Ubuvumbuli 1:11 - IBAYIBOLO 2024

¹¹ Izyu lilalila likati, “Simba mwibuku vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ulufingo Ulupya

¹¹ Izyu lilalila likati, “Simba mwibuku innyenge vivyo ukuvyennya, uvitumile ivipanga seveni: Ichipanga icha mu Efeso, nicha mu Similina, nicha mu Peligamu, nicha mu Tiyatila, nicha mu Salidisi, nicha mu Filadefiya, sona nicha mu Labodikiya.”

Ubuvumbuli 1:11 Iomraidhean Croise

Yesaya 30:8

Ilelo buka nukusimba apakusimbapo, uzisimbe mwibuku, umwakuti zibanjeko bwila na bwila.

Yelemiya 30:2

“Ane ne Mwene u Chala uwa Izilayeli nkuti, ‘Simba mwibuku zyosi zizyo nkubuzizye.

Habakuku 2:2

Po u Mwene akamula akati, “Busimbe umwakwivwika nkani ubuvumbuli bunubu pamabwe amapapate, umwakuti umuntu yuyo akububelenga, angababelengela akiza abantu abanji.

Imbombo 16:14

Weka uwa babo bakateghelezyanga akaba we Lidiya uwa mukaya aka Tiyatila. Akaghulizyanga amenda amachesamile, sona akaba mukolo yuyo akamwiputagha u Chala. U Mwene akamwighula umoyo wache ukuti ateghelezye zizyo u Pabuli akanenagha.

Imbombo 18:24

Pakabalilo kalakala umu Yuda yumo, yuyo akaba we Apolo, yuyo akapapiwa mukaya aka Alekizandiliya akiza mu Efeso. Akaba muntu yuyo akamanya pakunena akiza, sona akaba nu bumanyi ubwa Masimbo.

Imbombo 20:17

Ukufuma mu Mileta u Pabuli akatuma amazyu ku Efeso pakubalaba abasongo aba chipanga ukuti bakomane nawe.

1 Aba Kolinti 15:32

Nanti nkalwanga na bantu muno mu Efeso babo bakaba ngati po vinyamana, pakukonka bulo inyinong'ono izya buntu, po nkimba nakabapo ichoni? Loli nanti abantu abafwe batakuzyuka kubufwe, po tubombaye bulo vivyo abantu bakunena ukuti, “Leka tulyanje nukung'wela uvinyo, pachifukwa ichakuti indabi tukwiza pakufwa.”

1 Aba Kolinti 16:8

Loli nkwiza pakwikala mu Efeso muno mupaka pisiku ilya Pentekositi.

Aba Efeso 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala. Nkubasimbila amwe mwe bantu abazelu aba Chala babo bali mu Efeso, sona babo basubiliwa mwa Kilisitu u Yesu.

Ukukumbusya Amalamulo 31:19

“Losi ulu simba ulwimbo ulu. Ubamanyisye aba Izilayeli ukuti lubanje we kaboni wane uwakubasusya.

Aba Kolosi 2:1

Nkulonda ukuti muzimanye namumo nkubiyulila nkani, na bantu babo bali mu Labodikiya, sona na bosi abantu abanji babo batamenye pacheni.

1 Timoti 1:3

Bo nkubuka ku Makedoniya, nkakulaba ukuti wikale mu Efeso. Mulamula muli abantu bamo babo bakumanyisya ivimanyisyo ivyabumyasi, po nkulonda ukuti awe ubakanizye.

Ubuvumbuli 1:17

Bo namwennya, nkawa pasi munyayo zyache ngati ne muntu umufwe. Loli akabika inyobe yache indilo papane nukuti, “Utakanyilaye! Ane ne bwandilo. Ane ne bumalilo.

Ubuvumbuli 1:19

Polelo simba vivyo wavyennya, ivintu vivyo vikubombiwa ilelo, sona na vivyo vikwiza pakubombiwa muntazi.

Ubuvumbuli 1:2

U Yohani akulingannya ivintu vyosi vivyo akavyennya nizya mazyu agha Chala, sona nu buvumbuli bosi bubo u Yesu Kilisitu akavumbula.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 1:8

U Mwene u Chala, Uwamaka Ghosi, yuyo aliko ilelo, yuyo akabako kale, sona yuyo akwiza pakubako akuti, “Ane ne bwandilo. Ane ne bumalilo.”

Ubuvumbuli 10:4

Bo ivula yapaya, nkaba papipi pakusimba. Loli nkivwa izyu kumwanya likuti, “Utakavumbulaye zizyo ukupaya ukwa vula kwanena, sona utakazisimbe!”

Ubuvumbuli 14:13

Po nkivwa izyu kumwanya likuti, “Simba uti: Basayiwa abantu babo ukwandila pakabalilo aka bakufwila pambombo iya Mwene.” U Muzimu Umuzelu akuti, “Eee momumo! Bakwiza pakutuzya pambombo zyabo inkafu, pakuti imbombo zyabo inyiza zikubakonka.”

Ubuvumbuli 19:9

Palapala uwantumi yula akambuzya akati, “Simba uti, ‘Basayiwa abantu babo bitiziwe kulusekelo ulwa sendwa iya Mwana uwa ng'ozi!’ ” Uwantumi yula akonjelezya sona pakunena ukuti, “Agha gho mazyu aghanaloli agha Chala.”

Ubuvumbuli 2:1

“Uwantumi uwa muchipanga icha mu Efeso umusimbile uti, “Amazyu ghagho ghaneniwa na yuyo alemite intondwa seveni munyobe yache indilo, sona yuyo akwenda pakasi pa vyakubikapo inyale izya golide seveni gho agha:

Ubuvumbuli 2:12

“Uwantumi uwa muchipanga icha mu Peligamu umusimbile uti, “Amazyu ghagho ghaneniwa na yuyo alemite upanga yuyo akwete kosi na kosi, gho agha:

Ubuvumbuli 2:18

“Uwantumi uwa muchipanga icha mu Tiyatila umusimbile uti, “Amazyu ghagho ghaneniwa nu Mwana uwa Chala, yuyo amaso ghache ghakumekuka ngati gho moto, sona yuyo inyayo zyache zikulama ngati cho chela, gho agha:

Ubuvumbuli 2:24

“Loli amwe mwe bantu abanji aba muchipanga icha mu Tiyatila mutakonkite ichimanyisyo ichibibi ichi. Mutamanyiyeko zizyo abene bakuti izyakubusyefu izya Satana. Nkubabuzya ukuti ntakwiza pakonjelezya ukatundu uyunji papinyu.

Ubuvumbuli 2:8

“Uwantumi uwa muchipanga icha mu Similina umusimbile uti, “Amazyu ghagho ghaneniwa na yuyo we bwandilo, sona we bumalilo, sona yuyo akafwa, loli ilelo mumi gho agha:

Ubuvumbuli 21:5

Panapo uwakwikala pachitengo icha bumwene yula akati, “Losi ulu nkwandula ivintu vyosi pakuba vipya!” Akanena sona kukwane akati, “Simba ivi, pakuti amazyu ghanagha ghanaloli, sona masubiliwa.”

Ubuvumbuli 22:10

Akambuzya sona akati, “Utakafise amazyu aghabulaghuzi agha mwibuku linili, pakuti akabalilo kali papipi akakuti ivintu vyosi vinivi vibombiwe.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”

Ubuvumbuli 3:1

“Uwantumi uwa muchipanga icha mu Salidisi umusimbile uti, “Amazyu ghagho ghaneniwa na yuyo ali ni mizimu seveni iya Chala, sona yuyo ali ni ntondwa seveni gho agha: “Invimenye vyosi vivyo ukubomba. Napapo umanyikitwe ukuti we mumi, loli inzimenye ukuti we mufwe.

Ubuvumbuli 3:14

“Uwantumi uwa muchipanga icha mu Labodikiya umusimbile uti, “Amazyu ghagho ghaneniwa na yuyo akwitiziwa ukuti we Ameni, umusubiliwa, sona nu kaboni uwanaloli, yuyo we chifumo icha vipeliwa vyosi ivya Chala, gho agha:

Ubuvumbuli 3:4

Loli uli na bantu abanandi bulo mu Salidisi, babo batanyazizye amenda ghabo. Abantu banaba bakwiza pakwenda poka nane, bo bavwalite amenda amaswepu pakuti babaghiye.

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: