Titi 3:5 - IBAYIBOLO 2024

⁵ akatupoka aswe. Zitakaba mbombo ingolosu zizyo aswe tukabombagha, awe, loli chifukwa icha chisa chache. Akatupoka aswe pakutozya nukutupapizya sona ukwendela mwa Muzimu Umuzelu, nukutupa ubumi ubupya.

Ulufingo Ulupya

⁵ akatupoka aswe. Zitakaba mbombo ingolosu zizyo aswe tukabombagha, awe, loli chifukwa icha chisa chache. Akatupoka aswe pakutozya nukutupapizya sona ukwendela mwa Muzimu Umuzelu, nukutupa ubumi ubupya.

Titi 3:5 Iomraidhean Croise

Yobu 15:14

“Nkimba umuntu wenu yuyo angaba muzelu, pamo umuntu yuyo apapiwe nu mukolo, angaba mugholosu?”

Yobu 25:4

Po nkimba umuntu angaba bulibuli mugholosu pamaso pa Chala? Nkimba umuntu yuyo apapiwe nu mukolo, angaba bulibuli muzelu?

Yobu 9:20

Napapo nkaba ne musita nongwa, pope bulo ngali amazyu ghane ghansusya. Napapo nkaba ne muntu umusita akalema, pope bulo ngali naghiwa ninongwa.

Masalimo 130:7

Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

Masalimo 143:2

Utakandongaye ne mubombi wako, pakuti atalipo nayumo umumi, yuyo mugholosu pamaso papako.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Masalimo 62:12

Ichinji chakuti awe Mwene, we lughano, pakuti naloli ukwiza pakumupa umuntu wesi umuvwalo, ukuyana ni mbombo zyache.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yesaya 57:12

Nkwiza pakububika pabuzelu, ubugholosu bwako ni mbombo zyako, sona vitakwiza pakukwavwa.

Ezekiyeli 36:25

Nkwiza pakubanyafila amizi amiza, po mukwiza pakuswepa, nkwiza pakubaswefya ubunyazu bosi ubwa vifwani vyinyu vyosi.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Matayi 3:11

Ane nkubozya na mizi pakulanjizya ukuti naloli mwapinduka nukuzileka imbibi zyinyu. Loli pisinda papane akwiza yumo yuyo ali namaka ukunchila. Ane intabaghiye na panandi pakunyamula inkwato zyache. Akwiza pakubozya nu Muzimu Umuzelu numoto.

Luka 1:50

ukwandila inkulilo yoka mupaka iyamwabo akubapelela ichisa abantu babo bakumuchindika.

Luka 1:54

Amwavwa umubombi wache u Izilayeli pakumulanjizya ichisa,

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Luka 1:78

U Chala witu wachisa nkani. Akwiza pakututumila ulukozyo ulwa kumwanya,

Aba Loma 11:14

Pamo ningabapela abantu abaluko lwane pakuba bantu abakabini, umwakuti ningabapoka bamo mumwabo.

Aba Loma 11:6

Loli ukusala ukwa Chala kukima pachisa chache, kute po pavintu vivyo bakabomba. Nanti zikabanga bunubu, kokuti ichisa chache, ngali chitakaba chisa ichenecho.

Aba Loma 12:2

Mutakeghelelaye inkalo izya bantu aba muchisu ichapasi, loli mumwitikizye u Chala ukuti andule ubumi bwinyu pakubapa inyinong'ono impya. Po mungiza mumanye ubwighane ubwa Chala, mukwiza pakumanya chicho chiza, ni chakumuhobosya nkani, sona ni chakufikapo.

Aba Loma 3:20

Pakuti atalipo umuntu yuyo u Chala akumunena ukuti mugholosu pamaso papache pachifukwa icha kukonka Indaghilo. Loli Indaghilo zikumupela umuntu ukuti imanye ukuti ananga.

Aba Loma 3:28

Pachifukwa ichi tunganena ukuti u Chala akumunena umuntu ukuti ate ninongwa pamaso papache ukwendela mu lwitiko, loli kute pakukonka Indaghilo, awe.

Aba Loma 4:5

Loli umuntu yuyo atakusubila imbombo zyache, loli akumusubila u Chala yuyo akumunena umuntu uwambibi pakuba mugholosu pamaso papache, u Chala akwiza pakumunena pakuba mugholosu pamaso papache, pachifukwa icha lwitiko lwache.

Aba Loma 9:11

Loli bo amapasa ghala ghachili pakupapiwa, sona bo ghatabombitepo nachimo ichiza pamo ichibibi, u Chala akabomba bunubu ukuti ukusaliwa ukwa muntu weka kubanje ukayana namumo kukabatilikiwa. Po akasalile kache katakima pambombo izya muntu, loli kakima pakuti umwene akamwitizya umuntu yulayula.

Aba Loma 9:16

Polelo ivintu vyosi vyimite pachisa icha Chala mwene, pate pavintu vivyo umuntu akulonda pamo ukuyezya pakuvibomba.

Aba Loma 9:30

Po nkimba tungati choni? Tunganena ukuti abantu babo bate ba Yuda babo batakalondagha ukwinena bene pakuba bantu bagholosu pamaso pa Chala, ilelo baneniwa ukuti bantu bagholosu pantazi papache ukwendela mu lwitiko,

1 Aba Kolinti 6:11

Umu momumo bamo mumwinyu mukabela, loli mukaswefiwa nukupaghuliwa, sona mwaneniwa ukuti mute ninongwa nayimoyimo pamaso pa Chala mwitabwa ilya Mwene u Yesu Kilisitu, sona nukwendela mu Muzimu uwa Chala witu.

Aba Galatiya 2:16

Loli tuzimenye ukuti umuntu atakuneniwa pakuba mugholosu pamaso pa Chala pakuzikonka Indaghilo, loli kwene ukwendela mu lwitiko mwa Yesu Kilisitu. Po naswe bulo tuli nu lwitiko mwa Kilisitu u Yesu, umwakuti tunganeniwa pakuba bagholosu pamaso pa Chala ukwendela mu lwitiko mwa Kilisitu, pate pakuzikonka Indaghilo pene. Pakuti nayumo umuntu yuyo anganeniwa pakuba mugholosu pamaso pa Chala pakuzikonka Indaghilo pene.

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

Aba Efeso 4:23

Amoyo ghinyu ni nyinong'ono zyinyu vyipelaye pakuba vipya,

Aba Efeso 5:26

Akabomba zinizi ukuti achipaghulile ichipanga kwa Chala, bo achiswefya tasi pakuchisuka na mizi, sona na mazyu ghache.

Ukukumbusya Amalamulo 9:5

U Mwene u Chala winyu abitikizya pakubachimbizyamo nukwikalamo muchisu chabo, te pachifukwa ichakuti mwe bagholosu, pamo mwe biza awe, loli pachifukwa ichakuti abantu balabala babibi nkani, sona pachifukwa ichakuti akulonda pakukwanilisya ilayizyo lilyo akamulayizya umunyenya winyu u Abulahamu nu Yisaki, sona nu Yakobo.

Aba Kolosi 3:10

sona mwavwala ubuntu ubupya. Ubu buntu ubupya bubo Umupeli winyu akubupela sona pakuba bupya isiku ni siku muchifwani chache, umwakuti naloli mumumanye yuyo umwakufikapo.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Titi 3:4

Loli bo u Chala Umupoki witu alanjizya ichisa nu lughano lwache,

Aba Hebeli 10:22

po zagha tupalamile kwa Chala nu moyo uwanaloli nu moyo uwa lwitiko, sona na moyo ghagho ghaswefiwe umabyebye umubibi, sona na mabili ghagho ghasukiwe na mizi amiza.

Aba Hebeli 4:16

Po zagha tupalamile kuchitengo icha bumwene icha Chala uwachisa nkani umwakusita ubogha, umwakuti tupokele ichisa, sona nukutwavwa pakabalilo kitu akakusobelwa.

Aba Hebeli 6:6

po chipala nkani ukuti bapinduke sona nanti bawa, pachifukwa chakumukomela sona u Mwana uwa Chala pachipinjika nukumukozya isoni pabuzelu.

1 Pitala 1:3

Zagha tumupalizye u Chala yuyo we Wise uwa Mwene witu u Yesu Kilisitu! Pachifukwa icha chisa chache akatupa aswe ubumi ubupya pakumuzyusya u Yesu Kilisitu kubufwe. Ichi chikutupa ulusubilo ulwenecho,

1 Pitala 2:10

Kale amwe mutakaba bantu aba Chala, loli ilelo mwe bantu bache. Pakabalilo kamo amwe mutakachimanya ichisa icha Chala, loli ilelo mwachipokela ichisa chache.

1 Pitala 3:21

Amizi ghanagha cho chimanyilo icha lozyo, lulo ilelo lukubapoka ukwendela mukuzyuka kubufwe ukwa Yesu Kilisitu. Ulozyo lute ko kusuka ichiko icha mu mubili, awe. Loli lilayizyo lilyo likapangiwa kwa Chala pachifukwa icha mabyebye umwiza.