Ubuvumbuli 1:16 - IBAYIBOLO 2024

¹⁶ Akalema intondwa seveni munyobe yache indilo. Mumulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ulufingo Ulupya

¹⁶ Akalema intondwa seveni munyobe yache indilo. Mu mulomo mwache mukafuma upanga yuyo akwete kosi na kosi. Icheni chache chikalamagha ngati po izuba lili pamutu.

Ubuvumbuli 1:16 Iomraidhean Croise

Yobu 38:7

Bo intondwa izya kubuche zikwimbila poka sona bo abantumi bosi bakukolomoka mubuhobosu?

Masalimo 45:3

Wee musilikali umujivu, pinyilila upanga wako mumusana, mubuchindamu nu bukulu bwako.

Inyimbo izya Solomoni 6:10

“Nkimba wewenu yuyo akuboneka ngati ko kubuche, yuyo akulama ngati gho mwezi, sona ngati lizuba?” Nkimba wewenu yuyo akuboneka muchindamu ngati bo basilikali babo banyamuye indembela?

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 24:23

Umwezi ghukwiza pakwima, lyope izuba litakwiza pakulama, pakuti u Mwene Uwamaka Ghosi akwiza pakulaghila, pighamba ilya Ziyoni na mu Yelusalemu, po pantazi pa basongo pakwiza ukuboneka ubuchindamu.

Yesaya 49:2

Akaghupela umulomo wane pakuba ngati wepanga yuyo akwete kosikosi. Ninyobe iyache ni yache akanvighilila ane. Akampela ane pakuba ngati ne kalasilo kako bakayannya pakubombezya.

Daniyeli 12:3

Abantu babo bali na mahala bakwiza pakulama ngati yo mwanya. Bope abantu babo bakubalongozezya abantu abinji ku zila ingolosu, bakwiza pakulamagha ngati zyo ntondwa bwila na bwila.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Matayi 17:2

Bo bakumwennya, akabonekele aka Yesu kakanduka. Icheni chache chikanyezimila ngati lyo lizuba, sona amenda ghache ghakaba maswepu nkani!

Imbombo 26:13

Mwene, bo izuba lyafika pamutu, bo indi muzila, nkennya ulukozyo ulwakulama nkani ukuchila ukulama ukwa izuba ukufuma kumwanya kukandamila na bantu babo nkendagha babo.

Aba Efeso 6:17

Vwala ubupoki pakuba chisote chinyu, sona amazyu agha Chala ghabanje wepanga uwa Muzimu Umuzelu.

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 10:1

Pisinda pache nkamwennya uwantumi uyunji uwamaka akwika kumwanya. Akavwinkiwa mwibingu, sona kumutu wache kukaba umupingopingo uwa vula. Icheni chache chikaba ngati lyo lizuba, sona ivinama vyache vikaba ngati zyo mpanda izya moto.

Ubuvumbuli 12:1

Pisinda pache ichimanyilo ichikulu ichakuswighisya nkani chikaboneka kumwanya. Kukaba umukolo yuyo akavwala izuba ni nyayo zyache zikanyite pamwezi. Kumutu wache akavwala impumpu iya bumwene yiyo yikaba ni ntondwa 12.

Ubuvumbuli 19:15

Mumulomo wache mukafuma upanga yuyo akwete nkani, uwakupotela abantu aba inko izyakulekanalekana. Akwiza pakubalaghila ni ndisa yache iya chela, sona akwiza pakukanyannya amampesya muchiliba ichakukanyilamo amampesya icha bukali ubwa Chala Uwamaka Ghosi.

Ubuvumbuli 19:21

Abasilikali babo bakaghoghiwa nupanga uwakufuma mumulomo uwa yuyo akakwela pafalasi. Po iviyuni vyosi vikasong'ompola amabili ghabo mosi mumo vikalondelagha.

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha:

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:16

Pinduka nukuzileka imbibi zyinyu! Nanti mutakupinduka nkwiza kukwinyu lunulu nukulwa namwe ubwite nupanga yuyo akwete kosi na kosi, sona yuyo akufuma mumulomo wane.

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Abalongi 3:16

U Ehudi akasyana upanga yuyo akwete kosi na kosi, ubutali bwache akaba amasentimita 50, po akamupinyilila mumusana kuntapatapa iya ndilo mukasi mumenda ghache.

Abalongi 5:31

“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.