Ubuvumbuli 1:8 - IBAYIBOLO 2024

⁸ U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ulufingo Ulupya

⁸ U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 1:8 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 28:3

U Chala Uwamaka Ghosi ayisaye isendwa yako, nukukupa abana abinji nkani, umwakuti ubanje we munyenya uwa inko inyinji nkani.

Ubwandilo 35:11

U Chala akamubuzya akati, “Ane ne Chala Uwamaka Ghosi. Papa abana abinji, sona inko izya bantu inyinji nkani bakwiza pakufuma mumwako, sona ukwiza pakuba we munyenya uwa bamwene.

Ubwandilo 43:14

U Chala Uwamaka Ghosi abapelele ichisa pamaso pa muntu yula, umwakuti abitikizye pakwiza nu Benjamini poka nu Simiyoni. Nanti chisimbiwe ukuti abana bane imbataghe bunubu, awe, chibombiwanje.”

Ubwandilo 48:3

U Yakobo akamubuzya u Yosefu akati, “U Chala Uwamaka Ghosi akambonekela pa Luzi muchisu icha Kenani, sona akansaya.

Ubwandilo 49:25

U Chala uwa ghuso weyuyo akwiza pakwavwa. U Chala Uwamaka Ghosi weyuyo akwiza pakukusaya. Ni visayo ivya kumwanya, sona na mizi agha kubwibwituka pachisu ichapasi, ulusayo ulwa bana ni ng'ombe

Ukufuma 3:14

U Chala akamubuzya u Mozesi akati, “Itabwa lyane ne ANE NENE. Izi zyo zizyo ubabuzye aba Izilayeli: ‘ANE NENE antuma kukwinyu.’ ”

Ukufuma 6:3

Ane ne Chala Uwamaka Ghosi. Nkamubonekela u Abulahamu nu Yisaki sona nu Yakobo, loli intakitambula itabwa lyane ukuti ne Mwene.

Yesaya 41:4

Nkimba wewenu yuyo azipela zinizi ukuti zibombiwanje, yuyo akuzitizya inkulilo ukwanda ko kubwandilo? Ane ne Mwene ne bwandilo, sona ne bumalilo, ane nanena.

Yesaya 43:10

U Mwene akuti, “Amwe mwe bakaboni bane, sona mwe babombi bane babo imbasalite, umwakuti mummanye nukunsubila ukuti nene, sona nukwivwisya ukuti nene. Patanzi papane atalipo u chala uyunji yuyo akamatiwa, pamo pisinda papane atalipo sona uyunji, sona atakwiza pakubako nayumo.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 48:12

“Wee Yakobo nteghelezya, mweba Izilayeli mwe nabitizya, Ane ne wabwandilo sona ne wabumalilo!

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Ukubelengiwa 24:4

Agha gho mazyu agha muntu yuyo akwivwa amazyu agha Chala, umuntu yuyo akumwennya u Chala Uwamaka Ghosi muchisetuka, umuntu yuyo akuwa pasi, loli amaso ghache mighuke.

2 Aba Kolinti 6:18

Nkwiza pakuba ne ghuso, amwe mukwiza pakuba mwe bana bane abalumendo na balindu, momumo akunenela u Mwene u Chala Uwamaka Ghosi.”

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 15:3

Bakimba ulwimbo ulwa Mozesi, umubombi uwa Chala, sona nu lwimbo ulwa Mwana uwa ng'ozi ukuti, “Wee Mwene Chala Uwamaka Ghosi, imbombo zyako nkulu sona zyakuswighisya nkani! Wee Mwene uwa inko zyosi, izila zyako zyanaloli sona ngolosu.

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 16:7

Po nkivwa izyu pachighemo likuti, “Mwene Chala Uwamaka Ghosi! Ubulongi bwako bwanaloli, sona bugholosu!”

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 19:6

Po nkivwa ichongo chicho chikivwika ngati cho chilundilo icha bantu, ngati kupoma ukwa mizi, sona ngati kujilimisya ukwa vula. Izyu lila likati, “U Chala apaliwanje! Pakuti u Mwene, u Chala witu, Uwamaka Ghosi, we Mwene!

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 21:22

Intakayennyamo ni Nyumba iya Chala mukaya kala pakuti Inyumba iya Chala we Mwene u Chala Uwamaka Ghosi nu Mwana uwa ng'ozi.

Ubuvumbuli 21:6

Akambuzya akati, “Kwamala. Ane ne Alefa nu Omega. Ane ne Bwandilo nu Bumalilo. Umuntu wesi yuyo ali ni nyota, nkwiza pakumupa amizi agha pabulo aghakufuma pambwibwi iyabumi.

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”