Ubuvumbuli 10:6 - IBAYIBOLO 2024

⁶ Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukukaba!

Ulufingo Ulupya

⁶ Po akalapa mwitabwa ilya Chala yuyo akubangako bwila na bwila, yuyo akapela kumwanya ni chisu ichapasi, ni nyanja, sona na vyosi vivyo vili mumo. Uwantumi yula akati, “Kutakwiza pakuba sona ukuchedwa!

Ubuvumbuli 10:6 Iomraidhean Croise

Ubwandilo 14:22

U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi,

Ukufuma 20:11

“Pakuti mumasiku sikisi u Mwene akapela kumwanya ni chisu ichapasi, poka ni nyanja, sona na vyosi vivyo vili mulamula, loli nkatuzya pisiku ilyaseveni. Ichi cho chifukwa ane ne Mwene nkalisaya Isiku Ilyakutuzya pakuba lizelu.

Ukufuma 6:8

Nkwiza pakubinjizya muchisu chicho nkalapa nu Abulahamu nu Yisaki, sona nu Yakobo. Nkwiza pakubapacho pakuba chisu chinyu ni chinyu. Ane ne Mwene.’ ”

Ezekiyeli 20:5

ubabuzye abasongo ukuti, ‘U Mwene Uwamaka Ghosi akuti: Nkamusala u Izilayeli nukumulayizya u Yakobo ilayizyo, nkilanjizya kukwabo muchisu icha Ijiputi nkati, “Ane ne Mwene Uwamaka Ghosi u Chala winyu.”

Daniyeli 12:7

Umuntu yuyo akavwala amenda amatonte yula, sona yuyo akimilila pamizi agha lusoko akakwezezya inyobe zyache zyosi zibili kumwanya, po nkamwivwa akulapa mwitabwa ilya yuyo akubangako bwila na bwila akuti, “Ghakwiza pakuba maka matatu nu hafu. Bo amaka agha abantu abazelu ghamala, ivintu vyosi vinivi vikwiza pakukwanilisiwa.”

Ukubelengiwa 14:30

atakwiza pakwinjilamo muchisu chicho nkalapa pakubapa pakuba chinyu ni chinyu, loli u Kalebu mwene umwana uwa Yefune nu Yoshwa umwana uwa Nuni.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

Ubuvumbuli 12:12

Polelo hobokagha, awe chisu icha kumwanya sona namwe mwe bantu mwebosi mwe mukwikalamo! Loli ntamyo kuchisu ichapasi ni nyanja, pakuti u Satana ikila papinyu. Izuye nu bukali nkani pachifukwa ichakuti azimenye ukuti asyala na kabalilo akanandi bulo.”

Ubuvumbuli 16:17

Uwantumi uwaseveni akakupulila vivyo vikaba mulubako lwache mumwanya. Izyu ilya pamwanya likivwika ukufuma muchitengo icha bumwene mu Nyumba iya Chala likati, “Kwamala!”

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 4:9

Ivipeliwa ivyabumi folo vila vikwimbagha inyimbo izya buchindamu nu muchizi nukumupalizya yuyo ikaye pachitengo icha bumwene, sona yuyo mumi bwila na bwila. Bo vikwimba bunubu,

Ubuvumbuli 6:11

Po umuntu wesi akapeghiwa inkazo inswepu, sona bakabuziwa ukuti batuzye panandi bulo mupaka ubwinji ubwa bambombo abanji nu bwinji ubwa bakamu babo bukwane, babo bope baghoghiwanje ngati bo babo.