Ubuvumbuli 1:4 - IBAYIBOLO 2024

⁴ Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ulufingo Ulupya

⁴ Ane ne Yohani, inkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pa chitengo icha bumwene ubwa Chala.

Ubuvumbuli 1:4 Iomraidhean Croise

Masalimo 90:2

Bo amaghamba ghatapapiwe, pamo bo utachipelite ichisu ichapasi, awe we Chala bwila na bwila.

Ukufuma 3:14

U Chala akamubuzya u Mozesi akati, “Itabwa lyane ne ANE NENE. Izi zyo zizyo ubabuzye aba Izilayeli: ‘ANE NENE antuma kukwinyu.’ ”

Yesaya 11:2

Umuzimu uwa Mwene akwiza pakwikala papache, Umuzimu uwa mahala nu wakwivwisya ivintu, Umuzimu uwakumanyisya amahala nu wamaka, Umuzimu uwa bumanyi nu wakumunyila u Mwene

Yesaya 41:4

Nkimba wewenu yuyo azipela zinizi ukuti zibombiwanje, yuyo akuzitizya inkulilo ukwanda ko kubwandilo? Ane ne Mwene ne bwandilo, sona ne bumalilo, ane nanena.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Zekaliya 3:9

Ennya ibwe, nkulibika pamaso pa Yoshwa, pibwe lyoka linili pali amaso seveni, u Mwene Uwamaka Ghosi anena, sona nkwiza pakusimbapo amazyu nukwefya imbibi izya chisu chinichi pisiku lyoka bulo.

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Yohani 1:1

Kubwandilo bo ichisu chitapeliwe, yuyo akitiziwanga ukuti Mazyu akabako kale, akaba nu Chala, po sona akaba we Chala.

Imbombo 19:10

U Pabuli akendelela pakubomba zinizi amaka mabili, umwakuti abantu bosi babo bakikalagha muchigaba icha Asiya, aba Yuda na bantu babo bate ba Yuda bakivwa amazyu agha Mwene.

Imbombo 2:9

Twe bamo twafuma ku Palitiya naku Mediya naku Elamu naku Mesopotamiya, naku Yudeya naku Kapadokiya naku Ponti naku Asiya

Aba Loma 1:7

Nkubasimbila abantu bosi babo bali mu Loma, babo u Chala abaghanite nukubitizya ukuti babanje bantu bache abazelu. Ichisa nu mutende ivyakufuma kwa Chala u Tata witu, sona ni vyakufuma kwa Mwene u Yesu Kilisitu vibanje namwe.

1 Aba Kolinti 1:3

Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.

2 Aba Kolinti 1:2

Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.

Aba Hebeli 13:8

U Yesu Kilisitu ali mumo abeleye, mumabwila, nilelo, sona bwila na bwila.

Yakobo 1:17

Ichabupi chosi ichiza sona ni chakufikapo chikufuma kumwanya kwa Tata, Umupeli uwa nkozyo izya kumwanya, yuyo atakwandukakwanduka ngati gho muzyezye.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 1:9

Ane ne Yohani umukamu winyu, nkugabana namwe amayimba nu bumwene, sona nu bufisalyoyo mwa Yesu. Nkabikiwa pa kasungo aka Patimo pachifukwa ichakuti nkalumbilila amazyu agha Chala, sona nu bwanaloli bubo u Yesu akabuvumbula.

Ubuvumbuli 16:5

Po nkivwa uwantumi yuyo akaba nu bulaghili pamizi akuti, “Awe we Mugholosu, sona we Muzelu awe uliko, sona ukabako pakuti wavilonga ivintu vinivi.

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 22:8

Ane ne Yohani, nivwa nukwennya ivintu vinivi. Bo navyivwa nukuvyennya, nkawa pasi munyayo izya wantumi yuyo akandanjizya ivintu vinivi, po nkamwiputa.

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha:

Ubuvumbuli 4:5

Muchitengo icha bumwene mukafumagha utumesya, ichongo nukujilimisya ukwa vula. Pantazi pachitengo icha Bumwene mukakagha ivikoka ivya moto seveni, vivyo yo Mizimu seveni iya Chala.

Ubuvumbuli 4:8

Ichipeliwa ichabumi chosi chikaba ni vipapande sikisi. Ivipapande vila vikaba na maso posi na posi, mukasi na kuzi bulo. Pamusanya na pabusiku vitakutuzyangapo pakwimba ukuti, “Muzelu, muzelu, muzelu u Mwene u Chala Uwamaka Ghosi. Wewe ukabako kale, wewe uliko ilelo, wewe ukwiza pakubangako bwila na bwila.”

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 8:2

Po nkennya abantumi aba kumwanya seveni bimite pamaso pa Chala, sona bapeghiwe amapati seveni.