Ubuvumbuli 1:20 - IBAYIBOLO 2024

²⁰ Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ulufingo Ulupya

²⁰ Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 1:20 Iomraidhean Croise

Ukufuma 25:37

“Upange inyale seveni nukuzyimika pa chakubikapo inyale, umwakuti zilamilaye kuntazi.

Ukufuma 37:23

Akapanga inyale seveni nu tulemelo, ni vyakuyolela itoyi ivya golide umwenecho.

Zekaliya 4:2

Akandalusya akati, “Nkimba ukwennya ichoni?” Nkamwamula nkati, “Nkwennya ichakubikapo inyale icha golide, pamwanya pakaba akabeseni. Palapala pakabapo inkozyo seveni, inyale yosi yili nubutambi seveni.

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Matayi 13:11

U Yesu akamula akati, “U Chala abavumbulila vivyo vifisiwe ivya Bumwene ubwa Kumwanya, loli abantu bosi abanji, awe.

Luka 8:10

Po u Yesu akabamula akati, “U Chala abavumbulila vivyo vifisiwe ivya Bumwene bwache. Loli abantu babo bali kuzi bakwivwa vyosi muvyili, ukuti bangennya nukwennya, loli bate bavyennyanje, sona nukuti bangivwa nukwivwa, loli batangavyivwisya.

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:16

Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 17:5

Pa cheni chache pakasimbiwapo itabwa lilyo lili ni ching'anamulo ichakubusyefu ukuti, “U Babiloni umukulu nkani, unyina uwa bamalaya bosi nuwa bantu abanyazu bosi muchisu ichapasi.”

Ubuvumbuli 17:7

Po uwantumi akandalusya akati, “Nkimba choni chicho ukuswigha? Ane nkwiza pakukulingannya iching'anamulo ichakubusyefu nizya mukolo yunuyu, sona nizya chinyamana chicho chili ni mitu seveni, poka ni mpembe teni.

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha:

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 2:5

Kumbuka namumo ukabela bo utawiye. Pinduka nukuzileka imbibi zyako, ubombaye imbombo zizyo ukabombagha pakwanda. Nanti utakupinduka, nkwiza pakwiza kukwako nukwefyapo ichakubikapo inyale yako pabuzilo bwache.

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: