Ubuvumbuli 10:4 - IBAYIBOLO 2024

⁴ Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ulufingo Ulupya

⁴ Bo ivula yipaya, inkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya kwa vula kwanena, sona utakazisimbe!”

Ubuvumbuli 10:4 Iomraidhean Croise

Yesaya 29:11

Pakuti kukwinyu ichisetuka chosi chite ni mbombo, loli amazyu ghagho ghighaliliwe mwibuku. Nanti mungamupa yumo yuyo angabelenga nukumubuzya ukuti, “Nalamba belenga,” akwiza pakwamula ukuti, “Ntangabelenga chifukwa ichakuti lyighaliliwe.”

Yesaya 8:1

U Mwene akambuzya akati, “Senda ichakusimbapo ichikulu usimbepo amasimbo amakulu aghakuti, Mahelishalali hashi bazi.

Yesaya 8:16

Pinya ulusimikizyo nukudidimikizya ululaghilo mukasi mubamanyili bane.

Daniyeli 12:4

Loli awe Daniyeli ghasungaye amazyu aghakubusyefu sona wighalile ibuku mupaka pakabalilo akabumalilo, abantu abinji bakwiza pakwenda uku na kula loli amahala ghakwiza pakonjelela.”

Daniyeli 12:9

Akamula akati, “Daniyeli, bukagha pakuti amazyu ghanagha ghakubusyefu sona ghamatiwe mupaka pakabalilo akabumalilo.

Daniyeli 8:26

“Ichisetuka icha pachamabwila na pandabindabi chicho chipeghiwe kukwako chanaloli, loli utakachivumbulaye ichisetuka chinichi pakuti chikunena nizya muntazi nkani.”

Ukukumbusya Amalamulo 29:29

Vilipo ivyakubusyefu vimo vivyo u Mwene u Chala witu atatuvumbuliye, loli atuvumbuliye aswe na bana bitu amalamulo ghache, umwakuti tughakonkaye amalamulo ghanagha bwila na bwila.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:19

Polelo simba vivyo wavyennya, ivintu vivyo vikubombiwa ilelo, sona na vivyo vikwiza pakubombiwa muntazi.

Ubuvumbuli 10:8

Po izyu lilyo ivwa kumwanya likanena sona kukwane likati, “Kasende ibuku, lilyo lili munyobe iya wantumi yuyo akanyite panyanja na pisila.”

Ubuvumbuli 22:10

Akambuzya sona akati, “Utakafise amazyu aghabulaghuzi agha mwibuku linili, pakuti akabalilo kali papipi akakuti ivintu vyosi vinivi vibombiwe.