Ubuvumbuli 1:17 - IBAYIBOLO 2024

¹⁷ Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ulufingo Ulupya

¹⁷ Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.”

Ubuvumbuli 1:17 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 139:5

Ukunzighililagha kunyuma na kuntazi, sona ukubika inyobe yako papane.

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Ukufuma 20:20

U Mozesi akabamula abantu bala akati, “Mutakanyilaye, u Chala iza pakubayela bulo, umwakuti mumunyilaye, sona nukuti muleke pakunanga.”

Ukufuma 3:6

Po akati, “Ane ne Chala uwa banyenya bako, u Chala uwa Abulahamu nu Chala uwa Yisaki sona nu Chala uwa Yakobo.” U Mozesi akavwinka icheni chache, pachifukwa ichakuti akanyilagha pakumwennya u Chala.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 41:4

Nkimba wewenu yuyo azipela zinizi ukuti zibombiwanje, yuyo akuzitizya inkulilo ukwanda ko kubwandilo? Ane ne Mwene ne bwandilo, sona ne bumalilo, ane nanena.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 48:12

“Wee Yakobo nteghelezya, mweba Izilayeli mwe nabitizya, Ane ne wabwandilo sona ne wabumalilo!

Nkuto 3:57

Bo nakwitizya ukapalamila, po ukambuzya ukati, ‘Utakanyilaye.’

Ezekiyeli 1:28

Chikaba ngati chipingavula, mwibingu pisiku ilya vula, umu momumo kukabela ukulama umwakumuzyungulila. Aka kakaba kabonekele aka buchindamu ubwa Mwene. Bo nabwennya nkawa umwakukupama sona nkivwa izyu ilya yuyo akunenagha ukuti,

Daniyeli 10:12

Akambuzya akati, “Wee Daniyeli, utakanyilaye. Pakuti ukwanda pisiku ilyakwanda lilalila ukabikilako inyinong'ono ukuti wivwisye ivintu, sona nukuti wiyisya wemwene pamaso pa Chala wako, inyiputo zyako zikivwika, niza pachifukwa icha nyiputo zyako.

Daniyeli 10:15

Bo akumbuzya zinizi, nkakotamila bulo pasi icheni chane intakanenapo nachimochimo.

Habakuku 3:16

Bo nivwa zinizi mukasi mukasunguluka, sona imilomo yane yikaneng'ena bo nivwa amazyu ghanagha. Amafupa ghane ghakanda pakubola sona ivinama vyane vikatetema. Loli nkwiza pakulindilila mubufisalyoyo ukwiza ukwa isiku ilya ntamyo, ukuti lyize pa balwani bitu babo bakutulema.

Matayi 14:27

Panapo na panapo u Yesu akababuzya akati, “Mutakatetemaye! Nene. Mutakanyilaye.”

Matayi 28:4

Abalindilili bala bakanyila nkani, umwakuti bakatetema nukuba ngati bo bantu abafwe.

Matayi 28:5

Uwantumi yula akababuzya abakolo bala akati, “Mutakanyilaye. Inzimenye ukuti mukumulonda u Yesu, yuyo akakomeliwa pachipinjika.

Yohani 13:23

Umumanyili weka, yuyo u Yesu akamughana nkani akikala papipi nu Yesu.

Yohani 21:20

U Pitala akaghalabuka nukumwennya umumanyili yuyo u Yesu akamughana nkani akabakonkagha mwisinda, umumanyili yuyo pakabalilo aka Ulusekelo ulwa Pasa, akamweghamila u Yesu pachifuba nukumulalusya ukuti, “Mwene, nkimba wewenu akwiza pakukubika munyobe izya balwani?”

Ubuvumbuli 1:11

Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 22:13

Ane ne Alefa nu Omega. Ane ne Wakwanda nu Wakumalila. Ane ne Bwandilo nu Bumalilo.