Titi 3:2 - IBAYIBOLO 2024

² Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Ulufingo Ulupya

² Ubabuzye ukuti batakamuyebaye nayumo umuntu, loli babanje bantu abamutende, abamanyani aba bantu bosi, sona babanje bololo ku bantu bosi.

Titi 3:2 Iomraidhean Croise

2 Samuweli 22:36

Awe ukunzighilila ni ngulu yako iya bupoti, sona ukunkwezya nu bwavwilizi bwako.

Masalimo 140:11

Umuyebi atakikalanaye muchisu, sona intamyo zibawilaye abantu abalombwa.

Ivyili 19:19

Umuntu umukali afundiwanje, nanti ukumupoka, kokuti ukwiza pakuchibomba sona.

Ivyili 25:24

Chizapo pakwikala umwakwifyenyelekezya pankuto iya chisonje icha nyumba, ukuchila pakwikala munyumba poka nu mukolo uwakupwata.

Ivyili 6:19

ukaboni yuyo akutamanta, sona nu muntu yuyo akubalumannya abakamu bache.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Matayi 11:29

Nyamula ikoli lyane, manyila kukwane pakuti ane ne mololo nu wakwiyisya. Po mukwiza pakubwagha ubutuzyo.

Imbombo 23:5

U Pabuli akamula akati, “Mwee bakamu bane, intazimenye ukuti we muputi usongo. Amasimbo ghakuti, ‘Mutakamutukaye umulaghili uwa bantu bako.’ ”

1 Aba Kolinti 6:10

pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala.

1 Aba Kolinti 9:19

Ane ne musatuke, sona inte ne muzya uwa muntu yumo, awe. Loli nkipela nemwene pakuba muzya uwa bantu bosi, umwakuti nkabepo abantu abinji.

2 Aba Kolinti 10:1

Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa

2 Aba Kolinti 12:20

Pakuti nkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Nkunyila sona ukuti lumo ningagha ukudalinkana, na kabini nukukalala nukwiyighana, ni ntuko, ni yebo nukwitutumula, sona nu buvulunganu.

Aba Galatiya 5:22

Loli ivikomwa ivya Muzimu Umuzelu vyo ivi: Ulughano nu buhobosu nu mutende nu bufisalyoyo, ni chisa nu bwiza nu busubiliwa,

Aba Galatiya 6:1

Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje.

Aba Galatiya 6:10

Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.

Aba Efeso 4:2

Akabalilo kosi mubanje mwe bakwiyisya, sona bololo. Mubanje mwe bafisalyoyo nukwivwana mulughano.

Aba Efeso 4:31

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

Aba Filipi 4:5

Akabalilo kosi mubanje bololo na bantu bosi. U Mwene ali pamulyango.

1 Aba Tesalonika 2:7

Napapo twe batumiwa aba Kilisitu, aswe tukabaghila pakupokela vimo ivintu ukufuma kukwinyu, loli tukaba bololo kukwinyu ukuyana namumo umayi akubasungila abana bache.

1 Timoti 3:11

Umwakuyana bulo, bope na bachi babo babanje ni nkalo inyiza, sona batakabanje ni yebo, awe. Batakakolwanje, sona babanje basubiliwa muvyosi.

1 Timoti 3:3

Atakabe we ching'wela, pamo umuntu uwa lombwa, loli abanje mololo. Atakabe wavyongo, sona atakazighanaye indalama.

Yakobo 3:17

Loli amahala agha kumwanya, ichakwanda mazelu, na ghamutende, na mololo, sona na ghabumanyani. Ghizuye nu lupazikizyo, sona imbombo zyache nyiza, ghatakwennya icheni, sona ghate mazimbuli, awe.

Yakobo 4:11

Mwee bakamu bane, mutakayebanaye. Umuntu wesi yuyo akumunena uwamwabo ububibi pamo ukumususya, kokuti akuzinena ububibi nukuzisusya Indaghilo izya Chala. Nanti ukuzilonga Indaghilo izya Chala, kokuti utakuzikonka, loli waba we mulongi.

1 Pitala 2:1

Po muleke ububibi bosi; muleke ubumyasi, pamo ubuzimbuli, pamo akabini, pamo intuko.

1 Pitala 3:10

Amasimbo ghakuti, “Umuntu wesi yuyo akulonda pakwilagha nubumi sona nukuti ennyanje amasiku amiza, alukanizye ululimi lwache pakunena ububibi. Aleke pakunena ubumyasi.

1 Pitala 3:8

Amazyu aghabumalilo gho agha: Mwebosi mubanje nu moyo ghoka; mupazikizannyanje, sona mughananaye mwebenebene pakuti mwe bakamu. Mubanje bachisa, sona na bakwiyisya.

1 Pitala 4:4

Polelo abantu abakuzi bakuswigha bulo, bo bakwennya ukuti mutakuba poka nabo mumbombo imbibi zizyo bakubomba. Ichi cho chifukwa bakubasamula.

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

Yuda 1:10

Loli abantu banaba bakutuka ni vintu vyosi vivyo batavimenye, ivintu vivyo bavimenye na mahala ghabo vivyo vikubanangannya.

Yuda 1:8

Umwakuyana bulo, bope abantu banaba bakughanyazya amabili ghabo pakukonka ivisetuka vyabo. Bakubusamula ubulaghili ubwa Chala nukubutuka ubuchindamu ubwa vipeliwa ivya kumwanya.