Titi 2:7 - IBAYIBOLO 2024

⁷ Muvintu vyosi, awe ubanje we chifwanikizyo icha nkalo inyiza. Bo ukumanyisya, umanyisyanje nu moyo uwanaloli, sona nu muchizi.

Ulufingo Ulupya

⁷ Muvintu vyosi, awe ubanje we chifwanikizyo icha nkalo inyiza. Bo ukumanyizya, umanyizyanje nu moyo uwanaloli, sona nu muchizi.

Titi 2:7 Iomraidhean Croise

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

2 Aba Kolinti 2:17

Aswe tutayanite na bantu abinji bamo, babo bakubwaghilapo ubukabi pa mazyu agha Chala, loli pakuti u Chala atutuma aswe, cho chifukwa tukunena nu moyo uwanaloli pantazi papache ngati twe babombi aba Kilisitu.

2 Aba Kolinti 4:2

Loli tumalanite kale nazyo imbombo zyosi izyakubusyefu, sona ni zyakukozya isoni. Aswe tutakubombezya ubuzimbuli pamo ukunyongannya amazyu agha Chala. Loli pakunena ubwanaloli bosi pabuzelu pamaso pa Chala, ukuti twipale twebene kwa mabyebye uwa muntu wesi.

2 Aba Kolinti 8:8

Pakunena zinizi intakubalamula, awe. Loli nkulonda pakubuyela ubwanaloli ubwa lughano lwinyu pakufwanikizya nu bwanaloli ubwa lughano ulwa bantu abanji.

Aba Efeso 6:24

Ichisa icha Chala chibanje na bantu bosi babo bamughanite u Mwene witu u Yesu Kilisitu nu lughano lulo lutakufwapo nalumolumo.

Aba Filipi 1:10

umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

2 Aba Tesalonika 3:9

Kute kokuti tutakaba nu bulaghili ubwakulabila ubwavwilizi kukwinyu, awe. Loli tukalondagha ukuti tubanje chifwanikizyo kukwinyu.

1 Timoti 4:12

Patakabepo umuntu uwakukusula pachifukwa ichakuti we mulumendo, loli ubanje we chifwanikizyo icha bitiki mukanenele, na munkalo, na mulughano, na mulwitiko, sona na mubumi ubwiza.

1 Timoti 5:10

Abanje wakuti imbombo zyache nyiza. Abanje mukolo wakuti asungitepo akiza abana bache, apokelelagha akiza abayeni, yuyo akasukuzya inyayo izya bantu abazelu aba Chala, akubavwa abantu babo bali muntamyo, sona nukwiyipa mwene pakubomba zyosi imbombo inyiza.

Titi 3:8

Amazyu agha masubiliwa. Nkulonda ukuti udidimizyepo pavintu vinivi, umwakuti abantu babo bakumusubila u Chala babanje bakwikolezannya pakubomba imbombo inyiza, zizyo nyiza, sona zikubavwa abantu bosi.

1 Pitala 5:3

Mutakabanje ngati mwe bamwene abakwitutumula pabantu babo mubaghiye pakubalongozya, loli mubanje chifwanikizyo ichiza icha ng'ozi.