Ubuvumbuli 1:6 - IBAYIBOLO 2024

⁶ Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ulufingo Ulupya

⁶ Akatupela aswe pakuba luko ulwa bumwene, nukuba baputi ukuti tumubombelaye Uwise u Chala. Ubuchindamu na maka vya Yesu Kilisitu bwila na bwila. Ameni!

Ubuvumbuli 1:6 Iomraidhean Croise

Ukufuma 19:6

Amwe mwe luko ulupaghuliwa, sona mukwiza pakuba mwe baputi. Ubabuzye amazyu ghanagha aba Izilayeli.”

Yesaya 61:6

Mukwiza pakwitiziwa, pakuba mwe baputi aba Mwene, mukwiza pakuneniwa pakuba babombi aba Chala witu. Mukwiza pakulya ubukabi ubwa inko, sona muvyuma vyabo mukwiza pakwituvikizyamo.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Aba Loma 11:36

Pakuti ivintu vyosi vikapeliwa nawe, sona vili nubumi ukwendela mumwache, sona ni chifukwa icha yuyo. Kwa Chala kubanje ubuchindamu ubwa bwila na bwila! Ameni.

Aba Loma 15:6

umwakuti mwebosi nizyu lyoka mumuchindikaye u Chala, sona nu wise uwa Mwene witu u Yesu Kilisitu.

Aba Filipi 2:11

Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

1 Timoti 6:16

U Chala mwene bulo atakufwapo nalumo, sona akwikala mu lukozyo lulo nayumo umuntu angapalamilako. Nayumo umuntu yuyo amwenizyepo pamo angamwennya. Kukwache kubanje umuchizi na maka bwila na bwila. Ameni.

Aba Hebeli 13:21

U Chala abape amwe ivyiza vyosi ukuti mubombaye ubwighane bwache nukubomba mumwitu ukwendela mwa Yesu Kilisitu zizyo zikumuhobosya. Po u Kilisitu achindikiwanje bwila na bwila! Ameni!

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

1 Pitala 5:11

Kukwache kubanje amaka bwila na bwila! Ameni.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.

Yuda 1:25

U Chala mwene weyuyo Mupoki witu ukwendela mwa Yesu Kilisitu u Mwene witu. Apokelaye ubuchindamu nu bumwene, na maka nu bulaghili ukwanda ilelo mupaka bwila na bwila! Ameni.

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 20:6

Basayiwa sona bazelu abantu babo bakwiza pakuzyuka poka nabo ukuzyuka kubufwe ukwakwanda kunuku. Ubufwe ubwabubili bute na maka papabo, loli bakwiza pakuba baputi aba Chala naba Kilisitu, sona bakwiza pakulaghila poka nawe amaka 1,000.

Ubuvumbuli 4:11

“Wee, Mwene u Chala witu, pokela ubuchindamu nu muchizi na maka. Pakuti wewe ukapela ivintu vyosi; mubwighane bwako vikapeliwa nukuba nubumi.”

Ubuvumbuli 5:10

Ukabapela pakuba luko ulwa bumwene, nukuba baputi pakumubombela u Chala witu, bakwiza pakulaghila ichisu ichapasi.”