Ubuvumbuli 10:9 - IBAYIBOLO 2024

⁹ Nkabuka ku wantumi yula nukumulaba ukuti ampe ibuku inandi lila. Akambuzya akati, “Lisende nukulilya. Likwiza pakubaba mulwanda lwako, loli mumulomo wako likwiza pakunona ngati bo buchi.”

Ulufingo Ulupya

⁹ Inkabuka ku wantumi yula nukumulaba ukuti ampe ibuku ilyakunnyengiwa ilinandi lila. Akambuzya akati, “Lisende nukulilya. Likwiza pakubaba mulwanda lwako, loli mu mulomo wako likwiza pakunona ngati bo buchi.”

Ubuvumbuli 10:9 Iomraidhean Croise

Yobu 23:12

Ntaghasulanizyepo amalamulo ghache, naghasungilila amazyu ghache ukuchila ichakulya chane icha isiku ni siku.

Yelemiya 15:16

Bo nivwa amazyu ghako, nkaghalya, ghakipela pakuba lusekelo nu buhobosu mumoyo wane, pakuti nkumanyikwa ni tabwa lyako, wee Mwene u Chala Uwamaka Ghosi.

Ezekiyeli 2:8

Loli we mwana uwa muntu, teghelezya zizyo nkukubuzya. Utakasambukaye ngati nyumba yila iyakusambuka. Ighula umulomo wako nukulya vivyo nkukupa.”

Ezekiyeli 3:14

Umuzimu akanyamulila mumwanya nukubuka nane, po umoyo wane ghukababa sona nkakalala, pakuti u Mwene akampa amaka.

Aba Kolosi 3:6

Pachifukwa icha vintu ivi, ubukali ubwa Chala bukwiza pakubawila abantu babo batakumwivwila.

Ubuvumbuli 10:10

Po nkasenda ibuku inandi lila munyobe iya wantumi nukulilya, po likanona ngati bo buchi mumulomo wane. Loli bo namila, likanda pakubaba mulwanda lwane.