Ubuvumbuli 10:1 - IBAYIBOLO 2024

¹ Pisinda pache nkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingopingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ulufingo Ulupya

¹ Pisinda pache inkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingo-pingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 10:1 Iomraidhean Croise

Masalimo 104:3

Alambalika imitaliko iya nyumba yache pamizi kumwanya. Akughapela amabingu pakuba ngolo yache iya bwite, sona akwenda pavipapande ivya mpepo.

Masalimo 97:2

Amabingu ni chisi vimuzyunguliye, ubugholosu nu bwanaloli vyo vivyo vikwikazya ichitengo chache.

Ukufuma 16:10

Bo u Aloni achili akunena naba Izilayeli, ichilundilo chosi chikaghalabukila kunkolongo nukubwennya ubuchindamu ubwa Mwene mwibingu.

Inyimbo izya Solomoni 5:15

Ivinama vyache viyanite ni mpanda izya mabwe aghamutengo zizyo bazikazizye pavyakwikalila ivya golide umwenecho. Akabonekele kache kali ngati gho maghamba agha Lebanoni, sona akuboneka akiza nkani ngati gho makwi agha mwale.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Yesaya 54:9

“Pakuti chinichi kukwane chili ngati masiku agha Nowa, bo nalapa ichilapo ichakuti amizi gha pa Nowa, ghatakwiza pakwizula sona pachisu ichapasi. Po ilelo nalapa ukuti ntakwiza pakubakalalila sona, nukukuchemela.

Nkuto 3:44

Wivwinkite wemwene ni bingu, umwakuti inyiputo zitakafikaye kukwako.

Ezekiyeli 1:28

Chikaba ngati chipingavula, mwibingu pisiku ilya vula, umu momumo kukabela ukulama umwakumuzyungulila. Aka kakaba kabonekele aka buchindamu ubwa Mwene. Bo nabwennya nkawa umwakukupama sona nkivwa izyu ilya yuyo akunenagha ukuti,

Daniyeli 10:6

Umubili wache ghukanyezimilagha ngati mabwe aghamutengo, icheni chache chikalamagha ngati kamesya, amaso ghache ghakakagha ngati nkozyo, zyope inyobe ni vinama vikanyezimilagha ngati mukuba, izyu lyache likivwikagha ngati chilundilo icha bantu.

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Aba Levi 16:2

U Mwene akamubuzya u Mozesi akati, “Umusoke uwamwinyu u Aloni ukuti atakinjile mwalwe mu Chipinda Ichizelu nkani, kwisinda ukwa mwenda uwakuzighila, kuntazi ukwa chikupikizyo icha Bokosi ilya Lufingo, lumo angafwa, pachifukwa ichakuti ane nkwiza pakuboneka mwibingu pamwanya pa chikupikizyo.

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Luka 21:27

Po abantu bakwiza pakumwennya u Mwana uwa Muntu akwiza mumabingu na maka nu buchindamu ubukulu.

Imbombo 26:13

Mwene, bo izuba lyafika pamutu, bo indi muzila, nkennya ulukozyo ulwakulama nkani ukuchila ukulama ukwa izuba ukufuma kumwanya kukandamila na bantu babo nkendagha babo.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.

Ubuvumbuli 18:1

Bo vyachilapo vinivi, nkennya uwantumi akwika kumwanya. Akaba nu bulaghili ubukulu nkani, sona ubuchindamu bwache bukalamila ichisu chosi icha ichapasi.

Ubuvumbuli 18:21

Po uwantumi uwamaka akanyamula ibwe lilyo ubukulu bwache likayana nu lwala ulukulu nkani, akalisumbila munyanja nukuti, “Umu momumo akaya akakulu nkani aka Babiloni kakwiza pakusumbiliwa. Katakwiza pakubonekapo nalumo.

Ubuvumbuli 20:1

Pisinda pache nkennya uwantumi akwika kumwanya, bo alemite munyobe yache ichighulilo icha chibanka ichibizu nkani ni mpingu ing'wamu.

Ubuvumbuli 4:3

Uwakwikala pachitengo yula akaba na kabonekele akakunyezimila ngati lyo libwe ilya yasipi, nilya kalineliya. Ukuzyungulila mulubazu ulwa chitengo icha bumwene chila mukaba umupingopingo uwa vula ghugho akabonekela kache kakanyezimilagha ngati lyo libwe ilya emeladi.

Ubuvumbuli 5:2

Nkennya sona uwantumi uwamaka, akulalusya umwakukolomoka ukuti, “Nkimba wewenu abaghiye pakwighula ibuku ilyakunnyengiwa nukumamatula ivimatilo?”

Ubuvumbuli 8:13

Bo nkwenelezya, nkalyennya izwanga likubuluka mumwanya nukukolomoka nizyu ilya pamwanya ukuti, “Chighune mwee! Chighune mwee! Ichighune ichikulu nkani chikwiza pakubawila abantu babo bakwikala pachisu ichapasi, bo abantumi aba bumalilo batatu bakulizya amapati ghabo!”