bosi abakwikala muchisu ichapasi pakupela iviswigho vivyo chikitikiziwa ukuti chibombaye pamaso pa chinyamana ichakwanda chila. Ichinyamana chila chikababuzya abantu ukuti babize ichifwani ichakuchindikila ichinyamana chicho chikavulaziwa nupanga, loli pope bulo chikaba nubumi.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Ubuvumbuli 16:10

Uwantumi uwafayivi akakupulila vivyo vikaba mulubako lwache pachitengo icha bumwene icha chinyamana. Ichisi chikawila pabumwene ubwa chinyamana chila, po abantu bakilumannya indimi zyabo pachifukwa icha bubavu.

Ubuvumbuli 3:10

Pakuti wasungilila amazyu ghane aghakuti ujimbaye, po nane nkwiza pakukusungilila pakabalilo aka njelo, kako kakwiza pachisu chosi ichapasi pakubayela abantu babo bakwikalamo.