Ubuvumbuli 1:7 - IBAYIBOLO 2024

⁷ Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.

Ulufingo Ulupya

⁷ Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu mo mumo kukwiza pakubela. Ameni.

Ubuvumbuli 1:7 Iomraidhean Croise

Yobu 33:26

Akwiputa kwa Chala po akumupelela ichisa, akwennya icheni icha Chala nukuhoboka. U Chala akumunyosezyamo pakuba mugholosu.

Masalimo 22:16

Abalwani banzyuguliye ngati mbwa, sona akabukatila aka bantu ababibi kanzyunguliye. Bandasa inyobe ni nyayo zyane bulo.

Masalimo 68:1

U Chala avundumukaye, abalwani bache banyampanaye, sona bosi babo bakubengite bachimbilaye pamaso papako.

Masalimo 97:2

Amabingu ni chisi vimuzyunguliye, ubugholosu nu bwanaloli vyo vivyo vikwikazya ichitengo chache.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 12:11

Pisiku lilalila kukwiza pakuba ukulila ukukulu nkani mu Yelusalemu, ngati mumo bakamulilila u Hadadi Limoni mwikombe ilya Megido.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

Matayi 16:27

Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache.

Matayi 16:28

Naloli nkubabuzya ukuti balipo abantu bamo pano, babo bate bakafwe mupaka bamwennya u Mwana uwa Muntu akwiza pakuba we Mwene.”

Matayi 24:30

Po ichimanyilo ichakwiza ukwa Mwana uwa Muntu chikwiza pakuboneka kumwanya. Abantu bosi aba muchisu ichapasi bakwiza pakufwifwitila, bo bamwennya u Mwana uwa Muntu akwiza mumabingu na maka nu buchindamu ubukulu.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Matayi 26:64

U Yesu akamula akati, “Wanena wemwene. Loli nkubabuzya mwebosi ukuti ukwandila pakabalilo aka mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mumabingu.”

Maliko 13:26

Po abantu bakwiza pakumwennya u Mwana uwa Muntu, akwiza mumabingu na maka nu buchindamu.

Maliko 14:62

U Yesu akamula akati, “Nene! Mwebosi mukwiza pakumwennya u Mwana uwa Muntu ikaye kunyobe indilo iya Chala Uwamaka Ghosi akwiza mu mabingu!”

Luka 21:27

Po abantu bakwiza pakumwennya u Mwana uwa Muntu akwiza mumabingu na maka nu buchindamu ubukulu.

Yohani 19:34

Loli weka uwa basilikali ababwite bala akamulasa u Yesu ni mpalala mumbazu, po umwalubilolubilo ibanda na mizi vikanda pakufuma.

Yohani 19:37

Sona pali Amasimbo aghanji ghagho ghakuti, “Abantu bakwiza pakumwenelezya yuyo bakamulasa.”

1 Aba Tesalonika 1:10

Po mukulindilila ukwiza ukwa Mwana wache u Yesu ukufuma kumwanya, yuyo akamuzyusya kubufwe, sona yuyo akatupoka ku bukali ubwa Chala bubo bukwiza.

1 Aba Tesalonika 4:17

Pisinda pache aswe twe tuchili twe bumi, sona twe twasyala, tukwiza pakubungana poka nabo mu mabingu pakukomana nu Mwene mumwanya. Po tukwiza pakuba nu Mwene bwila na bwila.

Aba Hebeli 10:29

Po nkimba zingaba bulibuli nu muntu yuyo akumusamula u Mwana uwa Chala? Nkimba zingaba bulibuli nu muntu yuyo akulinyazya ibanda ilya lufingo ulwa Chala lilyo likamuswefya imbibi zyache? Nkimba zingaba bulibuli nu muntu yuyo akumusamula u Muzimu Umuzelu, yuyo akumulanjizya ichisa?

Aba Hebeli 6:6

po chipala nkani ukuti bapinduke sona nanti bawa, pachifukwa chakumukomela sona u Mwana uwa Chala pachipinjika nukumukozya isoni pabuzelu.

1 Yohani 3:2

Mwee bamanyani bane abaghaniwa, ilelo aswe twe bana aba Chala, loli chichili chitavumbuliwe namumo tukwiza pakubela. Loli bo akwiza, tuzimenye ukuti tukwiza pakuyana nawe, pakuti tukwiza pakumwennya mumo abeleye.

Yuda 1:14

Akaba we Enoki uwa nkulilo iyaseveni ukwandila pa Adamu, yuyo akalaghula nizya bantu banaba ukuti, “Ennya, u Mwene akwiza na bantumi aba kumwanya abasita kubelengiwa

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

Ubuvumbuli 22:4

Bakwiza pakwennya icheni chache, sona itabwa lyache likwiza pakusimbiwa pa vyeni vyabo.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.